Sumayya P | Samayam Malayalam | Updated: 30 Jun 2021, 12:06:15 PM
12 വയസിന് മുകളിലുള്ള എല്ലാവര്‍ക്കും വാക്‌സിന്‍ നല്‍കാനാണ് ആരോഗ്യ മന്ത്രാലയം പദ്ധതിയിടുന്നത്. ഇത് ജനസംഖ്യയുടെ 70 ശതമാനം പേര്‍ വരും.
12 വയസിന് മുകളിലുള്ള മുഴുവന്‍ പേര്‍ക്കും വാക്‌സിന്‍
ഡിസംബറില്‍ ആരംഭിച്ച നാഷനല്‍ ഇമ്മ്യൂണൈസേഷന്‍ പ്ലാനില്‍ ഇതിനകം 854,274 പേര്‍ക്ക് വാക്‌സിന്‍ നല്‍കിയതായും ആരോഗ്യ മന്ത്രാലയം അറിയിച്ചു. വാക്‌സിന്‍ എടുക്കാന്‍ അര്‍ഹതയുള്ള ജനസംഖ്യയുടെ 24 ശതമാനം പേര്‍ ഇതിനകം കുത്തിവയ്പ്പ് എടുത്തുകഴിഞ്ഞു. ഇവരില്‍ 643,744 പേരാണ് ഒന്നാം ഡോസ് മാത്രം എടുത്തത്. രണ്ടാം ഡോസ് എടുത്തത് 210,530 പേരാണ്. 12 വയസിന് മുകളിലുള്ള എല്ലാവര്‍ക്കും വാക്‌സിന്‍ നല്‍കാനാണ് ആരോഗ്യ മന്ത്രാലയം പദ്ധതിയിടുന്നത്. ഇത് ജനസംഖ്യയുടെ 70 ശതമാനം പേര്‍ വരും.
വാക്‌സിന്റെ ലഭ്യത അനുസരിച്ച് വിവിധ ഘട്ടങ്ങളായാണ് വാക്‌സിന്‍ വിതരണം ചെയ്യുന്നത്. ഡിസംബറില്‍ 65 വയസ്സിനു മുകളിലുള്ളവര്‍ക്ക് മാത്രമായിരുന്നു ആദ്യ ഘട്ടത്തില്‍ വാക്‌സിന്‍ നല്‍കിയിരുന്നത്. പിന്നീട് അത് 60 വയസ്സിനു മുകളിലും 45 വയസ്സിനു മുകളിലും ഉള്ളവരിലേക്ക് വ്യാപിപ്പിക്കുകയായിരുന്നു. ജൂലൈ നാലു മുതല്‍ തുങ്ങിയ അടുത്ത ഘട്ടത്തിലാണ് 18 വയസ്സിന് മുകളിലുള്ളവര്‍ക്ക് വാക്‌സിന്‍ നല്‍കുക.
വാക്സിനേഷന് വിപുലമായ ഒരുക്കങ്ങള്‍
വാക്‌സിന്‍ നല്‍കുന്നതിന് വിപുലമായ സംവിധാനങ്ങളാണ് ഒമാനില്‍ ഒരുക്കിയിരിക്കുന്നതെന്നും അവര്‍ പറഞ്ഞു. ഒമാന്‍ കണ്‍വെന്‍ഷന്‍ ആന്റ് എക്‌സിബിഷന്‍ സെന്ററിലെ വിശാലമായ വാക്‌സിന്‍ വിതരണ കേന്ദ്രത്തില്‍ മാത്രം ഒരു ദിവസം 7000 പേര്‍ക്ക് വാക്‌സിന്‍ നല്‍കാനാവും. ഓണ്‍ലൈന്‍ വഴി രജിസ്റ്റര്‍ ചെയ്യുന്നവര്‍ക്കാണ് ഇവിടെ നിന്ന് വാക്‌സിന്‍ നല്‍കുന്നത്. വാക്‌സിന്‍ നല്‍കുന്നതിനുള്ള 60 ബൂത്തുകളാണ് ഇവിടെ ഒരുക്കിയിരിക്കുന്നത്. 10,000 പേര്‍ക്ക് വരെ ഒരു ദിവസം വാക്‌സിന്‍ നല്‍കാനുള്ള സൗകര്യം ഇവിടെയുണ്ട്. ജൂണ്‍ 20 മുതലാണ് ഇവിടെ മാസ് വാക്സിനേഷന് ഡ്രൈവ് തുടങ്ങിയത്. ഓരോരുത്തര്‍ക്കും അനുവദിക്കപ്പെട്ട സമയത്ത് തന്നെ എല്ലാവരും വാക്‌സിന്‍ സ്വീകരിക്കാന്‍ എത്തണമെന്നും അവര്‍ പറഞ്ഞു.
കൊവിഡ് മരണങ്ങള്‍ കൂടുന്നു
അതിനിടെ, ഒമാനില്‍ കൊവിഡ് മരണങ്ങള്‍ വര്‍ധിക്കുന്നതായി റിപ്പോര്‍ട്ടുകള്‍ വ്യക്തമാക്കുന്നു. ജൂണ്‍ 24 മുതല്‍ 26 വരെയുള്ള കഴിഞ്ഞ മൂന്ന് ദിവസത്തിനിടെ ഒമാനില്‍ 119 പേരാണ് കൊവിഡ് ബാധിച്ച് മരണപ്പെട്ടത്. വ്യാഴാഴ്ച 42 പേരും വെള്ളിയാഴ്ച 35 പേരും ശനിയാഴ്ച 42 പേരും മരണപെട്ടതായാണ് ആരോഗ്യ മന്ത്രാലയം റിപ്പോര്‍ട്ട് ചെയ്തത്. അതായതു രാജ്യത്ത് ഓരോ 36 മിനിട്ടിലും കൊവിഡ് മൂലം ഓരോ മരണം വീതം സംഭവിക്കുന്നുവെന്നാണ് കണക്കുകള്‍ വ്യക്തമാക്കുന്നത്. ഇതിനോടകം 2967 പേര്‍ക്കാണ് കൊവിഡ് കാരണം ഒമാനില്‍ ജീവന്‍ നഷ്ടമായത്. 2020 മാര്‍ച്ച് 31ന് ആയിരുന്നു ഒമാനില്‍ കൊവിഡ് മൂലമുള്ള ആദ്യ മരണം റിപ്പോര്‍ട് ചെയ്തത്. ഓരോ മാസവും ശരാശരി 185 പേര്‍ വീതം ഒമാനില്‍ കൊവിഡ് മൂലം മരണപ്പെട്ടതായാണ് കണക്കുകള്‍.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : 18 years and older to get covid-19 vaccine at july 4 in oman
Malayalam News from malayalam.samayam.com, TIL Network
