കോഴിക്കോട്: മുഖം മിനുക്കി സഞ്ചാരികളെ വരവേല്‍ക്കാനൊരുങ്ങുന്ന കോഴിക്കോട് ബീച്ച് ഇപ്പോള്‍ സമൂഹ മാധ്യമങ്ങളില്‍ വൈറലാണ്. ഇതിനൊപ്പം ശ്രദ്ധേയമാവുകയാണ് നമ്മുടെ കോഴിക്കോട് വീഡിയോയ്ക്ക് വേണ്ടി മാതൃഭൂമി ക്ലബ് എഫ്.എം കോഴിക്കോട് തയ്യാറാക്കിയ തീം സോങ്ങും.
തണലേകും പൂമരങ്ങളായ് ഗസല്‍ നിറയും പൊന്‍കിനാവുമായ്‌ എന്നു തുടങ്ങുന്ന പാട്ടായിരുന്നു കോഴിക്കോട് ബീച്ചിലെ പുതിയ വീഡിയോയ്‌ക്കൊപ്പം എത്തിയത്. ജില്ലാ കളക്ടര്‍ സാംബ ശിവ റാവു കഴിഞ്ഞ ദിവസം ഫെയ്‌സ്ബുക്കില്‍ ഷെയര്‍ ചെയ്ത വീഡിയോ നിരവധി പേരായിരുന്നു ഷെയര്‍ ചെയ്തത്.പലരുടേയും വാട്‌സ് ആപ്പ് സ്റ്റാറ്റസുമായി.
കോഴിക്കോട് ക്ലബ് എഫ്.എം സൗണ്ട് എന്‍ജിനിയറായ ജോജു സെബാസ്റ്റിയാനാണ് ഇതിന്റെ മ്യൂസിക്ക് ആന്‍ഡ് പ്രോഗ്രാമിംഗ് ചെയ്തിരിക്കുന്നത്. പ്രവീണ്‍ എം കുമാറിന്റേതാണ് വരികള്‍. അഭിനവ് പ്രതാപ് ആണ് പാടിയിരിക്കുന്നത്.
