അധികാരം നഷ്ടപ്പെട്ടെങ്കിലും പോരാടാൻ ഉറച്ച് ഉദ്ധവ് താക്കറെ; അമിത് ഷായ്ക്ക് വിമർശനം

തങ്ങളെ ചതിച്ച ശിവസേന വിമതപക്ഷത്തോട് കണക്ക് തീർക്കുന്നതിനാകും ഔദ്യോഗിക പക്ഷത്തിന്റെ ശ്രമം. അതിന്റെ ആദ്യ ഭാഗമായി വിമത എംഎൽഎമാർക്കെതിരെ സുപ്രീം കോടതിയെ സമീപിക്കുകയാണ് ശിവസേന.

വിമത എംഎൽഎമാരെ അയോഗ്യരാക്കണമെന്ന ആവശ്യവുമായാണ് ശിവസേന സുപ്രീം കോടതിയെ സമീപിച്ചിരിക്കുന്നത്. നാളെ വിശ്വാസവോട്ട് നടക്കാനിരിക്കെ വിമത എംഎൽഎമാരെ നിയമസഭയിൽ പ്രവേശിക്കാൻ അനുവദിക്കരുതെന്നാണ് ശിവസേനയുടെ ഹർജിയിൽ പറയുന്നത്. മുഖ്യമന്ത്രിയായി ഏക്നാഥ് ഷിൻഡേയുടെ സത്യപ്രതിജ്ഞ നടന്നതോടെ അയോഗ്യനായതായി കപിൽ സിബൽ വാദിച്ചു.

അതേസമയം, കേസിൽ അടിയന്തര ഇടപെടലിന് സുപ്രീം കോടതി വിസമ്മതിച്ചു. നിയമസഭാ സമ്മേളനത്തിന് തടസ്സമില്ലെന്നും കോടതി പറഞ്ഞു. കോടതി കേസ് 11ന് കേൾക്കാമെന്നും അറിയിക്കുകയായിരുന്നു.

പ്രവർത്തകരെ വൈകാരികമായി ഉണർത്തുന്നതിനുള്ള ശ്രമങ്ങളും ശിവസേന ക്യാമ്പുകളിൽ നിന്നും തുടങ്ങിക്കഴിഞ്ഞുവെന്നാണ് റിപ്പോർട്ടുകൾ. ബുധനാഴ്ച രാത്രി ഉദ്ധവ് താക്കറേയുടെ രാജിയുണ്ടായത്. അതിവൈകാരികമായ പ്രസംഗം ശിവസേന പ്രവർത്തകരെ ലക്ഷ്യം വച്ചുള്ളതായിരുന്നു.

അതിന് പുറമെ, ഇന്ന് ബിജെപി മുൻ അധ്യക്ഷനായിരുന്ന അമിത് ഷായ്ക്കെതിരെ കടുത്ത വിമർശനവുമായി ഉദ്ധവ് താക്കറെ രംഗത്തുവന്നു. 2019-ൽ അമിത് ഷാ വാക്ക് പാലിച്ചിരുന്നെങ്കിൽ മഹാവികാസ് അഘാടി സഖ്യം ഉണ്ടാവുമായിരുന്നില്ലെന്ന് ഉദ്ധവ് താക്കറെ പറഞ്ഞു. സഖ്യം അവസാനിപ്പിച്ചതിനെ സൂചിപ്പിച്ചായിരുന്നു താക്കറെയും പ്രതികരണം.

പുതിയ സർക്കാരിൽ ശിവസൈനികനെ തന്നെയാണ് മുഖ്യമന്ത്രിയാക്കിയിരിക്കുന്നത്. ഇത് തന്നെയാണ് പണ്ട് പറഞ്ഞത്. രണ്ടര വർഷം വീതം മുഖ്യമന്ത്രി പദവി പങ്കിട്ടെടുക്കാം എന്നാണ് താനും അമിത് ഷായും തമ്മിൽ തീരുമാനിച്ചത്. എന്നാൽ ബിജെപി ഇത് ലംഘിച്ചു. സംസ്ഥാനത്തും കേന്ദ്രത്തിലും ബിജെപിയുമായി സഖ്യമുണ്ടായിരുന്ന കാലത്ത് ഇത് ചെയ്യാതെ എന്തുകൊണ്ടാണ് ഇപ്പോൾ ബിജെപി ഇത് ചെയ്യുന്നത് എന്ന് ഉദ്ധവ് ചോദിച്ചു.

അധികാരത്തിന് വേണ്ടി ബിജെപി എന്നെ പിന്നിൽ നിന്ന് കുത്തി. ബിജെപി – ശിവസേന സഖ്യമുണ്ടായിരുന്ന കാലം രണ്ടര വർഷം ശിവസേന മുഖ്യമന്ത്രി വേണമെന്ന് ഞാൻ നേരത്തെ ഷായോട് പറഞ്ഞിരുന്നു. അവർ ഇത് നേരത്തെ ചെയ്തിരുന്നെങ്കിൽ മഹാവികാസ് അഘാടി സഖ്യം ഉണ്ടാവുമായിരുന്നില്ലെന്നുമാണ് ഉദ്ധവ് പ്രതികരണമുണ്ടായിരിക്കുന്നത്.

Also Read : ഓട്ടോ ഡ്രൈവറിൽ നിന്നും മുഖ്യമന്ത്രി സ്ഥാനത്തേക്ക്; ആരാണ് ഏക്നാഥ് ഷിൻഡെ?

അതേസമയം, ഉദ്ധവ് താക്കറേയുടെ നിലപാടിനെ വിമർശിച്ച് സമൂഹമാധ്യമങ്ങളിലും പോസ്റ്റുകൾ ഉയരുന്നുണ്ട്. മുഖ്യമന്ത്രി കസേരയ്ക്ക് ഭീഷണി ഉയർന്നപ്പോൾ മുതൽ ഓഫീസിൽ പ്രത്യക്ഷപ്പെട്ട ബാൽ താക്കറേയുടെ ഛത്രപതി ശിവജിയുടെ ചിത്രത്തെക്കുറിച്ചും ഓർമിപ്പിച്ചാണ് ബിജെപി തിരിച്ചടിച്ചത്. ചിത്രം സഹിതം പങ്കുവച്ചാണ് വിമർശനങ്ങൾ.