ആളുകള്‍ക്ക് പൊതുവെ പേടിയുള്ള മൃഗമാണ് കരയിലെ ഏറ്റവും വലിയ ജീവിയായ ആന. കരിവീരനെ കാണാനൊക്കെ നല്ല ശേലാണെങ്കിലും അവന്റെ സ്വഭാവം മാറിയാല്‍ കളി കാര്യമാകും. പലപ്പോഴും മൃഗങ്ങളുടെ വീഡിയോകള്‍ സോഷ്യല്‍ മീഡിയയില്‍ വേഗത്തിലാണ് വയലാറുന്നത്. വഴിയില്‍ തടസമായി നിന്ന ഒരാളോട് കാട്ടാന ചെയ്തതാണ് ഇപ്പോള്‍ സോഷ്യല്‍ മീഡിയയില്‍ വൈറലായി കൊണ്ടിരിക്കുന്നത്. ശ്രീലങ്കയില്‍ നിന്നുള്ള സിസിടിവി ദൃശ്യങ്ങളാണിത്. ഒരാള്‍ വഴിയരികില്‍ നില്‍ക്കുന്നതാണ് വീഡിയോയൂടെ തുടക്കം. അല്‍പ്പ സമയത്തിനകം അയാളുടെ പുറകിലൂടെ ഒരു ആന വരുന്നത് കാണാം.
ആന ഇപ്പോള്‍ അയാളെ തുമ്പിക്കൈയില്‍ എടുത്ത് എറിയുമെന്ന് നമ്മള്‍ വിചാരിക്കും പക്ഷെ ആന വളരെ മാന്യനായിരുന്നു. റോഡിന് മുന്നില്‍ നിന്ന ആളിന്റെ അടുത്ത് വന്നപ്പോള്‍ തന്നെ തന്റെ കാല്‍ കൊണ്ട് ആന അയാളുടെ ദേഹത്തേക്ക് അല്‍പ്പം മണ്ണ് തെറിപ്പിച്ചു. അയാള്‍ തിരിഞ്ഞ് നോക്കുമ്പോളാണ് അവിടെ ആന വന്ന് നില്‍ക്കുന്നത് അറിയുന്നത്. ഉടന്‍ തന്നെ അയാള്‍ ഓടി മാറി. വഴിയില്‍ തടസമായി നിന്ന അയാള്‍ മാറിയതോടെ തന്റെ പാട് നോക്കി ആന പോകുകയും ചെയ്തു.
Also read: കൂട്ടുകാര്‍ക്ക് മുന്നില്‍ താരമായി കുട്ടി മജീഷ്യന്‍; പ്രകടനം കണ്ട് അന്തംവിട്ട് സോഷ്യല്‍ മീഡിയ
വേണമെങ്കില്‍ ആനയ്ക്ക് അയാളെ ഉപദ്രവിക്കാമായിരുന്നു പക്ഷെ ആന അത് ചെയ്തില്ല. തനിക്ക് ഒരു ഉപദ്രവും ചെയ്യാത്ത ആ മനുഷ്യനോട് മാറി നില്‍ക്കാന്‍ പറയുന്ന ആന എല്ലാവരെയും ഞെട്ടിച്ച് കളഞ്ഞൂ എന്ന വേണം പറയാന്‍. എന്തായാലും ആനയുടെ വീഡിയോ സോഷ്യല്‍ മീഡിയ ഏറ്റെടുത്ത് കഴിഞ്ഞു. ശ്രീലങ്കയില്‍ നിന്നുള്ള സിസിടിവി ദൃശ്യങ്ങളാണിതെന്നാണ് റിപ്പോര്‍ട്ടുകള്‍ പറയുന്നത്. buitengebieden എന്ന ട്വിറ്റര്‍ പേജിലൂടെയാണ് വീഡിയോ പുറത്ത് വന്നത്.
Also watch
സ്വപ്നം കണ്ട ജീവിതം കൈയ്യെത്തിപ്പിടിച്ച് സൂരജ്
Web Title : elephant throws dirt on man to move aside from his way
Malayalam News from Samayam Malayalam, TIL Network
