നിരവധി ഗുണങ്ങളുള്ള ഒരു സീഡ് ആണ് അയമോദകം എന്നത്. ഈ അയമോദകം ദഹനത്തിനും അതുപോലെ പലകാര്യങ്ങള്‍ക്കും നല്ലതെന്നപോലെ അമിതമായാല്‍ ദോഷവുമാണ്.
ഹൈലൈറ്റ്:
- അയമോദകം അസിഡിറ്റി കുറയ്ക്കും
- അലര്‍ജി ഉള്ളവര്‍ ഉപയോഗിക്കാതിരിക്കാം
- ചിലപ്പോള്‍ ശരീരത്തിലേയ്ക്ക് വിഷമായി മാറും
അയമോദകം ഉപയോഗിച്ചാലുള്ള ഗുണങ്ങള്‍ എന്തെല്ലാം
കണ്ടാല്‍ ഏകദേശം ജീരകം പോലെതന്നെ തോന്നുമെങ്കിലും കഴിക്കുമ്പോള്‍ കുറച്ച് ചവര്‍പ്പും കയ്പ്പും ഏറിയ സ്വാദാണ് അയമോദകത്തിന് ഉള്ളത്. ഇന്ത്യ, ആഫ്രിക്ക, അറേബ്യന്‍ രാജ്യങ്ങള്‍ എന്നിവിടങ്ങളിലെല്ലാം വളരെ പ്രാചീന കാലം മുതല്‍ അയമോദകം ഭക്ഷണം ഉണ്ടാക്കുന്നതിലും അതുപോലെ ആരോഗ്യപരമായ ആവശ്യങ്ങള്‍ക്കും ഉപയോഗിച്ച് വരുന്നുണ്ട്.
ഇന്ന് സോറിയാസീസ് അതുപോലെതന്നെ ചര്‍മ്മത്തിലുണ്ടാകുന്ന നിറവ്യത്യാസം എന്നീ രോഗങ്ങള്‍ക്കെല്ലാം ഉപയോഗിക്കുന്ന മെത്തോക്‌സലേന്‍ മരുന്നില്‍ പ്രധാനമായും അടങ്ങിയിരിക്കുന്നത് അയമോദകമാണ്.അതുപോലെ പണ്ടുകാലത്ത് ശരീരത്തിന്റെ സന്തുലനാവസ്ഥനിലനിര്‍ത്തുന്നതിനായി അയമോദകം ഉപയോഗിച്ചിരുന്നു.
അയമോദകത്തിന് ശരീരത്തിലെ പ്രശ്‌നങ്ങള്‍ കുറയ്ക്കുന്നതിനും സുഖം വേഗത്തില്‍ പ്രാപിക്കുവാനും സഹായിക്കും. മാത്രവുമല്ല ഇതില്‍ ദഹനത്തിന് സഹായിക്കുന്ന ഫൈബര്‍ അടങ്ങിയിരിക്കുന്നതിനാല്‍ തന്നെ വയറ്റിലെ ദഹനസംബന്ധമായ പ്രശ്‌നങ്ങള്‍ക്ക് ഇത് നല്ലതാണ്. അതുപോലെ വയര്‍ ചീര്‍ക്കുന്ന അവസ്ഥയുമെല്ലാം ഇത് കുറയ്ക്കുന്നതിന് സഹായിക്കും.
അതുപോലെതന്നെ നെഞ്ചെരിച്ചില്‍, വിശപ്പില്ലായ്മ എന്നീ പ്രശ്‌നങ്ങള്‍ പരിഹരിക്കുന്നതിനെല്ലാം അയമോദകം നല്ലതാണ്. അതുപോലെ ഇതില്‍ നല്ലപോലെ ആന്റിഓക്‌സിഡന്റ്‌സും അടങ്ങിയിരിക്കുന്നതിനാല്‍ ഹൃദയത്തിന്റെ ആരോഗ്യത്തിനും അതുപോലെ കോളസ്‌ട്രോള്‍ കുറയ്ക്കുന്നതിനും ഇത് സഹായിക്കുന്നുണ്ട്.
അതുപോലെ ആസ്മപോലുള്ള രോഗങ്ങള്‍ക്ക് അയമോദകവും ഇഞ്ചിനീരും ചേര്‍ത്ത് നല്‍കാറുണ്ട്. അതുപോലെ ശരീരത്തിലേയ്ക്കുള്ള വായു സഞ്ചാരം കൂടട്ടുന്നതിനും ഇത് ശ്വാസകോശത്തിന്റെ ആരോഗ്യം നല്ല രീതിയില്‍ നിലനിര്‍ത്തുന്നതിനും സഹായിക്കും. ഇത് ഇട്ട് തിളപ്പിച്ചെടുത്ത വെള്ളം നല്ലൊരു മൗത്ത്വാഷ് ആയി ഉപയോഗിക്കാവുന്നതാണ്. ഇത് ഓറല്‍ ഹൈജീന്‍ കാത്തുസൂക്ഷിക്കുന്നതിന് സഹായിക്കും.
രാവിലെതന്നെ വെറുംവയറ്റില്‍ അയമോദകം ഇട്ട് തിളപ്പിച്ച വെള്ളം കുടിക്കുന്നത് ശരീരത്തിലെ മെറ്റബോളിസം കൂട്ടുന്നതിനും അതുപോലെ ഫാറ്റ് കുറയ്ക്കുന്നതിനും സഹായിക്കുന്നുണ്ട്. അതുപോലെ ശരീരത്തിലെ നീര് കുറയ്ക്കുന്നതിനെല്ലാം ഇത് നല്ലതാണ്.
അയമോദകത്തിന്റെ ദോഷവശങ്ങള്‍ എന്തെല്ലാം
അയമോദകം നല്ലതാണെന്നു കരുതി ചിലര്‍ അമിതമായി ഇത് ഉപയോഗിക്കാറുണ്ട്. ഇത്തരത്തില്‍ അമിതമായി ഉപയോഗിക്കുന്നത് വയറ്റില്‍ ഗ്യാസ് നിറയുന്നതിന് കാരണമാകുന്നുണ്ട്. ഇത് അസിഡിറ്റിയും അതുസംബന്ധമായ അസ്വസ്ഥതകളിലേയ്ക്കും ബുദ്ധിമുട്ടിലേയ്ക്കും നയിക്കുന്നു.
ചിലര്‍ക്ക് അയമോദകം അലര്‍ജി ആയിരിക്കാം. കാരണം ഇതില്‍ അടങ്ങിയിരിക്കുന്ന തൈമോള്‍തന്നെ. അലര്‍ജി ഉള്ളവര്‍ ഇത് കഴിച്ചാല്‍ ക്ഷീണം, തുമ്മല്‍, മൂക്കൊലിപ്പ്, ഛര്‍ദ്ദിക്കുവാന്‍ തോന്നല്‍ എന്നിവയെല്ലാം അനുഭവപ്പെടുന്നതാണ്.
അയമോദകത്തില്‍ ബയോആക്ടീവ് ഘടകങ്ങള്‍ അടങ്ങിയിരിക്കുന്നതിനാല്‍ ഇത് അമിതമായി ഉപയോഗിച്ചാല്‍ ചിലരില്‍ വായയില്‍ പുണ്ണ്, അതുപോലെ പുകച്ചില്‍ എന്നിവയെല്ലാം അനുഭവപ്പെടാനുള്ള സാധ്യതയുണ്ട്. അതുകൊണ്ട് മിതമായ അളവില്‍ മാത്രം ഉപയോഗിക്കുക.
ഗര്‍ഭിണികള്‍ ഇതുപോലെ അമിതമായി അയമോദകം ഉപുയോഗിച്ചാല്‍ ഇത് ഭ്രൂണത്തിനെ സാരമായി ബാധിച്ചെന്നിരിക്കാം. അതുകൊണ്ട് എല്ലാം ഡോക്ടറുടെ നിര്‍ദ്ദേശപ്രകാരം മാത്രം ഉപയോഗിക്കുന്നതാണ് നല്ലത്.
അതുപോലെതന്നെ അയമോദകം അമിതമായി ഉപയോഗിക്കുന്നത് ഇതിന്റെ ഓറല്‍ അഡ്മിനിസ്‌ട്രേഷന്‍ കൂട്ടുകയും ഇത് ശരീരത്തില്‍ വിഷം പോലെ പ്രവര്‍ത്തിക്കുകയും ചെയ്യും. അതുകൊണ്ട് അമിതമായി ഉപയോഗിക്കാതിരിക്കുവാന്‍ ശ്രദ്ധിക്കാവുന്നതാണ്.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
Web Title : benefits and side effects of ajwain seeds
Malayalam News from Samayam Malayalam, TIL Network
