മുഖ്യമന്ത്രി മറുപടി നൽകിയില്ലെന്ന രാഹുലിന്റെ വാദം പൊളിയുന്നു; ബഫർ സോൺ വിഷയത്തിൽ കള്ളം പറയുന്നതാര്?

‘ന്യുനമർദ്ദപാത്തി’; ശക്തമായ മഴ തുടരും; കൂടുതൽ ജില്ലകളിൽ യെല്ലോ അലേർട്ട്

തന്റെ കത്തിന് മുഖ്യമന്ത്രി മറുപടി നൽകിയില്ലെന്നാണ് രാഹുലിന്റെ വാദം. സുൽത്താൻ ബത്തേരിയിൽ നടന്ന യുഡിഎഫ് ബഹുജന സമ്മേളനത്തിലായിരുന്നു രാഹുലിന്റെ പരാമർശം. വിഷയത്തിൽ മുഖ്യമന്ത്രി ആശയക്കുഴപ്പം ഉണ്ടാക്കുകയാണ്. വയനാട്ടിലെ ബുദ്ധിമുട്ട് പ്രധാനമന്ത്രിയെ അറിയിച്ചിരുന്നുവെന്നും രാഹുൽ പറഞ്ഞു. ഇതോടെയാണ് രാഹുലിന്റെ വാദം പൊളിച്ച് മുഖ്യമന്ത്രിയുടെ ഓഫീസ് തെളിവ് പുറത്തുവിട്ടിരിക്കുന്നത്.

ബഫർ സോൺ വിഷയത്തിൽ ജനവാസ മേഖലകൾ ഉൾപ്പെടരുതെന്നാണ് യുഡിഎഫിന്റെ നിലപാടെന്ന് രാഹുൽ പറഞ്ഞു. കാർഷിക നിയമം മാറ്റിക്കാനായെങ്കിൽ എൽഡിഎഫ് നിലപാടും മാറ്റിക്കാനാകും. തന്റെ ഓഫീസ് ആക്രമിച്ചതുകൊണ്ട് ഒന്നും നേടാനാകില്ല. ഇടത് സർക്കാരിന്റെ തെറ്റായ നടപടികൾ മൂലം വയനാട്ടിലെ ജനങ്ങൾ ദുരിതം അനുഭവിക്കരുത്. ജനങ്ങളുടെ ബുദ്ധിമുട്ട് തിരിച്ചറിഞ്ഞ് എൽഡിഎഫ് സർക്കാർ നിലപാട് മാറ്റണമെന്ന് രാഹുൽ പറഞ്ഞു.

എന്നാൽ മുഖ്യമന്ത്രിയുടെ നേതൃത്വത്തിൽ ചേർന്ന യോഗത്തിൽ സുപ്രീംകോടതി വിധി മൂലമുള്ള എല്ലാ ആശങ്കകളും പരിഹരിക്കാൻ നിർദ്ദേശം നൽകിയിരുന്നു. സുപ്രീംകോടതിയിൽ റിവ്യൂഹർജി നൽകുന്നത് വേഗത്തിലാക്കാനാണ് സർക്കാരിന്റെ തീരുമാനം. ഏരിയൽ സർവേ ഉടൻ പൂർത്തിയാക്കിയ ശേഷം സുപ്രീംകോടതിയിൽ ഉടൻ റിപ്പോർട്ട് നൽകും.

ബഫർ സോൺ: കത്തിന് മുഖ്യമന്ത്രി മറുപടി നൽകിയിട്ടില്ലെന്ന രാഹുൽ ഗാന്ധിയുടെ വാദം തെറ്റ്; വിശദീകരണം

2013ൽ യുഡിഎഫ് സർക്കാർ ജനവാസ മേഖലയെ ബഫർ സോണിൽ നിന്നും ഒഴിവാക്കിയപ്പോൾ ഇത് തിരുത്തി ജനവാസ മേഖലയെ ഉൾപ്പെടുത്തിയത് എൽഡിഎഫ് സർക്കാർ ആണെന്നാണ് യുഡിഎഫ് ആരോപിക്കുന്നത്. 2019ൽ ഒന്നാം പിണറായി സർക്കാർ പുറപ്പെടുവിച്ച ഉത്തരവ് സുപ്രീംകോടതി വിധിക്ക് കാരണമായെന്നാണ് ആരോപണം.

എന്നാൽ 2013ൽ യുഡിഎഫ് ഉത്തരവിൽ 12 കിലോമീറ്റർ വരെയാണ് ബഫർ സോൺ. എൽഡിഎഫ് സർക്കാർ ഇത് 1 കിലോമീറ്റർ ആയി കുറച്ചുവെന്ന് സർക്കാർ വ്യക്തമാക്കുന്നു. പ്രളയം കണക്കിലെടുത്താണ് ജനവാസ കേന്ദ്രങ്ങളെ ചേർത്തത്. എന്നാൽ പിന്നീട് ഉന്നത തല യോഗത്തിൽ ഇത് ഒഴിവാക്കിയെന്നും സർക്കാർ വിശദീകരിക്കുന്നു. ഏതായാലും വിഷയത്തിൽ രാഹുൽ അയച്ച കത്തിന് മുഖ്യമന്ത്രി മറുപടി നൽകിയിട്ടും ലഭിച്ചില്ലെന്ന് രാഹുൽ പറയുന്നതിന്റെ കാരണം വ്യക്തമല്ല.