തെലങ്കാനയിലും കർണാടകയിലും നിയമസഭാ തെരഞ്ഞെടുപ്പ് അടുത്തിരിക്കുന്നതിനിടെയാണ് തെലങ്കാന ദേശീയ നിർവ്വാഹക സമിതി യോഗത്തിന് വേദിയാകുന്നത്. പ്രധാനമന്ത്രി നരേന്ദ്ര മോദിയും ഇന്ന് സമ്മേളനത്തിന് എത്തിച്ചേർന്നേക്കുമെന്ന് സൂചനയുണ്ട്. നാളെ നടക്കുന്ന മഹാറാലിയിൽ പ്രധാനമന്ത്രി പങ്കെടുക്കും. നേരത്തെ മുതിർന്ന നേതാക്കൾ കർണാടകയിലും തെലങ്കാനയിലെ എത്തി പ്രചാരണത്തിന് തുടക്കമിട്ടിരുന്നു. 2024 ൽ നടക്കുന്ന ലോക്സഭാ തെരഞ്ഞെടുപ്പ് ലക്ഷ്യം വെച്ചുകൊണ്ടുള്ള മുന്നൊരുക്കങ്ങളുടെ ഭാഗമായാണ് നിർവ്വാഹക സമിതി യോഗം നടക്കുക. ദക്ഷിണേന്ത്യയിൽ നിന്ന് കൂടുതൽ സീറ്റുകൾ നേടി വലിയ ശക്തിയായി മാറാനുള്ള തന്ത്രങ്ങളാണ് പ്രധാനമായും ആവിഷ്കരിക്കുക.
കേരളവും തെലങ്കാനയുമാണ് ബിജെപിയുടെ പ്രധാന ലക്ഷ്യം. തെലങ്കാനയിൽ ടിആടത്തുന്നത്. രാജ്യത്തിന്‍റെ സാമ്പത്തിക, വിദേശ നയങ്ങൾ ചർച്ചയാകുന്നതിന് പുറമെ കുടുംബ ഭരണം നടത്തുന്ന രാഷ്ട്രീയ പാർട്ടികൾക്കെതിരെ ശക്തമായ നിലപാട് സ്വീകരിക്കുന്നതും ചർച്ചയായേക്കുമെന്നാണ് സൂചന. അതെ സമയം കോൺഗ്രസിൽ നിന്ന് രൂക്ഷമായ അഭിപ്രായവ്യത്യാസത്തെ തുടർന്ന് പാർട്ടി വിട്ട് സ്വന്തം പാർട്ടി രൂപീകരിച്ച മുൻ പഞ്ചാബ് മുഖ്യമന്ത്രി അമരീന്ദർ സിങ് ബിജെപിയിൽ ചേർന്നുക്കുമെന്നും വാർത്ത പുറത്ത് വന്നിരുന്നു. ഇങ്ങനെ സംഭവിച്ചാൽ ദേശീയ തലത്തിൽ ബിജെപിക്ക് അത് വലിയ നേട്ടമായി മാറും.
സേനയെ പവാർ വിഴുങ്ങിയതോ ബിജെപി തകർത്തതോ? പൊട്ടിത്തെറിയിൽ പരിക്ക് എൻസിപിക്കും
2024ൽ നടക്കുന്ന ലോക്സഭാ തെരഞ്ഞെടുപ്പിൽ ദക്ഷിണേന്ത്യയിൽ നിന്ന് കൂടുതൽ സീറ്റുകൾ നേടുക എന്നത് തന്നെയായിരിക്കും രണ്ട് ദിവസങ്ങളിലായി നടക്കുന്ന സമ്മേളനത്തിലെ പ്രധാന ചർച്ച വിഷയം. 18 വർഷങ്ങൾക്ക് ശേഷമാണ് ഹൈദരാബിൽ ബിജെപിയുടെ ദേശീയ നിർവ്വാഹക സമിതി യോഗം ചേരുന്നത്. നാളെ നടക്കുന്ന മഹാറാലിയിൽ 35,000 ബൂത്തുകളിൽ നിന്നുള്ള ബിജെപി പ്രവർത്തകർ ഉൾപ്പടെ ലക്ഷക്കണക്കിന് ആളുകൾ പങ്കെടുക്കുമെന്നാണ് സൂചന.
ആറ്റിങ്ങലിൽ ഒരു കുടുംബത്തിലെ അഞ്ച് പേർ മരിച്ച നിലയിൽ
Web Title : report on bjp national executives meet at hyderabad
Malayalam News from Samayam Malayalam, TIL Network
