Mary T | Samayam Malayalam | Updated: Jul 2, 2022, 11:59 AM
ജൂണ്‍ 19 ന് 185 യാത്രക്കാരുമായി ഡല്‍ഹിയിലേക്ക് പുറപ്പെടാനിരുന്ന വിമാനം പട്‌നയില്‍ അടിയന്തരമായി ഇറക്കിയിരുന്നു. പക്ഷി ഇടിച്ചതിനെ തുടര്‍ന്ന് ഇടതുഭാഗത്തെ എഞ്ചിന്‍ കത്തിയതിന് പിന്നാലെയാണ് തിരിച്ചിറക്കിയത്.
ഹൈലൈറ്റ്:
- യാത്രക്കാര്‍ സുരക്ഷിതരാണെന്ന് സ്‌പൈസ് ജെറ്റ് വക്താവ്
- എഎന്‍ഐ പുറത്തുവിട്ട ദൃശ്യത്തില്‍ ക്യാബിനില്‍ മുഴുവന്‍ പുക നിറയുന്നതായി കാണാം
- വിമാനം ഡല്‍ഹിയില്‍ തിരിച്ചെത്തിയ ശേഷം യാത്രക്കാര്‍ പുറത്തിറങ്ങുന്നത് ദൃശ്യങ്ങളില്‍ വ്യക്തമാണ്
Also Read: സ്ത്രീധനവും പുത്തന്‍ ബൈക്കും വേണം, വിവാഹ നിശ്ചയം കഴിഞ്ഞ യുവതിയുടെ ആത്മഹത്യയില്‍ പ്രതിശ്രുത വരന്‍ അറസ്റ്റില്‍
ഡല്‍ഹിയില്‍ നിന്ന് ജബല്‍പൂരിലേക്ക് സര്‍വീസ് നടത്തുന്ന സ്‌പൈസ് ജെറ്റ് വിമാനം 5000 അടി പിന്നിടുമ്പോള്‍ ക്യാബിനില്‍ പുക ഉയര്‍ന്നു. ഇത് ജീവനക്കാരുടെ ശ്രദ്ധയില്‍പ്പെട്ടതിനെ തുടര്‍ന്ന് ഇന്ന് രാവിലെ ഡല്‍ഹി വിമാനത്താവളത്തില്‍ സുരക്ഷിതമായി തിരിച്ചിറക്കുകയായിരുന്നെന്ന് സ്‌പൈസ് ജെറ്റ് വക്താവ് പറഞ്ഞു. യാത്രക്കാര്‍ സുരക്ഷിതരാണെന്ന് സ്‌പൈസ് ജെറ്റ് വക്താവ് കൂട്ടിച്ചേര്‍ത്തു.
എഎന്‍ഐ പുറത്തുവിട്ട ദൃശ്യത്തില്‍ ക്യാബിനില്‍ മുഴുവന്‍ പുക നിറയുന്നതായി കാണാം. വിമാനം ഡല്‍ഹിയില്‍ തിരിച്ചെത്തിയ ശേഷം യാത്രക്കാര്‍ പുറത്തിറങ്ങുന്നത് ദൃശ്യങ്ങളില്‍ വ്യക്തമാണ്. കഴിഞ്ഞ 15 ദിവസത്തിനിടെ സ്‌പൈസ് ജെറ്റ് വിമാനത്തിന്റെ രണ്ടാമത്തെ അടിയന്തിര തിരിച്ചിറക്കലാണിത്.
Also Read: കരയുന്ന വോയ്സും മര്‍ദ്ദനമേറ്റ ഫോട്ടോയും പുറത്ത്, അബുദാബിയിലെ മലയാളി യുവതിയുടെ മരണത്തില്‍ ദുരൂഹത
ജൂണ്‍ 19 ന് 185 യാത്രക്കാരുമായി ഡല്‍ഹിയിലേക്ക് പുറപ്പെടാനിരുന്ന വിമാനം പട്‌നയില്‍ അടിയന്തരമായി ഇറക്കിയിരുന്നു. പക്ഷി ഇടിച്ചതിനെ തുടര്‍ന്ന് ഇടതുഭാഗത്തെ എഞ്ചിന്‍ കത്തിയതിന് പിന്നാലെയാണ് തിരിച്ചിറക്കിയത്. വിമാനത്തില്‍ ഉണ്ടായിരുന്ന എല്ലാ യാത്രക്കാരെയും സുരക്ഷിതമായി പുറത്തിറക്കിയതായി അധികൃതര്‍ പറഞ്ഞു.
വീടിന് തീ പിടിച്ചു ; നടുക്കം മാറാതെ ഒരു കുടുംബം
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
Web Title : smoke in cabin at 5000 feet spicejet flight returns to delhi
Malayalam News from Samayam Malayalam, TIL Network
