ഹൈലൈറ്റ്:
- അറസ്റ്റിലായ ഏഴ് പേരിൽ രണ്ട് പേർ പ്രീ ആക്ടിവേറ്റഡ് സിമ്മുകൾ നിർമ്മിച്ച് നൽകുന്നവരാണ്
- കൂടുതലായും ഇത്തരത്തിൽ സിം ഉപയോഗിക്കുന്നത് സൈബര്‍ കുറ്റകൃത്യങ്ങള്‍ നടത്തുന്നതിന് വേണ്ടിയാണ്
- അതിനാൽ തന്നെ പോലീസിന് പിടികൂടുവാനും ബുദ്ധമുട്ട് ആയിരിക്കും
വ്യാജ തിരിച്ചറയിൽ കാർഡ് ഉപയോഗിച്ചാണ് സംഘം സിം കാർഡുകൾ പ്രവർത്തിപ്പിച്ചിരുന്നത്. അറസ്റ്റിലായ ഏഴ് പേരിൽ രണ്ട് പേർ പ്രീ ആക്ടിവേറ്റഡ് സിമ്മുകൾ നിർമ്മിച്ച് നൽകുന്നവരാണെന്ന് പോലീസ് പറഞ്ഞു. പണം നൽകിയാൽ സിം കാര്‍ഡ് സംസ്ഥാനത്തിന് പുറത്തേക്ക് അയച്ച് നൽകാറാണ് പതിവെന്നും പോലീസ് പറഞ്ഞു.
സാധരണഗതിയിൽ മൊബൈൽ സേവന ദാതാക്കളുടെ വ്യക്തിഗത വിവരങ്ങൾ നൽകിയാൽ മാത്രമെ സിം ആക്ടിവേറ്റ് ആവുകയുള്ളൂ. അതേസമയം, പ്രീ ആക്ടിവേറ്റഡ് സിം ഉപയോഗിക്കുന്നവർക്ക് വ്യക്തിഗത വിവരങ്ങൾ നൽകേണ്ട ആവശ്യമില്ല. ഇത്തരത്തിൽ പ്രീ ആക്ടിവെറ്റഡ് സിമ്മുകള്‍ ഉപയോഗിച്ച് കുറ്റകൃത്യങ്ങള്‍ നടത്തിയാൽ പോലീസിന് ട്രാക്ക് ചെയ്യാൻ പ്രയാസമാണ്.
കൂടുതലായും ഇത്തരത്തിൽ സിം ഉപയോഗിക്കുന്നത് സൈബര്‍ കുറ്റകൃത്യങ്ങള്‍ നടത്തുന്നതിന് വേണ്ടിയാണ്. അതിനാൽ തന്നെ പോലീസിന് പിടികൂടുവാനും ബുദ്ധമുട്ട് ആയിരിക്കും.
രാജസ്ഥാൻ കേന്ദ്രീകരിച്ച് സൈബർ തട്ടിപ്പ് നടത്തുന്ന സംഘങ്ങൾക്കാണ് ഇവർ പ്രധാനമായും സിം നൽകിയിരുന്നത് എന്ന് പോലീസ് വ്യക്തമാക്കി. ഭൂവനേശ്വരിൽ ഒരു കേസ് സംബന്ധമായ അന്വേഷണത്തിനിടെയാണ് കട്ടക്ക് നഗരത്തിൽ ഇത്തരത്തിലൊരു സംഘം പ്രവർത്തിക്കുന്നതായി അന്വേഷണ സംഘം കണ്ടെത്തിയത്. ഭുവനേശ്വർ-കട്ടക്ക് പോലീസ് കമ്മീഷണർ എസ്. കെ പ്രിയദർശിനിയാണ് സംഘത്തെ സാഹസികമായി പിടികൂടിയത്.
അടുത്തകാലത്തായി രാജ്യത്ത് ഓൺലൈൻ തട്ടിപ്പ് കേസുകളുടെ എണ്ണം വര്‍ദ്ധിച്ച് വരികയാണ്. നാഷണൽ ക്രൈം റെക്കോഡ്‌സ് ബ്യൂറോയുടെ കണക്ക് പ്രകാരം 2019ൽ മുൻ വർഷത്തെ അപേക്ഷിച്ച് 63.05 ശതമാനമാണ് സൈബർ കുറ്റകൃത്യങ്ങളുടെ വർദ്ധനവ്.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : 16,000 sim cards and lot of mobile phones recovered from 7 people in odisha
Malayalam News from malayalam.samayam.com, TIL Network
