പരീക്ഷയാണോ കുട്ടികളുടെ ജീവനാണോ വലുതെന്ന് സർക്കാർ ചിന്തിക്കണം: കെ സുധാകരൻ

തിരുവനന്തപുരം: കൊവിഡ് നിരക്ക് കുറയാത്ത സാഹചര്യത്തിൽ പരീക്ഷകൾ നിർത്തിവെയ്ക്കണമെന്ന് കെപിസിസി പ്രസിഡന്റ് കെ സുധാകരൻ. പരീക്ഷയാണോ കുട്ടികളുടെ ജീവനാണോ വലുതെന്ന് സർക്കാർ ചിന്തിക്കണണെന്നും അദ്ദേഹം പറഞ്ഞു.



വ്യവസായ വകുപ്പിന്‍റെ പരിശോധന നടന്നിട്ടില്ല; കിറ്റക്‌സിന്‍റെ ​പ്രശ്‌നങ്ങള്‍ ഗൗരവത്തോടെ എടുക്കും: മന്ത്രി പി രാജീവ്

പരീക്ഷ മാറ്റിവെയ്ക്കണമെന്ന് ആവശ്യപ്പെട്ടിട്ടും തികഞ്ഞ ഏകാധിപത്യ സമീപനമാണ് സർക്കാർ സ്വീകരിച്ചത്. വാക്സിൻ നൽകിയിട്ടാണ് പരീക്ഷ നടത്തിയതെങ്കിൽ കുഴപ്പമില്ലായിരുന്നു. മനുഷ്യത്വത്തിന്റെ പേരിൽ ഇപ്പോൾ നടക്കുന്ന പരീക്ഷകൾ മാറ്റിവെയ്ക്കണമെന്ന് സുധാകരൻ ആവശ്യപ്പെട്ടു.

കേരളത്തിൽ ടിപിആർ നിരക്ക് കുറയാത്തത് സർക്കാർ നടപടികൾ ഫലപ്രദമല്ലാത്തതിനാലാണ്. കൊവിഡിന്റെ പേരിൽ കോടാനുകോടി രൂപ പിരിച്ചിട്ട് പ്രതിരോധത്തിനു വേണ്ടി എന്ത് ചെയ്തുവെന്നും സുധാകരൻ ചോദിച്ചു. പ്രസക്തമായ ചോദ്യം ഉന്നയിക്കുമ്പോൾ പുച്ഛിച്ചിട്ട് കാര്യമില്ലെന്നും കെപിസിസി പ്രസിഡന്റ് പറഞ്ഞു.

കൊച്ചി മെട്രോ സർവീസ് നാളെ മുതൽ പുനരാരംഭിക്കും

കൊവിഡ് ബാധിച്ച മരിച്ചവരുടെ കുടുംബത്തിന് നഷ്ടപരിഹാരം നൽകാനുള്ള സുപ്രീംകോടതി വിധിയെ സ്വാഗതം ചെയ്യുകയാണ്. തന്റെ സഹോദരൻ കൊവിഡ് ബാധിച്ചാണ് മരിച്ചതെങ്കിലും കൊവിഡ് മരണത്തിന്റെ കണക്കിലില്ല. അദ്ദേഹത്തിന്റെ ആശ്രിതർക്ക് സഹായം ആവശ്യമില്ലെങ്കിലും ഇത്തരത്തിൽ കണക്കിൽ പെടാത്ത ആയിരങ്ങളുണ്ട്. ആശ്രിതർക്ക് സഹായം ലഭിക്കുന്നതിന് സർക്കാർ കണക്ക് പുനഃപരിശോധിക്കണമെന്നും സുധാകരൻ ആവശ്യപ്പെട്ടു.