‘പോയി ചത്തോ’ സ്‌കൂള്‍ ഫീസ് സംബന്ധിച്ച് പരാതിപ്പെട്ട രക്ഷിതാക്കളോട് മധ്യപ്രദേശ് വിദ്യാഭ്യാസമന്ത്രി

ഭോപ്പാൽ: സ്കൂളിലെ ഫീസ് വർധനവിനെക്കുറിച്ച് പരാതിപ്പെട്ട രക്ഷിതാക്കളോട് മോശം ഭാഷയിൽ പ്രതികരിച്ച മധ്യപ്രദേശ് വിദ്യാഭ്യാസ മന്ത്രി വിവാദത്തിൽ. പരാതി പറയാനെത്തിയ രക്ഷിതാക്കളോട് ‘പോയി ചത്തോ’ എന്നാണ് മന്ത്രി ഇന്ദർ സിങ്ങ് പർമാർ പ്രതികരിച്ചതെന്ന് ഇംഗ്ലീഷ് വാർത്താ ചാനലായ ഇന്ത്യാ ടുഡേയാണ് റിപ്പോർട്ട് ചെയ്തത്.



കൊവിഡ് കാലത്ത് സ്കൂൾ ഫീസ് നിയന്ത്രണം വേണമെന്നാവശ്യപ്പെട്ട് മധ്യപ്രദേശ് പാലക് മഹാസംഘ് എന്ന സംഘടനയിലെ രക്ഷിതാക്കളാണ് ഇന്ദർ സിങ്ങ് പർമാറിനെക്കാണാൻ വസതിയിലെത്തിയത്. വിദ്യാഭ്യാസ വകുപ്പ് തങ്ങളുടെ പ്രശ്നങ്ങൾ പരിഹരിക്കുന്നില്ലെങ്കിൽ തങ്ങൾ എന്ത് ചെയ്യുമെന്ന് രക്ഷിതാക്കൾ ചോദിച്ചപ്പോഴാണ് ‘പോയി ചത്തോ’ എന്ന് മന്ത്രി പറയുന്നത്. സംഭവത്തിന്‍റെ വീഡിയോ വ്യാപകമായി പ്രചരിക്കുന്നുണ്ട്.

പെട്രോൾ വില കൂടുന്നു, സൈക്കിൾ ചവിട്ടൂ എന്ന് മധ്യപ്രദേശിലെ ബിജെപി മന്ത്രി

കോടതി നിർദേശം പോലും മറികടന്നാണ് സ്വകാര്യസ്കൂളുകൾ അമിതഫീസ് ഈടാക്കുന്നതെന്നാണ് രക്ഷിതാക്കൾ പറയുന്നത്. ഇക്കാര്യം ചൂണ്ടിക്കാട്ടി മധ്യപ്രദേശിൽ വളരെക്കാലമായി രക്ഷിതാക്ക പ്രതിഷേത്തിലാണ്. ഇതിനിടെയാണ് മന്ത്രിയുടെ വിവാദ പ്രതികരണം ചർച്ചയാകുന്നത്. മന്ത്രിക്കെതിരെ വിമർശനവുമായി പ്രതിപക്ഷം രംഗത്തെത്തിയിട്ടുണ്ട്.

ഇന്ധന വിലവർധനവിനെതിരായ ചോദ്യങ്ങളോട് മധ്യപ്രദേശ് ഊർജ്ജ വകുപ്പ് മന്ത്രി പ്രധുമാൻ സിങ് തോമർ നടത്തിയ പ്രതികരണം വിവാദമായ അതേ സാഹചര്യത്തിലാണ് വിദ്യാഭ്യാസ മന്ത്രിയുടെ പ്രതികരണവും ചർച്ചയാകുന്നത്. രാജ്യത്ത് ഇന്ധന വില ഉയരുന്നതിനിടെ സൈക്കിൾ ഉപയോഗിക്കാനായിരുന്നു തോമർ നിർദേശിച്ചത്.

500 ഓളം ഭീഷണി കോളുകള്‍; എഐഎഡിഎംകെ മുൻമന്ത്രിയുടെ പരാതിയിൽ ശശികലക്കെതിരെ കേസ്

“പച്ചക്കറി ചന്തയിലേക്ക് നാം സൈക്കിൾ ഓടിക്കാറുണ്ടോ? ഇത് നമ്മെ ആരോഗ്യവാന്മാരാക്കുകയും അന്തരീക്ഷ മലിനീകരണം കുറയ്ക്കുകയും ചെയ്യും. ഇന്ധനത്തിന്‍റെ വില ഉയർന്നതാണെങ്കിലും അതിലൂടെ ലഭിക്കുന്ന പണം ദരിദ്രരുടെ ഉന്നമനത്തിനാണ് ഉപയോഗിക്കുന്നത്” എന്നായിരുന്നു മന്ത്രി പറഞ്ഞത്. പെട്രോളും ഡീസലുമാണോ അതോ രാജ്യത്തെ ആരോഗ്യ മേഖലയാണോ പ്രധാനപ്പെട്ടതെന്നും മന്ത്രി ചോദിച്ചിരുന്നു.