വായ്‌നാറ്റം പലരേയും അലട്ടുന്ന ഒന്നാണ്. ഇതിന് കാരണങ്ങള്‍ പലതുമുണ്ട്. ചില രോഗങ്ങള്‍ അടക്കം. വായ വൃത്തിയാക്കാത്തതും ചില ഭക്ഷണ വസ്തുക്കളും വയറ്റില്‍ അസിഡിറ്റി പോലുളള പ്രശ്‌നങ്ങളുമെല്ലാം തന്നെ ഇതിന് കാരണമാകുന്നു. ഈ കൊറോണകാലത്ത് മാസ്‌ക് നമ്മുടെ ശീലമായിരിയ്ക്കുന്നു പലര്‍ക്കും ഇതു ധരിച്ചു കഴിയുമ്പോഴാണ് വായ്‌നാറ്റം അനുഭവപ്പെടുന്നത്. അതായത് വായ്‌നാറ്റം അപ്പോഴാണ് നാം തിരിച്ചറിയുന്നത് എന്നതാണ് വാസ്തവം. ഇതിന് കാരണം വായിലെ ബാക്ടീരിയ തന്നെയാണ്. നാം ഉണര്‍ന്നുളള സമയത്ത് ഇടയ്ക്കു വായ കഴുകുന്നു. ഇതിലൂടെ ആ ബാക്ടീരിയ നശിക്കുന്നു. എന്നാല്‍ ഉറങ്ങുന്ന സമയത്ത് വായ കഴുകില്ല. ഇതിലൂടെ ഈ ബാക്ടീരിയ വളര്‍ന്നു പെരുകുന്നു. ഇതാണ് രാവിലെ എഴുന്നേല്‍ക്കുമ്പോള്‍ വായ്‌നാറ്റം അനുഭവപ്പെടുന്നതിന്റെ കാരണം.

അസിഡിററി

സാധാരണ ഗതിയില്‍ ഈ വായ്‌നാറ്റം പല്ലു വൃത്തിയാക്കുമ്പോള്‍ പോകുന്നു. വായ ക്ലീന്‍ ചെയ്യുകയെന്നതു തന്നെയാണ് ഇതൊഴിവാക്കാനുള്ള പ്രധാന വഴി. എന്നാല്‍ വായ്‌നാറ്റം പലപ്പോഴും പല രോഗങ്ങളുടേയും ലക്ഷണം കൂടിയാണ് എന്നതാണ് വാസ്തവം. ഇതിനാല്‍ തന്നെ വായ വൃത്തിയാക്കിയ ശേഷവും വായ്‌നാറ്റമെങ്കില്‍ പ്രത്യേക ശ്രദ്ധയും വേണം. വയറിലെ പ്രശ്‌നങ്ങള്‍ പലപ്പോഴും വായ്‌നാററത്തിന് കാരണമാകുന്നു. അസിഡിററി പോലുള്ള പ്രശ്‌നങ്ങള്‍. ഇതിന് പരിഹാരമായി ചെയ്യേണ്ടത് വയററിലെ നല്ല ബാക്ടീരിയകളുടെ അളവ് വര്‍ദ്ധിപ്പിയ്ക്കുകയെന്നതാണ്. ഇതിനായി വയറിന്റെ ആരോഗ്യം പ്രധാനമാണ്.

ശ്വാസകോശാരോഗ്യം

ഇതു പോലെ തന്നെ ലംഗ്‌സ് സംബന്ധമായ അസുഖങ്ങളും പലപ്പോഴും വായ്‌നാറ്റ കാരണമാകാറുണ്ട്. ശ്വാസകോശാരോഗ്യം ശരിയല്ലെങ്കില്‍ ഇത് സാധാരണയുമാണ്. ശ്വസന പ്രക്രിയ ശരിയായി നടക്കാത്തതാണ് കാരണം. ഇതു പോലെ തന്നെ ഹൃദയരോഗ്യം ശരിയല്ലെങ്കിലും ഇതുണ്ടാകും. ഹൃദയം രക്തം വേണ്ട രീതിയില്‍ പമ്പു ചെയ്യുമ്പോളാണ് ഓക്‌സിജന്‍ ശരീരത്തിന് ലഭ്യമാകുന്നത്. എന്നാല്‍ ഇത് നടക്കാതെ വരുമ്പോള്‍ ഓക്‌സിജന്‍ ലഭ്യത കുറയും. ഇത് ഇത്തരം അവസ്ഥയുണ്ടാക്കാം.

ഹൃദയാരോഗ്യവുമായി

വേറൊരു രീതിയിലും ശ്വാസ ദുര്‍ഗന്ധം ഹൃദയാരോഗ്യവുമായി ബന്ധപ്പെട്ടിരിയ്ക്കുന്നു. മോണയുടെ ആരോഗ്യം ശരിയല്ലെങ്കില്‍ ഇത്തരം ദുര്‍ഗന്ധമുണ്ടാകാം. മോണയുടെ ആരോഗ്യം ശരിയല്ലെങ്കില്‍ ഹൃദയാരോഗ്യവും പ്രശ്‌നത്തിലാകാം. വായിലെ ബാക്ടീരിയകള്‍ വര്‍ദ്ധിച്ച് ഇത് മോണിയ്ക്കുള്ളിലൂടെ ചെറിയ രക്തക്കുഴലുകളെ തടസപ്പെടുത്തുന്നു. ഈ ബാക്ടീരിയ രക്തത്തില്‍ എത്തുമ്പോള്‍ ശരീരം പ്രതിരോധിയ്ക്കാന്‍ ്ശ്രമിയ്ക്കുന്നു. ഇത് വീക്കമുണ്ടാക്കാന്‍ കാരണമാകും. ഇത് രക്തധമനികള്‍ കട്ടി പിടിക്കാനും മററും കാരണമാകും. ഹൃദയത്തിലേയ്ക്ക് രക്തം വേണ്ട വിധത്തില്‍ എത്താതിരിയ്ക്കാനും.

ടോണ്‍സില്‍ സ്‌റ്റോണ്‍

സെന്‍കര്‍ ഡൈവെര്‍ട്ടിക്കുലം എന്ന അവസ്ഥയും വായ്‌നാറ്റമുണ്ടാക്കുന്ന ഒന്നാണ്. ഈസോഫാഗസ് അഥവാ ഭക്ഷണം ഇറങ്ങിപ്പോകുന്ന ഇടത്തുണ്ടാകുന്ന പോക്കറ്റില്‍ ഭക്ഷണം കെട്ടിക്കിടന്ന് ബാക്ടീരിയ വളരുന്ന അവസ്ഥയാണിത്. ഇതു പോലെ ടോണ്‍സില്‍ സ്‌റ്റോണ്‍ എന്ന അവസ്ഥയും വായ്‌നാറ്റ കാരണമാകും. നമ്മുടെ തൊണ്ടക്കുഴിയുടെ ഇരു വശങ്ങളിലുമായി കാണുന്ന ഒന്നാണ് ടോണ്‍സിലുകള്‍. ഇവയില്‍ ഇന്‍ഫെക്ഷനുകളുണ്ടാകുമ്പോള്‍ ചെറിയ അറകള്‍ ഇവിടെ രൂപപ്പെടും. നമ്മുടെ ഭക്ഷണവും മറ്റ് അവശിഷ്ടങ്ങളുമല്ലൊം ഇതിനുളളില്‍ പറ്റിപ്പിടിച്ച് ഇത് ടോണ്‍സില്‍ സ്‌റ്റോണുകള്‍ പോലുള്ളവയായി രൂപാന്തരം പ്രാപിയ്ക്കും. ഇവയില്‍ . ബാക്ടീരിയകള്‍ ഉണ്ടായാല്‍ ദുര്‍ഗന്ധമുണ്ടാകും. ഇവ തൊണ്ടയുടെ വശങ്ങളില്‍ രൂപപ്പെട്ടാല്‍ തന്നെ വായില്‍ ദുര്‍ഗന്ധമുണ്ടാകും. ഇടയ്ക്കിടെ പുറത്തേയ്ക്കു വരും.ഇതും വായ്‌നാറ്റകാരണമാകാം.