ദുബായ് ഡ്യൂട്ടി ഫ്രീ മില്ലേനിയം നറുക്കെടുപ്പ്; മലയാളി എടുത്ത ടിക്കറ്റിന് 8 കോടി സമ്മാനം

Sumayya P | Samayam Malayalam | Updated: Jul 8, 2022, 11:21 AM

8 കോടിയോളം രൂപ (10 ലക്ഷം യുഎസ് ഡോളർ) സമ്മാനം ആണ് ലഭിച്ചത്. 20 വർഷമായി ദുബായിൽ ട്രക്ക് ഡ്രെെവറായി ജോലി ചെയ്യുകയാണ് തിരുവനന്തപുരം സ്വദേശി രബീഷ് രാജേന്ദ്രൻ

Dubai Duty Free Millennium Millionaire draw

ദുബായ്: ദുബായ് ഡ്യൂട്ടി ഫ്രീ മില്ലേനിയം മില്യനയർ നറുക്കെടുപ്പിൽ മലയാളിക്ക് 8 കോടി സമ്മാനം. മലയാളിയായ ട്രക്ക് ഡ്രൈവറുടെ നേതൃത്വത്തിൽ 21 സുഹൃത്തുക്കൾ ചേർന്നാണ് ടിക്കറ്റ് എടുത്തത്. ഇവർ എടുത്ത ടിക്കറ്റിന് 8 കോടിയോളം രൂപ (10 ലക്ഷം യുഎസ് ഡോളർ) സമ്മാനം ആണ് ലഭിച്ചത്. ദുബായിൽ താമസിക്കുന്ന തിരുവനന്തപുരം സ്വദേശി രബീഷ് രാജേന്ദ്രൻ (43) ആണ് ടിക്കറ്റ് എടുത്തത്. ജൂൺ 19 ന് തന്റെ സുഹൃത്തുക്കളോടൊപ്പം ചേർന്ന് ഓൺലൈൻ വഴിയാണ് ഇദ്ദേഹം ടിക്കറ്റ് എടുത്തത്. 4369 നമ്പർ ടിക്കറ്റ് ആണ് അദ്ദേഹം വാങ്ങിയത്. സീരീസ് 393-ൽ ആണ് ഇത്തവണ 8 കോടി രൂപ സമ്മാനം ലഭിച്ചത്.Also Read: ഹജ്ജ് തീര്‍ഥാടനം; ഇതുവരെ കൊവിഡ് ബാധ റിപ്പോര്‍ട്ട് ചെയ്യപ്പെട്ടിട്ടില്ലെന്ന് സൗദി

ഒരു വർഷത്തിലേറെയായി ഇദ്ദേഹം ടിക്കറ്റ് എടുക്കുന്നുണ്ട്. ഒരോ തവണയും ഒരോ സുഹൃത്തുക്കളുടെ പേരിൽ ആണ് ഭാഗ്യ പരീക്ഷണം നടത്തുന്നത്. 20 വർഷമായി അദ്ദേഹം ദുബായിൽ ജോലി ചെയ്യുന്നുണ്ട്. ട്രക്ക് ഡ്രൈവറായി ആണ് ജോലി ചെയ്യുന്നത്. സമ്മാനം ലഭിച്ചപ്പോൾ തനിക്ക് വിശ്വസിക്കാൻ സാധിച്ചില്ലെന്ന് രബീഷ് പറയുന്നു.

Also Read: യുഎഇയില്‍ സര്‍ക്കാര്‍ ജോലിക്കാര്‍ക്ക് ബിസിനസ് തുടങ്ങാന്‍ ഒരു വര്‍ഷം അവധി; പകുതി ശമ്പളവും നല്‍കും

1999-ൽ മില്ലേനിയം മില്യനയർ നറുക്കെടുപ്പ് ആരംഭിക്കുന്നത്. ഒന്നാം സമ്മാനം നേടിയ 193-ാമത്തെ ഇന്ത്യക്കാരനാണ് രബീഷ്. ദുബായ് ഡ്യൂട്ടി ഫ്രീ മില്ലേനിയം മില്യനയർ ടിക്കറ്റ് വാങ്ങുന്നവരിൽ ഏറ്റവും കൂടുതൽ ഇന്ത്യക്കാർ ആണ്. കഴിഞ്ഞ ദിവസം നടന്ന നറുക്കെടുപ്പിൽ മൂന്ന് ആഡംബര വാഹനങ്ങൾ സമ്മാനമായ സ്വന്തമാക്കിയത് ഇന്ത്യക്കാർ തന്നെയാണ്.

റോഡരികില്‍ നിന്നു കൈക്കൂലി വാങ്ങിയ വനിതാ ഓവര്‍സിയര്‍ പിടിയിൽ

Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക

Web Title : 20 friends collectively win million in latest dubai duty free millennium millionaire draw

Malayalam News from Samayam Malayalam, TIL Network