എല്ലാ മുന്‍കരുതലുകളും സ്വീകരിച്ചു
കോവിഡ് പ്രതിരോധത്തിന്റെ ഭാഗമായി വലിയ മുന്‍കരുതലുകളാണ് ഭരണകൂടം സ്വീകരിച്ചിരിക്കുന്നതെന്നും അദ്ദേഹം പറഞ്ഞു. തീര്‍ഥാടനവുമായി ബന്ധപ്പെട്ട കാര്യങ്ങള്‍ വിലയിരുത്തുന്നതിന്റെ ഭാഗമായി മിനായില്‍ എത്തിയതായിരുന്നു അദ്ദേഹം. കോവിഡ് മഹാമാരി ഉണ്ടായ രണ്ട് വര്‍ഷവും നിയന്ത്രണങ്ങള്‍ക്ക് വിധേയമായിട്ടാണെങ്കിലും ഹജ്ജ് തീര്‍ഥാടനം സംഘടിപ്പിക്കാന്‍ സാധിച്ചു. മാഹാമാരിയുടെ ഭീഷണി കുറഞ്ഞ സാഹചര്യത്തില്‍ ഏറ്റവും കൂടുതല്‍ ഹാജിമാര്‍ക്ക് അവസരം നല്‍കിക്കൊണഅടാണ് ഇത്തവണ ഹജ്ജ് സംഘടിപ്പിച്ചിരിക്കുന്നതെന്നും അദ്ദേഹം പറഞ്ഞു.
കൊവിഡ് ബാധിച്ചാലും ഹജ്ജ് പൂര്‍ത്തീകരിക്കാം
അതിനിടെ, തീര്‍ഥാടകരില്‍ ആര്‍ക്കെങ്കിലും കോവിഡ് ബാധ സ്ഥിരീകരിക്കുന്ന പക്ഷം അവരെ ഐസൊലേഷനിലേക്ക് മാറ്റുമെന്നും എന്നാല്‍ ഇവര്‍ക്ക് ഹജ്ജ് കര്‍മങ്ങള്‍ പൂര്‍ത്തിയാക്കാന്‍ ആവശ്യമായ ക്രമീകരണങ്ങള്‍ ഒരുക്കുമെന്നും ആരോഗ്യ മന്ത്രാലയം അണ്ടര്‍ സെക്രട്ടറിയും ഹജ്ജ് കമ്മിറ്റി പ്രസിഡന്റുമായ ഡോ. ഹാനി ജോഖ്ദാര്‍ പറഞ്ഞു. സൗദി അറേബ്യ അടക്കം ലോക രാജ്യങ്ങളിലെല്ലാം ഇപ്പോഴും കൊറോണ കേസുകള്‍ റിപ്പോര്‍ട്ട് ചെയ്യപ്പെടുന്ന സാഹചര്യത്തില്‍ തീര്‍ഥാടകര്‍ക്കിടയിലും രോഗബാധയ്ക്ക് സാധ്യത നിലനില്‍ക്കുന്നുണ്ടെന്നും അദ്ദേഹം പറഞ്ഞു.
കൊവിഡ് ബാധിതര്‍ക്ക് പ്രത്യേക ചികിത്സാ സംവിധാനം
അതേസമയം, വാക്സിനേഷന് പൂര്‍ത്തിയാക്കിയവര്‍ മാത്രമാണ് ഹജ്ജിന് എത്തിയത് എന്നതിനാല്‍ കോവിഡ് ബാധയുണ്ടായാലും വലിയ സങ്കീര്‍ണതകള്‍ ഉണ്ടാവാന്‍ ഇടയില്ലെന്നും അദ്ദേഹം അഭിപ്രായപ്പെട്ടു. വിദേശ തീര്‍ഥാടകര്‍ക്കും സൗദി അറേബ്യക്കകത്തു നിന്നുള്ള ഹാജിമാര്‍ക്കും ഹജ്ജ് സേവന മേഖലകളില്‍ പ്രവര്‍ത്തിക്കുന്നവര്‍ക്കും വാക്സിനേഷന് നിര്‍ബന്ധമാക്കിയിട്ടുണ്ട്. ആരോഗ്യ മേഖലയുടെ മേലുള്ള ഭാരവും രോഗബാധയുടെ സങ്കീര്‍ണതകളും കുറക്കാനാണ് വാക്സിനേഷനിലൂടെ ലക്ഷ്യമിടുന്നത്. വാക്സിനേഷന് പൂര്‍ത്തിയാക്കിയവര്‍ക്ക് കൊറോണ വൈറസ് ബാധിച്ചാലും ആരോഗ്യനില വഷളാകില്ല. കോവിഡ് ബാധിച്ച തീര്‍ഥാടകന് ആശുപത്രി ചികില്‍സ ആവശ്യമായി വരുന്ന പക്ഷം പുണ്യസ്ഥലങ്ങളിലെ ആശുപത്രികളിലേക്ക് മാറ്റുമെന്നും ഡോ. ഹാനി ജോഖ്ദാര്‍ പറഞ്ഞു.
സൂര്യാഘാതത്തെ നേരിടാന്‍ വിപുലമായ സന്നാഹം
അതിനിടെ, ശക്തമായ ചൂട് നിലനില്‍ക്കുന് സാഹചര്യത്തില്‍ സൂര്യാഘാതം ഏല്‍ക്കുന്ന ഹാജിമാര്‍ക്ക് ആവശ്യമായ ചികിത്സയും ആരോഗ്യ പരിചരണങ്ങളും നല്‍കാന്‍ ആരോഗ്യ മന്ത്രാലയം 238 ബെഡുകള്‍ ഒരുക്കിയതായി അധികൃതര്‍ അറിയിച്ചു. മക്കയിലെ ആശുപത്രികളില്‍ 51ഉം മദീനയിലെ ആശുപത്രികളില്‍ 15 ഉം മറ്റു പുണ്യസ്ഥലങ്ങളിലെ ആശുപത്രികളില്‍ 172ഉം ബെഡുകളാണ് സൂര്യാഘാതമേല്‍ക്കുന്നവരുടെ ചികിത്സക്കായി സജ്ജീകരിച്ചിരിക്കുന്നത്. ഇത്തവണത്തെ ഹജ്ജ് കൊടുംചൂട് കാലാവസ്ഥയിലായതിനാല്‍ സൂര്യാഘാതം ഏല്‍ക്കാനുള്ള സാധ്യത കൂടുതലാണെന്നും എല്ലാവരും മുന്‍കരുതല്‍ നടപടികള്‍ സ്വീകരിക്കണമെന്നും മന്ത്രാലയം ഓര്‍മപ്പെടുത്തി.
കൊടും ചൂടില്‍ കുളിരേകാന്‍ 250 മഞ്ഞ് ഫാനുകളും
കൊടുംചൂടില്‍ നിന്ന് തീര്‍ഥാടകര്‍ക്ക് ആശ്വാസം നല്‍കാന്‍ വിശുദ്ധ ഹറമിന്റെ മുറ്റങ്ങളില്‍ 250 മിസ്റ്റ് ഫാനുകള്‍ സ്ഥാപിച്ചിട്ടുണ്ട്. സൂക്ഷ്മ ജല കണികകള്‍ സ്പ്രേ ചെയ്യുന്ന ഫാനുകളാണിവ. ഹറമിന്റെ തുറസ്സായ മുറ്റങ്ങള്‍ തണുപ്പിക്കുകയാണ് ഇതുവഴി ലക്ഷ്യമിടുന്നത്. ജല കണികകള്‍ സ്പ്രേ ചെയ്ത് അന്തീക്ഷവായു തണുപ്പിക്കുന്ന സാങ്കേതികവിദ്യയിലൂടെ അന്തരീക്ഷ താപനില കുറക്കുകയാണ് ഫാനുകള്‍ ചെയ്യുന്നത്. ഒന്നു മുതല്‍ രണ്ടു വരെ മൈക്രോണ്‍ വലിപ്പത്തിലുള്ള അള്‍ട്രാ സ്മോള്‍ നോസിലുകള്‍ വഴിയാണ് വെള്ളം പുറത്തേക്ക് സ്േ്രപ ചെയ്യുന്നത്. ഉയര്‍ന്ന മര്‍ദ്ദത്തില്‍ വെള്ളം സ്േ്രപ ചെയ്യുമ്പോള്‍ ഫാനുകളിലെ നോസിലുകള്‍ വഴി മൂടല്‍മഞ്ഞിന്റെ രൂപത്തില്‍ വെള്ളം പുറത്തേക്ക് വരും. ഹറമിന്റെ മുറ്റങ്ങളില്‍ തറനിരപ്പില്‍ നിന്ന് നാലു മീറ്റര്‍ വരെ ഉയരത്തിലാണ് 38 ഇഞ്ച് വ്യാസമുള്ള ഫാനുകള്‍ സ്ഥാപിച്ചിരിക്കുന്നത്. ഫാനുകളില്‍ നിന്ന് പ്രവഹിക്കുന്ന കാറ്റ് 10 മീറ്റര്‍ ദൂരെ വരെ എത്തും. ഇവ പുറത്തെ വായുവിന്റെ താപനില ആറു ഡിഗ്രി വരെ കുറയ്ക്കുമെന്നും അധികൃതര്‍ അറിയിച്ചു. നമസ്‌കാര സമയങ്ങളിലും ഹറം മുറ്റം നിറഞ്ഞു കവിയുമ്പോഴും താപനില ഉയരുമ്പോഴുമാണ് ഫാനുകള്‍ പ്രവര്‍ത്തിപ്പിക്കുന്നത്.
Web Title : saudi says that no covid infection has been reported hajj pilgrimage
Malayalam News from Samayam Malayalam, TIL Network
