Sumayya P | Lipi | Updated: 30 Jun 2021, 05:48:00 PM
കുട്ടികളില്‍ ഗുരുതരമായ ആരോഗ്യ പ്രശ്‌നങ്ങള്‍ സൃഷ്ടിക്കുന്ന രാസപദാര്‍ഥങ്ങള്‍ ഇവയില്‍ അടങ്ങിയതായാണ് കണ്ടെത്തിയത്.
ഹൈലൈറ്റ്:
- പരിശോധനയുടെ ഭാഗമായി പിടിച്ചെടുത്ത കളിപ്പാട്ടങ്ങള്‍ ജിസിസി ഹെല്‍ത്ത് കൗണ്‍സിലില്‍ പരിശോധനയ്ക്ക് വിധേയമാക്കി
- വിഷപദാര്‍ഥങ്ങള്‍ ഉള്‍ക്കൊള്ളുന്ന കളിപ്പാട്ടങ്ങള്‍ കണ്ടെത്തി
പരിശോധനയുടെ ഭാഗമായി പിടിച്ചെടുത്ത കളിപ്പാട്ടങ്ങള്‍ ജിസിസി ഹെല്‍ത്ത് കൗണ്‍സിലില്‍ പരിശോധനയ്ക്ക് വിധേയമാക്കിയപ്പോഴാണ് ഞെട്ടിപ്പിക്കുന്ന വസ്തുത കണ്ടെത്തിയതെന്ന് മന്ത്രാലയത്തിലെ അസിസ്റ്റന്റ് അണ്ടര്‍ സെക്രട്ടറി ശെയ്ഖ് ഹമദ് ബിന്‍ സല്‍മാന്‍ അല്‍ ഖലീഫ അറിയിച്ചു. കുട്ടികളില്‍ ഗുരുതരമായ ആരോഗ്യ പ്രശ്‌നങ്ങള്‍ സൃഷ്ടിക്കുന്ന രാസപദാര്‍ഥങ്ങള്‍ ഇവയില്‍ അടങ്ങിയതായാണ് കണ്ടെത്തിയത്. പ്രത്യേകിച്ചും പ്ലാസ്റ്റിക് കളിപ്പാട്ടങ്ങളില്‍ അനുവദനീയമായ അളവില്‍ കൂടുതല്‍ ആന്റിമണി അടങ്ങിയിട്ടുള്ളതായും പരിശോധനയില്‍ വ്യക്തമായി.
Also Read: 
പ്രതിഷേധ പ്രകടനത്തില്‍ പങ്കെടുക്കുന്ന പ്രവാസികളെ ഉടന്‍ നാടുകടത്തും: കുവൈറ്റ്
ഇത്തരം വിഷപദാര്‍ഥങ്ങള്‍ ഉള്‍ക്കൊള്ളുന്ന കളിപ്പാട്ടങ്ങളുമായി കുട്ടികള്‍ കളിക്കുന്നത് അവരുടെ കണ്ണിനും ശ്വാസകോശത്തിനും വലിയ കേടുപാടുകള്‍ക്ക് കാരണമാവും. പരിശോധനയിലെ കണ്ടെത്തലിനെ തുടര്‍ന്ന് ഇത്രയും ഉല്‍പ്പന്നങ്ങള്‍ വിപണിയില്‍ നിന്ന് പിന്‍വലിക്കാന്‍ ആവശ്യപ്പെട്ടതായി അദ്ദേഹം അറിയിച്ചു. വരുംദിനങ്ങളില്‍ പരിശോധന വ്യാപകമാക്കും. കളിപ്പാട്ടങ്ങള്‍ ഇറക്കുമതി ചെയ്യുമ്പോള്‍ ഗള്‍ഫ് ടെക്‌നിക്കല്‍ റെഗുലേഷന്‍ കൗണ്‍സിലിന്റെ മാനദണ്ഡങ്ങള്‍ പാലിക്കുന്നവയാണ് ഉറപ്പുവരുത്താന്‍ കടയുടമകള്‍ക്ക് ഉത്തരവാദിത്തമുണ്ട്. ഇതില്‍ വീഴ്ച വരുത്തുന്നവര്‍ക്കെതിരേ നിയമ നടപടി സ്വീകരിക്കുമെന്നും അദ്ദേഹം മുന്നറിയിപ്പ് നല്‍കി.
തെറ്റ് തിരുത്തി ക്ഷമ ചോദിച്ച് വിസ്മയയുടെ സഹോദരൻ!
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : 1 500 dangerous toys withdrawn from bahrain markets
Malayalam News from malayalam.samayam.com, TIL Network
