ക്ലാസ് എടുത്തപ്പോള്‍ വിദ്യാര്‍ത്ഥികള്‍ ഹാജരായില്ല, ശമ്പളമായി കിട്ടിയ 23 ലക്ഷം തിരികെ നല്‍കി കോളേജ് അധ്യാപകന്‍

Also read:ഇവന്‍ ആണടാ യഥാര്‍ത്ഥ സുഹൃത്ത്; കമഴന്ന് വീണ ആമയെ സഹായിക്കുന്ന കാട്ടു പോത്ത്, വൈറലായി വീഡിയോ

കൊവിഡ് വന്നതോടെ കോളേജില്‍ പോയി പഠിപ്പിക്കാനും കഴിയാതെയായി. പക്ഷെ ശമ്പളം മാത്രം കൃത്യമായി അക്കൗണ്ടില്‍ വന്നു കൊണ്ടിരുന്നു. സ്വന്തമായി പണി ചെയ്യാതെ കിട്ടിയ ശമ്പളം വേണ്ടെന്നാണ് ഇദ്ദേഹം പറയുന്നത്. പറയുക മാത്രമല്ല, കിട്ടിയ മുഴുവന്‍ ശമ്പളമായ 23,82,228 രൂപയുടെ ചെക്ക് ഇദ്ദേഹം ബി ആര്‍ അംബേദ്കര്‍ ബിഹാര്‍ യൂണിവേഴ്‌സിറ്റിക്ക് തിരികെ നല്‍കുകയും ചെയ്തു. ഹിന്ദി അധ്യാപകനാണ് ഇദ്ദേഹം. കോവിഡ് കാലത്ത് നടന്നിരുന്ന ഓണ്‍ലൈന്‍ ക്ലാസിലും വിരളില്‍ എണ്ണാവുന്ന വിദ്യാര്‍ത്ഥികള്‍ മാത്രമാണ് ഹാജരായിരുന്നത്. അതുകൊണ്ട് തന്നെ പണി എടുക്കാതെ കിട്ടിയ ശമ്പളം വേണ്ടെന്നാണ് ഈ അധ്യാപാകന്റെ നിലപാട്.

പണി എടുത്തില്ലെങ്കിലും ശമ്പളം മതിയെന്ന ചിന്താഗതിയുള്ള ആളുകളുടെ ഇടയില്‍ തന്നെ വ്യത്യസ്തനാവുകയാണ് ലാലന്‍. എന്തുകൊണ്ടാണ് ഇങ്ങനെ ചെയ്തതെന്ന് അധ്യാപകനോട് കോളേജ് പ്രിന്‍സിപ്പല്‍ ചോദിച്ചിരുന്നു. വിദ്യാര്‍ത്ഥികള്‍ ഹാജരാകാത്തത് കൊണ്ട് മാത്രമല്ല. പിജി വിഭാഗത്തിലേക്ക് മാറ്റം ലഭിക്കാന്‍ കൂടിയാണ് അധ്യാപകന്റെ ഈ നീക്കമെന്നും പ്രിന്‍സിപ്പല്‍ ദേശീയ മാധ്യമത്തിന് നല്‍കിയ അഭിമുഖത്തില്‍ പറഞ്ഞു. വിദ്യാര്‍ത്ഥികള്‍ ഹാജരാകാത്തതിന് എതിരെ യൂണിവേഴ്‌സിറ്റി രജിസ്ട്രാര്‍ക്ക് ഇദ്ദേഹം പരാതിയും നല്‍കിയിട്ടുണ്ട്.

Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക

Web Title : no students to teach so bihar professor return 33 month salary back to the university

Malayalam News from Samayam Malayalam, TIL Network