വരണ്ട മുടി
മുടി കൊഴിച്ചിലിനുള്ള ഒരു പ്രധാന കാരണം വരണ്ട മുടിയാണെന്ന് പറയാം. ചര്‍മം വരണ്ടാല്‍ മുടിയും വരളാനുളള സാധ്യത ഏറെയാണ്. പൊടിയും കാറ്റും, ഷാംപൂ പോലുള്ളവയില്‍ അടങ്ങിയിരിയ്ക്കുന്ന കെമിക്കലുകള്‍, തൈറോയ്ഡ് പോലുള്ള രോഗങ്ങള്‍, ഹെയര്‍ ഡ്രയര്‍ ഉപയോഗിച്ചുള്ള മുടിയുണക്കല്‍ തുടങ്ങിയ പല തരം കാര്യങ്ങള്‍ മുടി വരണ്ടു പോകാന്‍ ഇടയാക്കുന്നു. വരണ്ട മുടിയാണെങ്കില്‍ പൊട്ടിപ്പോകാനും വേരോടെ ഊരിപ്പോകാനും ഉള്ള സാധ്യതയും ഏറെയാണ്. ഇതിനാല്‍ തന്നെ വരണ്ട മുടിയ്ക്കായുള്ള പരിഹാര വഴികളും പ്രധാനപ്പെട്ടതാണ്.
വൈറ്റമിന്‍ ഇ
വരണ്ട മുടിയ്ക്കും മുടി കൊഴിച്ചിലിനും ചെയ്യാവുന്ന ഒരു സിംപിള്‍ പരിഹാരമുണ്ട്. വൈറ്റമിന്‍ ഇ ക്യാപ്‌സൂളിനെ കുറിച്ച് എല്ലാവരും കേട്ടു കാണും. ഇത് പല സൗന്ദര്യ, മുടി സംരക്ഷണ പരീക്ഷണങ്ങളിലും പ്രധാനപ്പെട്ട ഘടകമാണ്. ഇത് ചര്‍മത്തിലെങ്കില്‍ ചുളിവുകള്‍ വീഴുന്നത് തടയും, ചര്‍മത്തിന്റെ ഇലാസ്റ്റിസിറ്റി നില നിര്‍ത്തും. കൊളാജന്‍ ഉല്‍പാദനം ശക്തിപ്പെടുത്തിയാണ് ഇത് ചെയ്യുന്നത്. ഇത് ചര്‍മത്തിന് മാത്രമല്ല, മുടിയ്ക്കും സഹായകമാണ.് ആരോഗ്യപരമായ പല ഗുണങ്ങളും ഇതിനുണ്ട്. ബദാം പോലുള്ളവ ഇതിന്റെ സ്വാഭാവിക വഴികളുമാണ്.
വൈറ്റമിന്‍ ഇ ക്യാപ്‌സൂള്‍
മുടി കൊഴിച്ചില്‍ മാറാനും വരണ്ട മുടി സ്വഭാവത്തിനും പരിഹാരമായി ചെയ്യാവുന്നത് രാത്രി കിടക്കാന്‍ നേരത്ത് ഒരു വൈറ്റമിന്‍ ഇ ക്യാപ്‌സൂള്‍ പൊട്ടിച്ച് ഇതിലെ ഓയില്‍ ശിരോചര്‍മത്തില്‍ പുരട്ടി അല്‍പനേരം മസാജ് ചെയ്യുകയെന്നതാണ്. അധികം വേണ്ട, അല്‍പം മതി. വൈറ്റമിന്‍ ഇ ഓയില്‍ ക്യാപ്‌സൂള്‍ രൂപത്തില്‍ അല്ലാതെയും ലഭിയ്ക്കും. ഇതില്‍ നിന്നും അല്‍പം എടുത്ത് പുരട്ടാം. ഇത് ദിവസവും ചെയ്യാവുന്ന ഒന്നാണ്. ഏതു പ്രായക്കാര്‍ക്കും പരീക്ഷിയ്ക്കാവുന്ന സിംപിള്‍ വീട്ടുവൈദ്യമാണിത്. ഇത് രാത്രിയില്‍ പുരട്ടി പിന്നീട് കഴുകേണ്ടതില്ല. രാവിലെയോ പിറ്റേന്നോ കുളിയ്ക്കുമ്പോള്‍ സ്വാഭാവികമായി ഇത് പോയ്‌ക്കൊള്ളും. അധികം പുരട്ടേണ്ടതില്ല. ഇതിനാല്‍ തന്നെ ഷാംപൂ പോലുള്ളവയും ഉപയോഗിയ്‌ക്കേണ്ടി വരികയുമില്ല.
മുടിയുടെ ശിരോചര്‍മത്തിലൂടെ
മുടിയുടെ ശിരോചര്‍മത്തിലൂടെ മുടി വേരുകളിലേയ്ക്ക് ഈ രാത്രി പ്രയോഗത്തിലൂടെ വൈറ്റമിന്‍ ഇ ഓയില്‍ എത്തുന്നു. ഇത് മുടിയുടെ വരണ്ട സ്വഭാവം മാറാന്‍ നല്ലതാണ്. മാത്രമല്ല, മുടി കൊഴിച്ചില്‍ തടയാനും ഇതേറെ നല്ലതാണ്. നിര്‍ജീവമായ മുടിയിഴകള്‍ക്ക് ആരോഗ്യം നല്‍കാനും ജീവന്‍ നല്‍കാനും മികച്ചതാണ് ഇത്തരത്തിലെ രാത്രിയിലെ വൈറ്റമിന്‍ ഇ ഓയില്‍ പ്രയോഗം. ഇത് അല്‍പം മാത്രമെന്നത് പ്രധാനം. കാരണം കട്ടിയുള്ള ഓയിലായതിനാല്‍ ശിരോചര്‍മത്തില്‍ അധികം പുരട്ടിയാല്‍ ഇത് വല്ലാതെ എണ്ണമയമാക്കാനും താരന്‍, പൊടി പോലുള്ളവയ്ക്കും സാധ്യതയുണ്ടാക്കും. മുടി കൊഴിച്ചില്‍ നിര്‍ത്താനും മുടിയ്ക്ക് തിളക്കം നല്‍കാനും വൈറ്റമിന്‍ ഇ ഓയില്‍ മികച്ചതു തന്നെയാണ്. മുടി തഴച്ചു വളരാന്‍ കയ്യോന്നി-നീലയമരി ഓയില്‍ തയ്യാറാക്കാം
Web Title : apply a single capsule that prevent hair loss
Malayalam News from Samayam Malayalam, TIL Network
