Teena Mathew | Samayam Malayalam | Updated: Jul 8, 2022, 3:26 PM
അന്താരാഷ്ട്ര വാര്‍ത്ത ചാനലായ ബിബിസിയിലെ അവതാരകന് പറ്റിയ അമളിയാണ് സോഷ്യല്‍ മീഡിയയെ ചിരിപ്പിക്കുന്നത്.കാലുകള്‍ മേശപ്പുറത്ത് എടുത്ത് വച്ചാണ് അവതാരകന് ഇരിക്കുന്നത്.
ഹൈലൈറ്റ്:
- വീഡിയോ നിമിഷ നേരം കൊണ്ട് വൈറലായി
- അവതാരകന് ടിം വില്‍കോക്‌സിനാണ് അബദ്ധം പറ്റിയത്
തത്സമയ സംപ്രേക്ഷണത്തിനിടെയാണ് ഈ സംഭവം നടന്നത്. റിപ്പോര്‍ട്ടര്‍ വാര്‍ത്ത വിശദാംശങ്ങള്‍ നല്‍കുന്നതിനിടയില്‍ അബദ്ധത്തില്‍ സ്‌ക്രീനിലേക്ക് സ്റ്റുഡിയോ കാണിച്ചതോടെയാണ് അവതരാകന്റെ ഇരിപ്പ് കാണികള്‍ കണ്ടത്. അവതാരകനായ ടിം വില്‍കോക്‌സ് കാലുകള്‍ മേശപ്പുറത്ത് എടുത്ത് വച്ചിരിക്കുന്ന രംഗമാണ് സോഷ്യല്‍ മീഡിയയില്‍ നിമിഷ നേരം കൊണ്ട് വൈറലായത്. കാലുകള്‍ മേശപ്പുറത്ത് എടുത്ത് വച്ച് തന്റെ മൊബൈലും നോക്കിയിരിക്കുകയായിരുന്നു ടിം.
Also Read:പ്രായം വെറുമൊരു സംഖ്യ; മകനൊപ്പം ഇന്ത്യ ചുറ്റിക്കറങ്ങി ഒരമ്മ
പെട്ടെന്ന് പരിസര ബോധം വന്നപ്പോഴാണ് തന്റെ ഇരിപ്പ് ലൈവില്‍ പോയെന്ന് അവതാരകന് മനസിലായത്. അബദ്ധം മനസിലാക്കിയ ഉടന്‍ തന്നെ കാല്‍ പെട്ടെന്ന് താഴെയിട്ട് അദ്ദേഹം കൃത്യമായി ഇരിക്കുന്നതും വീഡിയോയില്‍ കാണാം. ട്വിറ്ററിലൂടെ നിമിഷ നേരം കൊണ്ടാണ് വീഡിയോ വൈറലായത്. ബിബിസി ബ്രോഡ് കാസ്റ്റര്‍ സ്‌കോട്ട് ബ്രയാനും ട്വിറ്ററില്‍ വീഡിയോ പങ്കുവെച്ചിരുന്നു. രസകരമായ ഈ കാഴ്ചയ്ക്ക് നിരവധി പേരാണ് കമന്റിട്ടിരിക്കുന്നത്. ഒരു നിമിഷം പരിസരം മറന്ന് പോയ അവതാരകന് എന്തായാലും സോഷ്യല്‍ മീഡിയയിലെ ചര്‍ച്ച വിഷയമായി മാറി കഴിഞ്ഞു.
Also Watch
കുക്കുർ വാങ്ങാൻ എത്തി കൈയിൽ കിട്ടിയ ഫോണുമായി മുങ്ങി
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
Web Title : bbc news anchor with feet up on desk during live telecast goes viral on social media
Malayalam News from Samayam Malayalam, TIL Network
