Also Read: ക്ലാസ് എടുത്തപ്പോള്‍ വിദ്യാര്‍ത്ഥികള്‍ ഹാജരായില്ല, ശമ്പളമായി കിട്ടിയ 23 ലക്ഷം തിരികെ നല്‍കി കോളേജ് അധ്യാപകന്‍
വെങ്കിടേഷും അമ്മയും താ്ജമഹളില്‍
സ്വന്തം മകനൊപ്പം സാഹസികമായ യാത്ര പോയ ഒരു അമ്മയാണ് ഇപ്പോള്‍ സോഷ്യല്‍ മീഡിയയിലെ താരം. മാതാപിതാക്കള്‍ ഒരിക്കലും കൗമാരക്കാരുടെ യാത്ര പങ്കാളികള്‍ ആകാറില്ല. ഒറ്റയ്ക്ക് അല്ലെങ്കില്‍ കൂട്ടുകാരോടൊപ്പമാണ് അവര്‍ പലപ്പോഴും യാത്രകള്‍ പ്ലാന്‍ ചെയ്യാറുള്ളത്. എന്നാല്‍ ഇവിടെയാണ് ഡല്‍ഹി സ്വദേശിയായ എസ് വെങ്കടേഷ് വ്യത്യസ്തനാകുന്നത്. ഇന്ത്യ മുഴുവന്‍ വെങ്കടേഷ് ചുറ്റിക്കറങ്ങിയത് അവന്റെ അമ്മയും 63 വയസുകാരിയുമായ സുഭ സൂര്യനാരായണത്തിനൊപ്പമാണ്. കേള്‍ക്കുമ്പോള്‍ കൗതുകം തോന്നുമെങ്കിലും സംഗതി സത്യമാണ്. പ്രായത്തെ വെല്ലുന്ന മനോധൈര്യത്തിലാണ് അമ്മ സുഭ മകനൊപ്പം യാത്ര തിരിച്ചത്.
പാങ്കോങ് തടാകത്തില്‍ അമ്മയുടെ പിറന്നാള്‍ ആഘോഷം
ഷിംല, ദര്‍മശാല, ജിബി, ഗോവ, റിഷികേഷ്, ജയ്പൂര്‍, ഛണ്‍ഡീഗഡ്, അമൃത്സര്‍, കശ്മീര്‍ എന്നീ സ്ഥലങ്ങളില്‍ ഇവര്‍ സന്ദര്‍ശനം നടത്തി കഴിഞ്ഞു. ഏറെ സാഹസികത നിറഞ്ഞ പരാശര്‍ തടാകത്തിലെ ട്രക്കിങ്ങും സെറോള്‍സ്‌കര്‍ തടാകത്തിലെ ട്രെക്കിങ്ങും ഈ അമ്മയും മകനും ഒരുമിച്ചാണ് പൂര്‍ത്തിയാക്കിയത്. അമ്മയുടെ ഈ ധൈര്യത്തെയും ഉത്സാഹത്തെയും മകന്‍ വെങ്കിടേഷ് അഭിനന്ദിക്കാറുണ്ട്.. യാത്രയോടുള്ള അമ്മയുടെ അടങ്ങാത്ത അഭിനിവേശത്തെ എത്ര പ്രശംസിച്ചാലും മതിവരില്ലെന്നാണ് വെങ്കിടേഷ് പറയുന്നത്. ഒരിക്കലും അമ്മയെ നിര്‍ബന്ധിക്കേണ്ട കാര്യമില്ല, സ്വയം ഇത്തരം സാഹസങ്ങള്‍ ചെയ്യാന്‍ അമ്മ തയ്യാറാണ്. അവസാന നിമിഷം ഒരു യാത്ര തിരുമാനിച്ചാലും അമ്മ വരാന്‍ റെഡിയാണ്.
പാരാഗ്ലൈഡിങ്ങ് ചെയ്ത് അമ്മയും മകനും
മാതാപിതാക്കള്‍ക്കൊപ്പം യാത്ര ചെയ്യുന്നത് കഠിനമാണെന്നാണ് പലരും കരുതുന്നത്. ഒരിക്കലുമല്ല, പല രോഗങ്ങള്‍ക്കും പലപ്പോഴും യാത്രകള്‍ ഒരു ചികിത്സ കൂടിയാണ്. കുടുംബം എന്ന നിലയില്‍ ഞങ്ങള്‍ എടുത്ത ഈ തീരുമാനം വളരെ മികച്ചതായിരുന്നു. സാഹസികത നിറഞ്ഞ കാര്യങ്ങള്‍ ചെയ്യാനും ഇന്ത്യയിലുടനീളം സഞ്ചരിക്കാനും അമ്മയ്ക്ക് എപ്പോഴും ആവേശമാണെന്നും മകന്‍ പറയുന്നു.
യാത്രയ്ക്കിടയില്‍ അമ്മയും മകനും
എന്റെ പ്രായത്തിലുള്ളവര്‍ അവരുടെ സുഹൃത്തുക്കള്‍ക്കും പങ്കാളികള്‍ക്കുമൊപ്പം യാത്ര ചെയ്യുമ്പോള്‍ ഞാന്‍ എന്റെ അമ്മയോടൊപ്പമുള്ള യാത്രകളാണ് ഇഷ്ടപ്പെടുന്നത്. അമ്മയ്‌ക്കൊപ്പമുള്ള ഓരോ നിമിഷം ഏറെ രസകരവും സന്തോഷം നിറയ്ക്കുന്നതുമാണ്. ചില സമയങ്ങളില്‍ മല കയറുമ്പോള്‍ അമ്മയ്ക്ക് വേണ്ടി ഞാന്‍ ഇടവേളകള്‍ എടുക്കാറുണ്ട്. പക്ഷെ അതിന്റെ ആവശ്യമില്ല നിനക്കാണ് വിശ്രമം ആവശ്യമെന്ന് തോന്നുന്നതെന്ന് അമ്മ തമാശയായി പറയാറുണ്ടെന്നും മകന്‍ വെങ്കിടേഷ് കൂട്ടിച്ചേര്‍ത്തു.
കശ്മീര്‍ യാത്രക്കിടയിലുള്ള ചിത്രം
നാല് വര്‍ഷങ്ങള്‍ക്ക് മുന്‍പാണ് അസുഖ ബാധയെ തുടര്‍ന്ന് ശോഭയ്ക്ക് ഭര്‍ത്താവിനെ നഷ്ടപ്പെട്ടത്. ആ തീരനഷ്ടത്തിന്റെ വേദന ഇവര്‍ മറക്കുന്നത് ഒരുമിച്ചുള്ള ഈ യാത്രകളിലൂടെയാണ്. മറ്റ് എന്തിനേക്കാളും സ്വന്തം മാതാപിതാക്കള്‍ക്കായി അല്‍പ്പം സമയം മാറ്റി വയ്ക്കുന്നത് വലിയ കാര്യമാണ്. അവരോടൊപ്പം യാത്ര ചെയ്യുക അവരുടെ സന്തോഷ നിമിഷങ്ങള്‍ പകര്‍ത്തുക അവരോട് സംസാരിക്കുക അവര്‍ക്കൊപ്പം ഉണ്ടായിരിക്കുക എനിക്ക് സന്തോഷം തരുന്നത് ഇതൊക്കെ ആണെന്നും വെങ്കിടേഷ് പറയുന്നു. ആഗസ്റ്റില്‍ അമ്മയുടെ പിറന്നാളിനാണ് ഇനി ഇവര്‍ അടുത്ത യാത്ര പ്ലാന്‍ ചെയ്തിരിക്കുന്നത്. മാതാപിതാക്കളെ വൃദ്ധ സദനത്തിലാക്കുന്ന പല മക്കള്‍ക്കും ഒരു മാതൃക കൂടിയാണ് ഈ മകന്‍.
Web Title : mother and son duo from delhi travels across india
Malayalam News from Samayam Malayalam, TIL Network
