മഹാരാഷ്ട്രയിൽ ഇടക്കാല തെരഞ്ഞെടുപ്പ് നടത്താൻ വെല്ലുവിളിച്ച് ശിവസേന അധ്യക്ഷൻ ഉദ്ധവ് താക്കറെ. മഹാരാഷ്ട്ര മുഖ്യമന്ത്രിസ്ഥാനം ഒഴിഞ്ഞശേഷം ആദ്യമായാണ് ഉദ്ധവ് പ്രതികരിക്കുന്നത്.
ഹൈലൈറ്റ്:
- ഷിൻഡെ-ബിജെപി വിഭാഗത്തെ വെല്ലുവിളിച്ച് ഉദ്ധവ് താക്കറെ.
- ‘മഹാരാഷ്ട്രയിൽ ഇടക്കാല തെരഞ്ഞെടുപ്പ് നടത്തണം.’
- ജനങ്ങൾ ആർക്കൊപ്പമെന്നു തെളിയിക്കാമെന്നും ഉദ്ധവ്.
നഖ്വി മുതൽ അമരീന്ദർ സിങ്ങ് വരെ; ഉപരാഷ്ട്രപതി തെരഞ്ഞെടുപ്പിൽ സ്ഥാനാർത്ഥി സാധ്യതകൾ ഇങ്ങനെ?‘നിയമസഭാ തെരഞ്ഞെടുപ്പ് ഇന്ന് നടത്താൻ ഞാൻ വെല്ലുവിളിക്കുകയാണ്. തെറ്റ് ചെയ്തിട്ടുണ്ടെങ്കിൽ ജനം ഞങ്ങളെ വീട്ടിലേക്ക് മടക്കും. തെരഞ്ഞെടുപ്പിനെ നേരിടാൻ ഞങ്ങൾ തയ്യാറാണ്. അവരും അതിനു തയ്യാറാകണം. പാർട്ടി ചിഹ്നവുമായി ബന്ധപ്പെട്ട് ആശയക്കുഴപ്പമില്ല. പാർട്ടി ചിഹ്നം ആർക്കും കൈക്കലാക്കാൻ സാധിക്കില്ല. ഈ വിഷയത്തിൽ വേവലാതി വേണ്ടെന്നു തൻ്റെ ശിവസൈനികരോട് പറഞ്ഞിട്ടുണ്ട്’- ഉദ്ധവ് വ്യക്തമാക്കി. സ്വന്തം പാർട്ടിയെ ചിലർ വഞ്ചിക്കുകയാണ് ചെയ്തതെന്നും ഏക്നാഥ് ഷിൻഡെയുടെ പേര് പറയാതെ ഉദ്ധവ് കുറ്റപ്പെടുത്തി. ഭീഷണികൾക്കിടെയിലും 16 ഓളം എംഎൽഎമാർ തന്നോടൊപ്പം നിലയുറപ്പിച്ചതിൽ അഭിമാനമുണ്ടെന്നും അദ്ദേഹം കൂട്ടിച്ചേർത്തു.
പി ടി ഉഷയും ഇളയരാജയും രാജ്യസഭയിലേക്ക്; ഇരുവരെയും നാമനിർദേശം ചെയ്തു
അതേസമയം മഹാരാഷ്ട്രയിൽ ഷിൻഡെ-ബിജെപി സഖ്യം സർക്കാർ രൂപീകരിച്ചതിനെതിരെ ശിവസേന സമർപ്പിച്ച ഹർജി സുപ്രീംകോടതി ഈ മാസം 11 ന് പരിഗണിക്കും. ഇന്ദിര ബാനർജി, ജെ കെ മഹേശ്വരി എന്നിവരടങ്ങിയ ബെഞ്ചാണ് ശിവസേന നേതാവ് സുഭാഷ് ദേശായി സമർപ്പിച്ച ഹർജി പരിഗണിക്കുക. മുതിർന്ന അഭിഭാഷകൻ ദേവദത്ത് കമ്മത്ത് ആണ് ശിവസേനയ്ക്കു വേണ്ടി ഹാജരാകുക. ഷിൻഡെ- ബിജെപി വിഭാഗത്തെ സർക്കാർ രൂപീകരണത്തിന് ഗവർണർ ക്ഷണിച്ചതിനെതിരെയാണ് കഴിഞ്ഞ മാസം 30 ന് സുഭാഷ് ദേശായി സുപ്രീകോടതിയെ സമീപിച്ചത്. ജൂലൈ മൂന്നിനു നടന്ന സ്പീക്കർ തെരഞ്ഞെടുപ്പിനെയും പിറ്റേദിവസം നടന്ന വിശ്വാസ വോട്ടെടുപ്പിനെയും ശിവസേന ഹർജിയിൽ ചോദ്യം ചെയ്തിട്ടുണ്ട്. ജുഡീഷ്യറിയിൽ വിശ്വാസമുണ്ടെന്നും ജനാധിപത്യത്തിൻ്റെ ഭാവി എത്രകാലം കേടുകൂടാതെയിരിക്കുമെന്ന് ഈ കേസ് തെളിയിക്കുമെന്നും ഉദ്ധവ് താക്കറെ പ്രതികരിച്ചു.
കൊവിഡ് ബാധിച്ച് മരിച്ച ഫ്രഞ്ച് പൗരന് കിടങ്ങൂരിൽ അന്ത്യവിശ്രമം
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
Web Title : shiv sena chief uddhav thackeray demands for mid term election in maharashtra
Malayalam News from Samayam Malayalam, TIL Network
