ഹൈലൈറ്റ്:
- വിജിലൻസ് കേസ് ഉടൻ തീര്‍പ്പാക്കും
- ടോമിൻ തച്ചങ്കരി പട്ടികയിലെ രണ്ടാമൻ
- ഡിജിപിമാര്‍ക്ക് രണ്ട് വര്‍ഷം വരെ കാലാവധി
ടോമിൻ തച്ചങ്കരിയെ ഡിജിപിയാക്കാനുള്ള ധാരണ സര്‍ക്കാര്‍ തലത്തിൽ നേരത്തെ തന്നെയുണ്ടായിരുന്നുവെന്നാണ് മനോരമ റിപ്പോര്‍ട്ട്. ഇതിൻ്റെ ഭാഗമായ ചര്‍ച്ചകളും നടന്നിരുന്നുവെന്ന് റിപ്പോര്‍ട്ടിൽ പറയുന്നു. ഇതൻ്റെ ഭാഗമായാണ് കൂടുതൽ സര്‍വീസ് കാലാവധിയുണ്ടായരുന്ന സുദേഷ് കുമാര്‍, ബി സന്ധ്യ എന്നിവരെ മാറ്റി നിര്‍ത്തി അനിൽ കാന്തിനെ ഡിജിപിയയി തെരഞ്ഞെടുത്തത്. കൂടാതെ അനിൽ കാന്തിൻ്റെ നിയമന ഉത്തരവിൽ രണ്ട് വര്‍ഷം എന്നു രേഖപ്പെടുത്തിയിട്ടില്ലെന്നും റിപ്പോര്‍ട്ടിൽ പറയുന്നു.
Also Read: സംസ്ഥാനത്ത് ഇന്നു മുതൽ കടുത്ത നിയന്ത്രണങ്ങള്‍; ടിപിആര്‍ 18 കടന്നാൽ ട്രിപ്പിള്‍ ലോക്ക് ഡൗൺ
സുപ്രീം കോടതി ഉത്തരവ് പ്രകാരം ഡിജിപിമാര്‍ക്ക് രണ്ട് വര്‍ഷത്തെ സര്‍വീസ് നല്‍കാനാകും. എന്നാൽ അതിനു മുൻപാണ് സര്‍വീസിൽ നിന്നു വിരമിക്കുന്നതെങ്കിൽ സ്ഥാനമൊഴിയുന്നതിനു തടസ്സമില്ല. ഈ സാഹചര്യത്തിൽ അടുത്ത ജനുവരി അഞ്ചിന് അനിൽ കാന്തിൻ്റെ കാലാവധി അവസാനിക്കും.
സംസ്ഥാന പോലീസ് മേധാവി സ്ഥാനത്തേയ്ക്ക് ടോമിൻ തച്ചങ്കരിയുടെ പേര് തുടക്കം മുതൽ പരിഗണനയിൽ ഉണ്ടായിരുന്നെങ്കിലും സ്വത്ത് സമ്പാദനക്കേസിൻ്റെ പേരിലാണ് പട്ടികയിലെ രണ്ടാമനായ തച്ചങ്കരിയെ സമിതി ഒഴിവാക്കിയത്. പട്ടികയിലെ ഒന്നാമനായ അരുൺ കുമാര്‍ സിൻഹ കേരളത്തിലേയ്ക്ക് വരാൻ താത്പര്യമില്ലെന്ന് അറിയിച്ചിരുന്നു. തുടര്‍ന്ന് മുൻ ഡിജിപി ലോക്നാഥ് ബെഹ്റയും മുഖ്യമന്ത്രിയുടെ പോലീസ് ഉപദേഷ്ടാവായ രമൺ ശ്രീവാസ്തവയും അനിൽ കാന്തിൻ്റെ പേര് നിര്‍ദേശിക്കുകയായിരുന്നുവെന്നാണ് റിപ്പോര്‍ട്ട്.
Also Read: മൂന്നാം തരംഗം മുന്നിൽ കണ്ട് പ്രകടനങ്ങളും റാലികളും അനുവദിക്കരുത്: ബോംബെ ഹൈക്കോടതി
അതേസമയം, തച്ചങ്കരിയ്ക്കെതിരായ വിജിലൻസ് കേസിൽ ഉടൻ തീര്‍പ്പുണ്ടാക്കി കോടതിയിൽ സമര്‍പ്പിക്കാനും അതിനു ശേഷം യുപിഎസ്‍‍സി സമിയിക്ക്ക് മുൻപിൽ തച്ചങ്കരിയെക്കൂടി ഉള്‍പ്പെടുത്തി പുതിയ പട്ടിക നല്‍കാനുമാണ് സര്‍ക്കാര്‍ ആലോചിക്കുന്നതെന്നാണ്മനോരമ റിപ്പോര്‍ട്ടിൽ പറയുന്നത്. ഈ പട്ടികയിൽ ഉള്‍പ്പെട്ടാൽ തച്ചങ്കരിയ്ക്ക് പോലീസ് മേധാവിയാകാം. ഒന്നര വര്‍ഷം സര്‍വീസ് കാലാവധിയുണ്ടെങ്കിലും രണ്ട് വര്‍ഷം വരെ പദവിയിൽ തുടരാൻ സാധിക്കും.
ഹോട്ടലിൽ കയറേണ്ട, ഇനി ‘ഇന്‍ കാര്‍ ഡൈനിങ്’
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : as anil kant ips is retiring after seven months govt may reportedly appoint tomin j thachankary as new kerala dgp
Malayalam News from malayalam.samayam.com, TIL Network
