ജൂഡോ പരിശീലനത്തിനിടെ നിലത്തെറിഞ്ഞത് 27 തവണ; പരിക്കേറ്റ ഏഴുവയസുകാരൻ മരിച്ചു

തായ്പേയ് സിറ്റി: ജൂഡോ പരിശീലനത്തിനിടെ പരിശീലകനും സഹപാഠികളും ചേർന്ന് 27 തവണ നിലത്തെറിഞ്ഞ ഏഴ് വയസുകാരൻ മരിച്ചു. പരിക്കേറ്റ് 70 ദിവസം അബോധാവസ്ഥയിൽ ചികിത്സയിൽ കഴിഞ്ഞ കുട്ടി ചൊവ്വാഴ്ചയാണ് മരണത്തിന് കീഴടങ്ങിയതെന്ന് വാർത്താ ഏജൻസിയായ എഎഫ്പിയാണ് റിപ്പോർട്ട് ചെയ്തത്.



ഏപ്രിൽ 21നാണ് കുട്ടിയെ ആശുപത്രിയിൽ പ്രവേശിപ്പിച്ചത്. അന്ന് മുതൽ കുട്ടി കോമയിലായിരുന്നെന്നാണ് റിപ്പോർട്ട്. നിരവധി അവയവങ്ങൾ തകരാറിലായ കുട്ടിയ്ക്ക് ശ്വാസകോശ സംബന്ധമായ പ്രശ്നങ്ങളും ആരംഭിച്ചിരുന്നു. കുട്ടിയെ നിരവധി തവണ നിലത്തെറിഞ്ഞ പരിശീലകൻ മറ്റു കുട്ടികളോടും ഏഴു വയസുകാരനെ നിലത്തെറിയാൻ ആവശ്യപ്പെടുകയായിരുന്നു.

കൊവിഷീൽഡും കൊവാക്സിനും അംഗീകരിക്കണം; ഇല്ലെങ്കിൽ ഇന്ത്യയിൽ ക്വാറൻ്റൈൻ; യൂറോപ്യൻ യൂണിയനോട് കടുപ്പിച്ച് കേന്ദ്രം

തലവേദനിയ്ക്കുന്നതായി കുട്ടി പരിശീലകനോട് പറഞ്ഞെങ്കിലും അത് കാര്യമാക്കാതെ ഇയാൾ കുട്ടിയെ നിലത്തേക്ക് എറിയുന്നത് തുടരുകയായിരുന്നു. കുട്ടിയിൽ നിന്ന് പ്രതികരണം ഇല്ലാതെയാകുന്നതുവരെ പരിശീലകൻ ഇത് തുടർന്നിരുന്നെന്നാണ് റിപ്പോർട്ട്. പിന്നീട് കുട്ടിയെ സെൻട്രൽ തായ്ചുങ് നഗരത്തിലെ ഫെങ് യുവാൻ ആശുപത്രിയിൽ പ്രവേശിപ്പിക്കുകയായിരുന്നു.

സംഭവത്തില്‍ അറുപതിലധികം വയസുള്ള പരിശീലകനെതിരെ കേസ് എടുത്തുവെന്നാണ് പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്യുന്നത്. കുട്ടിയെ ഗുരുതരമായി പരിക്കേൽപ്പിച്ചതിനും ശാരീരിക അക്രമണത്തിനുമായിരുന്നു കേസ് രജിസ്റ്റർ ചെയ്തത്. കുട്ടി മരിച്ചതോടെ ഇയാൾക്കെതിരെ കൊലപാതക കുറ്റം ചുമത്തിയേക്കും. പോലീസ് കസ്റ്റഡിയിലെടുത്ത പരിശീലകന്‍ വന്‍തുക കെട്ടിവച്ച ശേഷം കഴിഞ്ഞ ദിവസം പുറത്തിറങ്ങിയിരുന്നു.

Also Read : പിന്നാലെ പോയത് സ്വർണമില്ലെന്ന് അറിഞ്ഞു തന്നെ; ലക്ഷ്യമിട്ടത് അർജുനെ കൈകാര്യം ചെയ്യാൻ: സൂഫിയാൻ



താൻ തെറ്റായി ഒന്നും ചെയ്തിട്ടില്ലെന്നും ഇത് സാധാരണ ജൂഡോ പരിശീലനത്തിന്‍റെ ഭാഗമാണെന്നുമാണ് പരിശീലകൻ പറയുന്നത്. അമ്മയുടെ സഹോദരനൊപ്പമായിരുന്നു കുട്ടി ജൂഡോ പരിശീലനത്തിന് എത്തിയിരുന്നത്. കുട്ടിക്ക് പരിശീലനം അപകടകരമാണെന്ന് വാദിച്ച ഇയാൾ അപകടകരമായ പരിശീലന ദൃശ്യങ്ങള്‍ അമ്മയെ കാണിക്കുന്നതിനായി ചിത്രീകരിച്ചിരുന്നെന്നും റിപ്പോർട്ടുകൾ പറയുന്നു.