Teena Mathew | Samayam Malayalam | Updated: Jul 15, 2022, 3:40 PM
16 അടി നീളമുള്ള കൂറ്റന്‍ മത്സ്യമാണ് വലയില്‍ കുടുങ്ങിയത്. ഓര്‍ എന്നറിയപ്പെടുന്ന മത്സ്യത്തെ ക്രെയ്ന്‍ ഉപയോഗിച്ചാണ് വലിച്ച് കരയില്‍ കയറ്റുന്നത്. അപൂര്‍വമായി മാത്രമേ ഇവ ജലോപരിതലത്തില്‍ എത്താറുള്ളൂ
ഹൈലൈറ്റ്:
- 16 അടിയോളം നീളമുണ്ട് മത്സ്യത്തിന്
- അപൂര്‍വമായെ വലയില്‍ കുടുങ്ങാറുള്ളൂ
ഇത്തരം മത്സ്യങ്ങള്‍ വളരെ അപൂര്‍വമായി മാത്രമേ ജലോപരിതലത്തില്‍ എത്താറുള്ളൂ. ഇവ സാധാരണയായി മത്സ്യത്തൊഴിലാളികളുടെ വലയില്‍ കുടുങ്ങാറില്ല. അതുകൊണ്ട് ഈ അപൂര്‍വ മത്സ്യത്തെ കാണാന്‍ നിരവധി പേരാണ് പ്രദേശത്ത് തടിച്ച് കൂടിയത്. കടലില്‍ ഏകദേശം 1640 അടിയോളം താഴ്ചയിലാണ് ഇവ ജീവിക്കുന്നത്. ഇവ എങ്ങനെയാണ് തീരത്ത് എത്തിയതെന്ന് വ്യക്തമല്ല. ഇര തേടിയോ അല്ലെങ്കില്‍ കടല്‍ ക്ഷോഭ ഉണ്ടായപ്പോഴോ ആകാം ഇവ മുകള്‍ തട്ടിലേക്ക് എത്തിയത് എന്നാണ് നിഗമനം.
Also Read:‘എല്ലാം ശരിയാകും…’ വെള്ളക്കെട്ടില്‍ ഓട്ടോ കുടുങ്ങി, നടുറോഡില്‍ ഡാന്‍സ് കളിച്ച് ഡ്രൈവര്‍
പ്രകൃതി ദുരന്തങ്ങള്‍ മുന്‍കൂട്ടി അറിയാന്‍ ഈ മത്സ്യങ്ങള്‍ക്ക് സാധിക്കുമെന്നത് ശാസ്ത്രീയമായി ഇതുവരെ തെളിയിച്ചിട്ടില്ല. വെള്ളി നിറത്തിലുള്ള ശരീരവും ചുവപ്പ് നിറത്തിലുള്ള ചിറകുമാണ് ഇതിന്റെ രൂപം.
അധികം ആരും കണ്ടിട്ടില്ലാത്ത ഈ ഓര്‍ മത്സ്യത്തിന്റെ വീഡിയോ ഇതിനോടകം തന്നെ സോഷ്യല്‍ മീഡിയയില്‍ വൈറലായി കഴിഞ്ഞു. നിരവധി പേരാണ് വീഡിയോയ്ക്ക് താഴെ കമന്റുമിട്ടിട്ടുണ്ട്. ഇതൊരു ഭയപ്പെടുത്തുന്ന അത്ഭുതകരമായ മത്സ്യമാണെന്നാണ് ഒരാള്‍ കമന്റിട്ടിരിക്കുന്നത്.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
Web Title : a rare species of oar fish was found and signaled as an earthquake warning
Malayalam News from Samayam Malayalam, TIL Network
