1. ഇതില്‍ ധാരാളം കാത്സ്യം അടങ്ങിയിരിക്കുന്നു
മത്തന്റെ ഇലയില്‍ ധാരാളം കാത്സ്യം അടങ്ങിയിട്ടുണ്ട്. അതുകൊണ്ടുതന്നെ ഇത് എല്ലുകളുടേയും പല്ലുകളുടേയും ആരോഗ്യം ഉറപ്പാക്കുന്നതിന് സഹായിക്കുന്നുണ്ട്. പ്രത്യേകിച്ച് സ്ത്രീകള്‍ ഈ കര്‍ക്കിടകമാസത്തില്‍ മത്തന്റെ ഇല കറി വെച്ച് കഴിക്കുന്നത് ആരോഗ്യം മെച്ചപ്പെടുത്തുന്നതിന് സഹായിക്കുന്നുണ്ട്. ഇത് എല്ല് തേയ്മാനം അതുപോലെ, എല്ലുകളുടെ ബലക്കുറവ് എന്നിവയില്‍ നിന്നെല്ലാം സംരക്ഷിച്ച് നിലനിര്‍ത്തുന്നുണ്ട്. കൂടാതെ കാത്സ്യം അടങ്ങിയ ഭക്ഷണം കഴിക്കുന്നത് കാര്‍ഡിയോ വ്‌സകുലര്‍ രോഗങ്ങള്‍ കുറയ്ക്കുന്നതിനും സഹായിക്കും.
2. അയണ്‍ പ്രോട്ടീന്‍ റിച്ചാണ് മത്തന്റെ ഇല
ഇതില്‍ ധാരാളം അയണും അതുപോലെതന്നെ ആരോഗ്യത്തിന് വേണ്ടത്ര പ്രോട്ടീനും അടങ്ങിയിട്ടുണ്ട്. ശരീരത്തില്‍ രക്തം വയ്ക്കുന്നതിനും അതുപോലെ ഓക്‌സിഡന്റെ അളവ് കൂടുന്നതിനും ഇത് സഹായിക്കുന്നുണ്ട്. അതുകൊണ്ട് തന്നെ കുട്ടികളും സ്ത്രീകളും മത്തന്റെ ഇല ആഹാരത്തില്‍ ഉള്‍പ്പെടുത്തി കഴിക്കുന്നത് ആരോഗ്യം മെച്ചപ്പെടുത്തുവാന്‍ സഹായിക്കുന്നുണ്ട്. അതുപോലെ, ഇതില്‍ പ്രോട്ടീന്‍ അടങ്ങിയിരിക്കുന്നതിനാല്‍ തന്നെ ഇത് പേശികള്‍ ബലപ്പെടുത്തുന്നതിനും സഹായിക്കുന്നുണ്ട്.
3. ഇതില്‍ ധാരാളം വൈറ്റമിന്‍ എ അതുപോലെ വൈറ്റമിന്‍ സി എന്നിവ അടങ്ങിയിട്ടുണ്ട്.
മത്തന്റെ ഇലയില്‍ ധാരാളം വൈറ്റമിന്‍ സിയും അതുപോലെതന്നെ വൈറ്റമിന്‍ എയും അടങ്ങിയിട്ടുണ്ട്. വൈറ്റമിന്‍ സി രോഗപ്രതചിരോധശേഷി കൂട്ടുന്നതിനും അതുപോലെ വൈറ്റമിന്‍ എ കണ്ണുകളുടെ ആരോഗ്യം മെച്ചപ്പെടുത്തുന്നതിനുമെല്ലാം സഹായിക്കുന്നുണ്ട്. കൂടാതെ നല്ല ചര്‍മ്മം സ്വന്തമാക്കുന്നതിനും അതുപോലെതന്നെ എല്ലുകള്‍ക്ക് ആരോഗ്യം ഉണ്ടാക്കുന്നതിനും മുറിവുകള്‍ വേഗത്തില്‍ ഉണങ്ങുന്നതിനുമെല്ലാം ഇത് നല്ലതാണ്.
4. മത്തന്റെ ഇല എങ്ങിനെയെല്ലാം ആഹാരത്തില്‍ ഉള്‍പ്പെടുത്താം
നല്ലരീതിയില്‍ തോരന്‍ ഉണ്ടാക്കിയും അതുപോലെതന്നെ, സൂപ്പ് ഉണ്ടാക്കിയും മത്തന്റെ ഇല കഴിക്കാവുന്നതാണ്. മത്തന്റെ ഇളം കൂമ്പ് ഇലകള്‍ ഇതിനായി തിരഞ്ഞെടുക്കുന്നത് നല്ലതായിരിക്കും. ഇത് നന്നായി അരിഞ്ഞഅ പച്ചമുളകും തേങ്ങയും ചേര്‍ത്ത് തോരന്‍ തയ്യാറാക്കി കഴിക്കാവുന്നതാണ്. അതുപോലെതന്നെ, നല്ല കുരുമുളകിട്ട് സൂപ്പ് വെച്ചുണ്ടാക്കി കഴിക്കുന്നതും നല്ലതാണ്. ഇത് ആരോഗ്യം മെച്ചപ്പെടുത്തുന്നതിനെല്ലാം സഹായിക്കുന്നുണ്ട്.
ഹൃദയത്തിന്റെ ആരോഗ്യം മെച്ചപ്പെടുത്തുവാന്‍ സഹായിക്കുന്നു
ഇതില്‍ ധാരാളം ഫൈബര്‍ അടങ്ങിയിരിക്കുന്നതിനാല്‍ തന്നെ ശരീരത്തിലെ കോളസ്‌ട്രോള്‍ കുറയ്ക്കുവാന്‍ സഹായിക്കുന്നുണ്ട്. ഇത് ഹൃദയത്തിന്റെ ആരോഗ്യം മെച്ചപ്പെടുത്തുവാന്‍ സഹായിക്കുന്നു.
മത്തനും മത്തന്റെ ഇലയും കുരുവുമെല്ലാം ഉപയോഗിക്കാം
മത്തനിലും അതുപോലെതന്നെ, മത്തന്റെ ഇലയിലുമെല്ലാം തന്നെ നല്ലരീതിയില്‍ പോഷകങ്ങളും അതുപോലെ ഫൈബറും അടങ്ങിയിട്ടുണ്ട്. മത്തന്റെ കുരു സൂപ്പ് വെച്ച് കഴിക്കുന്നത് ശരീരത്തിലെ മെറ്റാബോളിസം കൂട്ടുന്നതിന് സഹായിക്കുന്ന ഘടകങ്ങളാണ്. അതുപോലെ, മത്തനും സൂപ്പ് വെച്ച് കഴിക്കുന്നത് ആരോഗ്യം മെച്ചപ്പെടുത്തുവാന്‍ വളരെയധികം സഹായിക്കുന്നു.
Web Title : health benefits of pumpkin leaves
Malayalam News from Samayam Malayalam, TIL Network
