വയര്‍ ചാടുന്നത്
വയര്‍ ചാടുന്നത് ഒതുക്കാന്‍ കഠിനമായ വ്യായാമങ്ങള്‍ ചെയ്യാന്‍ മടിയുള്ളവരുണ്ടാകും. ഇവര്‍ക്ക് ചെയ്യാവുന്ന സിംപിള്‍ വ്യായാമങ്ങളുമുണ്ട്. കിടന്ന് കൊണ്ട് ചെയ്യാവുന്നത്. ഇവ ചെയ്യുന്നത് അത്ര ബുദ്ധിമുട്ടുമല്ല, വയര്‍ കുറയുകയും ചെയ്യുന്നു. ഇത്തരം ചില വ്യായാമങ്ങളെക്കുറിച്ചറിയൂ. ഇതിനായി വേണ്ടത് ആദ്യം നിലത്ത് മലര്‍ന്ന് കിടക്കുക. പിന്നീട് ഒരു കാല്‍ ഉയര്‍ത്താം, അല്‍പനേരം ഇങ്ങനെ വച്ച ഇത് താഴ്ത്തി പിന്നീട് അടുത്ത കാല്‍ ഉയര്‍ത്താം.ഇങ്ങനെ ചെയ്യുമ്പോള്‍ വയറ്റിലെ മസിലുകള്‍ക്ക് ആയാസമുണ്ടാകണം. എങ്കിലേ ഗുണമുണ്ടാകൂ. ഇങ്ങനെ ഓരോരോ കാലുകളും 10 തവണ വീതം ഇതേ രീതിയില്‍ ആവര്‍ത്തിയ്ക്കാം.
കിടന്ന് കൊണ്ട് ചെയ്യാവുന്ന
കിടന്ന് കൊണ്ട് ചെയ്യാവുന്ന വേറെയും വ്യായാമമുണ്ട്. ഇതിനായി ഇരു കാലുകളും ഉയര്‍ത്തുക. അല്‍പനേരം ഇങ്ങനെ തന്നെ വയ്ക്കുക. പിന്നീട് താഴ്ത്താം. ഇതും ആവര്‍ത്തിയ്ക്കാം. ഇതും വയറ്റിലെ മസിലുകള്‍ക്ക് ആയാസം നല്‍കുന്ന തരമാണ്. വയര്‍ കുറയ്ക്കാന്‍ സഹായിക്കുന്ന വ്യായാമമാണ് ഇതും. കാലുകള്‍ വയറ്റിലേയ്ക്ക് മടക്കി വച്ച് തല അല്‍പം ഉയര്‍ത്തി ചെയ്യാവുന്ന വ്യായാമമുണ്ട് ഇതേ പൊസിഷനില്‍ അല്‍പനേരം വച്ച ശേഷം വീണ്ടും പൂര്‍വസ്ഥിതിയിലേക്ക് വരാം. ഇതും പല തവണ ആവര്‍ത്തിച്ച് ചെയ്യുന്നത് വയര്‍ കുറയ്ക്കാന്‍ സഹായിക്കുന്ന ഒന്നാണ്.
ബ്രീത്തിംഗ്
വയറ്റിലെ മസിലുകള്‍ക്ക് ആയാസം നല്‍കുന്ന ബ്രീത്തിംഗ് എക്‌സര്‍സൈസുകളും പരീക്ഷിയ്ക്കാം. കിടന്നു കൊണ്ട് ശ്വാസം ഉള്ളിലേയ്ക്ക് വലിച്ചു പിടിയ്ക്കാം. കഴിയുന്നത്ര നേരം ഇതേ രീതിയില്‍ കിടന്ന് പിന്നീട് പതുക്കെ ശ്വാസം പുറത്തേയ്ക്ക് വിടാം. വയറ്റിലെ മസിലുകള്‍ക്ക് ആയാസമുണ്ടാകുന്ന രീതി തന്നെയാണ് ഇതും. രണ്ടു കൈകളും പുറകില്‍ കുത്തി കാലുകള്‍ രണ്ടും നിലത്ത് കുത്തി വയര്‍ ഭാഗം ഉയര്‍ത്തുന്ന രീതിയിലെ വ്യായാമവും വയര്‍ കുറയ്ക്കാന്‍ ചെയ്യാവുന്നതാണ്.
ദിവസവും
ഇതെല്ലാം തന്നെ ദിവസവും അല്‍പ കാലമെങ്കിലും ആവര്‍ത്തിച്ചു ചെയ്യണം എന്നത് പ്രധാനമാണ്. വലിയ ആയാസമില്ലാതെ ആര്‍ക്ക് വേണമെങ്കിലും ചെയ്യാവുന്ന വ്യായാമ മുറകളാണിവ. ഇത് വയര്‍ കുറയ്ക്കാന്‍ നല്ലതാണ്. ഇതോടൊപ്പം അല്‍പം ഭക്ഷണ നിയന്ത്രണവും കൂടിയുണ്ടെങ്കില്‍ കുറുക്കു വഴികളില്‍ കൂടിയല്ലാതെ തന്നെ വയര്‍ കുറയ്ക്കാന്‍ സാധിയ്ക്കുകയും ചെയ്യുന്നു.
Web Title : how to reduce belly fat with lay down tips
Malayalam News from Samayam Malayalam, TIL Network
