കേരള സംസ്ഥാന ഭാഗ്യക്കുറിയുടെ തിരുവോണം ബമ്പര്‍ ഭാഗ്യക്കുറി ധനമന്ത്രി ബാലഗോപാല്‍ ഗതാഗത മന്ത്രി ആന്റണി രാജുവിന് നൽകി പുറത്തിറക്കി. 25 കോടിയാണ് ബമ്പറിന്റെ ഒന്നാം സമ്മാനം
ഹൈലൈറ്റ്:
- നടന്‍ സുധീര്‍ കരമനയും ചടങ്ങില്‍ സന്നിഹിതനായിരുന്നു
- രാജ്യത്തു തന്നെ ഒറ്റടിക്കറ്റില്‍ ഇത്രയും ഉയര്‍ന്ന ഒന്നാംസമ്മാനം ആദ്യമാണ്
- വില്‍പ്പന ജൂലൈ 18നാണ് ആരംഭിക്കുകയെന്ന് ലോട്ടറി വകുപ്പ് അറിയിച്ചു
25 കോടിയുടെ ഒന്നാം സമ്മാനമടിച്ചാല്‍ 15.75 കോടി രൂപയാണ് ജേതാവിന് കിട്ടുക. 2.5 കോടി രൂപ ഏജന്റ് കമ്മീഷനും, നികുതിയും കിഴിച്ചുള്ള തുകയാണിത്. ഒന്നാംസമ്മാന ടിക്കറ്റ് വില്‍ക്കുന്ന ഏജന്റിന് 2.50 കോടി രൂപ കമ്മിഷനുണ്ട്. രാജ്യത്തു തന്നെ ഒറ്റടിക്കറ്റില്‍ ഇത്രയും ഉയര്‍ന്ന ഒന്നാംസമ്മാനം ആദ്യമാണ്.
ബമ്പർ അടിച്ചിരുന്നെങ്കിൽ കെഎസ്ആര്‍ടിസി ജീവനക്കാർക്ക് ശമ്പളം കൊടുക്കാമായിരുന്നു: മന്ത്രി ആൻ്റണി രാജു
ബമ്പറിന്റെ വില്‍പ്പന ജൂലൈ 18നാണ് ആരംഭിക്കുകയെന്ന് ലോട്ടറി വകുപ്പ് അറിയിച്ചു. സെപ്റ്റംബറില്‍ ആകും നറുക്കെടുപ്പ് നടക്കുക. സമ്മാനത്തുക വര്‍ദ്ധിക്കുന്നതോടൊപ്പം തന്നെ ടിക്കറ്റ് വിലയിലും വ്യത്യാസമുണ്ട്. 500 രൂപയാണ് ടിക്കറ്റ് വില. നേരത്തെ 300 രൂപയായിരുന്നു ടിക്കറ്റ് വില. രണ്ടാം സമ്മാനം അഞ്ച് കോടി രൂപ ഒരാള്‍ക്ക്. മൂന്നാം സമ്മാനം ഒരു കോടി രൂപ വീതം പത്ത് പേര്‍ക്ക് ലഭിക്കും.
മൂന്നുവര്‍ഷമായി 12 കോടി രൂപയാണ് തിരുവോണം ബമ്പറിന്റെ ഒന്നാം സമ്മാനം. ആകെ 126 കോടി രൂപയുടെ സമ്മാനം ഇത്തവണ ഉണ്ടാകും. അഞ്ചുലക്ഷം രൂപയാണ് സമാശ്വാസ സമ്മാനം. ഒന്‍പത് പേര്‍ക്കാകും സമാശ്വസ സമ്മാനം ലഭിക്കുക. 90 ലക്ഷം ടിക്കറ്റുകള്‍ ഇത്തവണ അച്ചടിക്കും. കഴിഞ്ഞ വര്‍ഷം 54 ലക്ഷം ടിക്കറ്റുകളാണ് വിറ്റുപോയത്.
കോഴിക്കോട് വെള്ളയിൽ ഹാർബറിൽ ചുഴലിക്കാറ്റ്
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
Web Title : report on kerala state lottery department onam bumper of highest prize released
Malayalam News from Samayam Malayalam, TIL Network
