കൊവിഡ് വാക്സിൻ അടിയന്തര ഉപയോഗത്തിന് അനുമതി തേടി സൈഡസ് കാഡില; പരീക്ഷണം 12 – 18 വയസുകാരിലും

ന്യൂഡല്‍ഹി: പുതിയതായി വികസിപ്പിച്ച കൊവിഡ് വാക്‌സിന്‍റെ അടിയന്തര ഉപയോഗ അനുമതിക്കായി ഡിസിജിഐയെ സമീപിച്ച് സൈഡസ് കാഡില. 12 വയസിന് മുകളിലുള്ളവർക്ക് ഉൾപ്പെടെ ഉപയോഗിക്കാൻ സാധിക്കുമെന്ന് അവകാശപ്പെടുന്ന വാക്‌സിൻ അനുമതിയാണ് സൈഡസ് കാഡില തേടിയിരിക്കുന്നത്.

സൈക്കോവ്-ഡി (ZyCoV-D) എന്ന കൊവിഡ് വാക്സിനാണ് സൈഡസ് കാഡില വികസിപ്പിച്ചിരിക്കുന്നത്. പ്ലാസ്മിഡ് ഡിഎന്‍എ വാക്‌സിനാണ് ഇത്. അടിയന്തര ഉപയോഗത്തിന് അനുമതി ലഭിച്ചാല്‍ ഇന്ത്യയിൽ ഉപയോഗ അനുമതി ലഭിക്കുന്ന അഞ്ചാമത്തെ കൊവിഡ് വാക്സിനായി സൈക്കോവ്-ഡി മാറും, കൊവാക്സിൻ, കൊവിഷീൽഡ്, സ്പുട്നിക്, മൊഡേണ വാക്സിനുകൾക്കാണ് രാജ്യത്ത് നിലവിൽ അനുമതിയുള്ളത്.

Also Read : നഗ്നമായ നിലയിൽ അഞ്ച് സ്ത്രീകളുടെ മൃതദേഹം 10 അടി താഴ്ചയുള്ള കുഴിയിൽ; അഴുകുന്നതിന് ഉപ്പും യൂറിയയും വിതറി; യുവാവ് അറസ്റ്റിൽ



രാജ്യത്തെ 50 കേന്ദ്രങ്ങളിലായി 28,000 പേരിലാണ് സൈകോവ്-ഡി ക്ലിനിക്കൽ പരീക്ഷണം നടത്തിയത്. 12 വയസ് മുതൽ 18 വയസ് വരെ പ്രായമുള്ളവരിൽ പരീക്ഷണം നടത്തുന്ന രാജ്യത്തെ ആദ്യത്തെ വാക്സിൻ കൂടിയാണിത്. 12- 18 വയസ് പ്രായമുള്ള ആയിരം പേരിൽ നടത്തിയ പരീക്ഷണം വിജയകരമായിരുന്നെന്നാണ് കമ്പനി ആവശകാശപ്പെടുന്നത്.

കൊവിഡിന്‍റെ പുതിയ വകഭേദങ്ങൾക്കെതിരെയും സൈക്കോവ്-ഡി പ്രതിരോധശേഷി തീർക്കുമെന്നാണ് ഡൈസഡ് കാഡില അവകാശപ്പെടുന്നത്. അനുമതി ലഭിച്ചാല്‍ പ്രതിവര്‍ഷം 120 മില്ല്യണ്‍ ഡോസ് മരുന്ന് ഉത്പാദിപ്പിക്കാനാണ് കമ്പനി ലക്ഷ്യമിടുന്നത്.

Also Read : കൊവിഷീൽഡും കൊവാക്സിനും അംഗീകരിക്കണം; ഇല്ലെങ്കിൽ ഇന്ത്യയിൽ ക്വാറൻ്റൈൻ; യൂറോപ്യൻ യൂണിയനോട് കടുപ്പിച്ച് കേന്ദ്രം



ഒരു പ്ലാസ്മിഡ് ഡിഎന്‍എ വാക്‌സിന്‍ കുത്തിവയ്ക്കുമ്പോള്‍ കൊറോണ വൈറസിന്റെ സ്‌പൈക്ക് പ്രോട്ടീന്‍ ഉല്‍പാദിപ്പിക്കുകയും രോഗപ്രതിരോധ ശേഷി വര്‍ധിപ്പിക്കുകയും ചെയ്യുന്നു. പുതിയ വകഭേദങ്ങള്‍ക്കെതിരേയും വളരെ വേഗത്തില്‍ പ്രതിരോധം തീര്‍ക്കാനും സാധിക്കുമെന്നാണ് നിര്‍മ്മാതാക്കള്‍ പറയുന്നത്‌