റോഡ് നിര്‍മാണത്തിന് അസഫാള്‍ട്ട് എന്ന രാസവസ്തുവാണ് ലണ്ടനില്‍ ഉപയോഗിക്കുന്നത്. കടുത്ത് ചൂടില്‍ ഇത് ദ്രവരൂപത്തിലേക്ക് മാറാന്‍ തുടങ്ങിയതോടെ റോഡിന് കറുത്ത നിറമാണ്.
ഹൈലൈറ്റ്:
- താപനില 40 ഡിഗ്രി സെല്‍ഷ്യസ്
- റെഡ് അലര്‍ട്ടും അടിയന്തരാവസ്ഥയും പ്രഖ്യാപിച്ചിരുന്നു
റോഡില്‍ കാലുകള്‍ മുങ്ങി പോകുന്നതായി കാല്‍ നട യാത്രക്കാരും പറയുന്നുണ്ട്. വാഹനങ്ങള്‍ വെള്ളത്തിലൂടെ പോകുന്നത് പോലെയാണ് തോന്നുന്നത്. ജൂലൈ 19ന് 34.2 ഡിഗ്രി സെല്‍ഷ്യസ് ചൂടാണ് ഗ്രേറ്റ് മാഞ്ചേസ്റ്ററില്‍ രേഖപ്പെടുത്തിയത്. 2019 ജൂലൈയിലെ റെക്കോര്‍ഡിനെയാണ് ഇത് മറികടന്നത്. റോഡ് പ്രതലങ്ങള്‍ പകല്‍ ചൂട് ആഗിരണം ചെയ്യുന്നതോടെ റോഡിലെ താപനില 50 ഡിഗ്രി സെല്‍ഷ്യസായി മാറി. ഇതാണ് ഈ മാറ്റത്തിന് കാരണമാകുന്നത്. ശൈത്യകാലത്ത് റോഡില്‍ ഉപ്പും മണ്ണും ഒക്കെ ഇടുന്ന രീതി നിങ്ങള്‍ കണ്ടിട്ടുണ്ടാവും അതുപോലെയാണ് ചൂട് കാലത്തും ഈ രീതിയില്‍ റോഡ് ഇങ്ങനെ
മാറുന്നതെന്ന് റോഡ് സര്‍ഫേസ് ട്രീറ്റ്മെന്റ് അസോസിയേഷന്റെ ചീഫ് എക്സിക്യൂട്ടീവ് ഹോവാര്‍ഡ് റോബിന്‍സണ്‍ അന്താരാഷ്ട്ര മാധ്യമമായ ദി മിററിന് നല്‍കിയ അഭിമുഖത്തില്‍ പറഞ്ഞു.
PC: Manchester Evening News
Also Read:മഴവില്‍ നിറമുള്ള പ്ലൂട്ടോ; നാസ പുറത്ത് വിട്ട ചിത്രങ്ങള്‍ സോഷ്യല്‍ മീഡിയയില്‍ വൈറലാകുന്നു
താപനില ഉയര്‍ന്നതോടെ തിങ്കളാഴ്ച ലണ്ടനിലെ നിരവധി ട്രെയിന്‍ സര്‍വീസുകള്‍ റദ്ദാക്കിയിരുന്നു. ജൂലൈ, ആഗസ്റ്റ് മാസങ്ങളില്‍ താപനില ഇനിയും ഉയരാന്‍ സാധ്യതയുണ്ടെന്നാണ് പ്രവചനം അങ്ങനെയാണെങ്കില്‍ സ്ഥിതിഗതികള്‍ ഇതിവും ഗുരുതരമാകും. തെക്കന്‍ യൂറോപ്പില്‍ ഉഷ്ണതരംഗത്തില്‍ വ്യാപക നാശനഷ്മാണ് റിപ്പോര്‍ട്ട് ചെയ്തത്. യൂറോപ്പില്‍ പോര്‍ച്ചുഗള്‍, സെ്്പയിന്‍, ഫ്രാന്‍സ്, ഇറ്റലി, ബ്രിട്ടന്‍ എന്നീ രാജ്യങ്ങളിലാണ് ഉഷ്ണതരംഗം ഏറ്റവും കൂടുതല്‍ ഉയര്‍ന്ന് നില്‍ക്കുന്നത്.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
Web Title : roads are melting into black goo amid rising temperatures in uk
Malayalam News from Samayam Malayalam, TIL Network
