ഭാര്യയ്ക്ക് വിവാഹേതര ബന്ധമുണ്ടെന്ന് സംശയം; യുവതിയെ ഭർത്താവ് മൂന്നു മാസം ചങ്ങലയിൽ ബന്ധിച്ചു

ജയ്പൂർ: വിവാഹേതര ബന്ധമുണ്ടെന്ന സംശയത്തെ തുടർന്ന് ഭർത്താവ് ഭാര്യയെ ചങ്ങലയിൽ ബന്ധിച്ചു. രാജസ്ഥാനിലെ പ്രതാപ്ഗഡ് ജില്ലയിലാണ് സംഭവം. മൂന്ന് മാസത്തോളം ഭാര്യയെ ചങ്ങലയിൽ ബന്ധിച്ച ഭർത്താവിനെ അറസ്റ്റ് ചെയ്തതായി പോലീസ് പറഞ്ഞു.



വീടിനു സമീപം 30 കിലോയോളം വരുന്ന ചങ്ങലയിലാണ് ഭാര്യയെ ഇയാൾ മൂന്ന് മാസത്തോളം ബന്ധിച്ചത്. വിവരമറിഞ്ഞെത്തിയ പോലീസ് യുവതിയെ രക്ഷിക്കുകയും ഭർത്താവിനെ അറസ്റ്റ് ചെയ്യുകയും ചെയ്തു. അർനോഡ് പോലീസ് സ്റ്റേഷൻ പരിധിയിലെ ലാൽഗഡ് ഗ്രാമപഞ്ചായത്തിലാണ് സംഭവം.

ഭാര്യയുമായി വഴക്കിട്ട് കുട്ടികള്‍ക്കുള്ള ഐസ് ക്രീമിൽ വിഷം കലക്കി നൽകി; ഒരു മരണം

ഒരു യുവതിയെ ചങ്ങലയിൽ ബന്ധിച്ചിട്ടുണ്ടെന്ന വിവരത്തെ തുടർന്നാണ് പോലീസ് സ്ഥലത്തെത്തിയത്. തുടർന്ന് നടത്തിയ പരിശോധനയിലാണ് ചങ്ങലയിൽ ബന്ധിച്ച നിലയിൽ ഇവരെ കണ്ടെത്തുന്നത്. ഹോളിയുടെ സമയത്തായിരുന്നു ഭർത്താവ് തന്നെ ചങ്ങലയിൽ ബന്ധിച്ചതെന്നാണ് 40കാരി പോലീസിനോട് പറഞ്ഞത്. തന്‍റെ അമ്മയെ പാടത്ത് സഹായിക്കാനായി ഇടയ്ക്കിടയ്ക്ക് ഹീൻഗ്ലാട്ടിൽ പോകാറുണ്ടായിരുന്നെന്നും യുവതി പറയുന്നു.

‘ഭർത്താവ് എന്‍റെ അമ്മയുടെ നാട്ടിൽ എത്തുകയും വീട്ടുകാരുടെ മുന്നിൽ വെച്ച് എന്ന് മർദ്ദിക്കുകയും ചെയ്തു. പ്രായമായ അമ്മയുടെ കാര്യം നോക്കാൻ ഞാൻ മാത്രമാണ് ഉള്ളത്. എന്നാൽ, മദ്യപിച്ചെത്തിയ ഭർത്താവ് എന്നെ മർദ്ദിക്കുകയായിരുന്നു. ഞാൻ അയാളെ ചതിക്കുകയാണെന്നാണെന്ന് ആരോപിച്ചായിരുന്നു ഇത്’ യുവതി പോലീസിനോട് പറഞ്ഞതായി ഇന്ത്യാ ടുഡേ റിപ്പോർട്ട് ചെയ്തു.

കൂടുതൽ സ്ത്രീധനം കിട്ടിയില്ല; 23കാരിയെ ആളെ വിട്ടു പീഡിപ്പിച്ച് ഭര്‍ത്താവ്; കുടുംബം ഒളിവിൽ

ഹോളിക്ക് രണ്ടു -മൂന്ന് ദിവസം മുമ്പ് ഭർത്താവും ഒരു മകനും മറ്റ് കുടുംബാംഗങ്ങളും ചേർന്നാണ് തന്നെ ചങ്ങലയിൽ ബന്ധിക്കുന്നതെന്നും യുവതി പറഞ്ഞു. മൂന്ന് മാസത്തോളമായി ഭർത്താവ് തന്നെ ശാരീരികവും മാനസികവുമായ പീഡിപ്പിക്കുകയാണെന്നും യുവതി പരാതിപ്പെട്ടു.