കൊവിഡ് വ്യാപനം തടയുന്നതില്‍ ആരോഗ്യസേതു ആപ്പ് നിര്‍ണായ പങ്ക് വഹിച്ചു: പ്രധാനമന്ത്രി മോദി

ന്യൂഡല്‍ഹി: രാജ്യത്ത് കൊവിഡ് വ്യാപനം തടയുന്നതിൽ ആരോഗ്യസേതു ആപ്പ് നിർണായക പങ്ക് വഹിച്ചെന്ന് പ്രധാനമന്ത്രി നരേന്ദ്ര മോദി. ഡിജിറ്റൽ ഇന്ത്യാ പദ്ധതി ആറ് വർഷം പൂർത്തിയാക്കിയ സാഹചര്യത്തിൽ വിവിധ പദ്ധതികളുടെ ഗുണഭോക്താക്കളുമായി വീഡിയോ കോൺഫറൻസിലൂടെ സംസാരിക്കവെയാണ് പ്രധാനമന്ത്രിയുടെ വാക്കുകൾ.



ഇന്ത്യ സൃഷ്ടിച്ച സാങ്കേതിക മാര്‍ഗങ്ങള്‍ കോവിഡ് മഹാമാരിക്കാലത്ത് ആഗോളതലത്തില്‍ അംഗീകരിക്കപ്പെടുന്നുവെന്നും പ്രധാന മന്ത്രി പറഞ്ഞു. കൊവിഡ് വ്യാപനം തടയുന്നതിൽ ആരോഗ്യസേതു ആപ്പ് നിർണായക പങ്ക് വഹിച്ചു. ആരോഗ്യ സൗകര്യങ്ങള്‍ ലഭ്യമാക്കുന്നതില്‍ ഡിജിറ്റല്‍ ഇന്ത്യ പ്രധാന പങ്കാണ് വഹിച്ചതെന്നും അദ്ദേഹം കൂട്ടിച്ചേർത്തു.

കൊവിഡ് വാക്സിൻ അടിയന്തര ഉപയോഗത്തിന് അനുമതി തേടി സൈഡസ് കാഡില; പരീക്ഷണം 12 – 18 വയസുകാരിലും

പുതിയ തലമുറയാണ് ഡിജിറ്റല്‍ ഇന്ത്യയുടെ ഗുണഭോക്താക്കൾ, ഇന്‍റര്‍നെറ്റും സ്മാര്‍ട്ട് ഫോണും അവരെ വളരെയധികം സഹായിച്ചിട്ടുണ്ടെന്നും മോദി പറഞ്ഞു. ഡാറ്റയും ഡെമോഗ്രാഫിക് ഡിവിഡന്‍റും ഇന്ത്യയ്ക്ക് ഒരു വലിയ അവസരമാണ് സമ്മാനിക്കുന്നതെന്നും അദ്ദേഹം പറഞ്ഞു.

സർക്കാരും ജനങ്ങളും തമ്മിലുള്ള അന്തരവും, സംവിധാനവും സൗകര്യങ്ങളും, പ്രശ്നങ്ങളും പരിഹാരങ്ങളും തമ്മിലുള്ള അന്തരവും കുറച്ചുകൊണ്ട് ഡിജിറ്റൽ ഇന്ത്യ സാധാരണക്കാരനെ ശാക്തീകരിക്കുകയാണെന്നും മോദി കൂട്ടിച്ചേർത്തു. ഡ്രൈവിംഗ് ലൈസൻസ്, ജനന സർട്ടിഫിക്കറ്റ്, വൈദ്യുതി ബിൽ അടയ്ക്കൽ, ആദായനികുതി അടയ്ക്കൽ എന്നീ സേവനങ്ങൾ ഗ്രാമ പ്രദേശങ്ങളിലും വേഗത്തിൽ ലഭ്യമാകും. ഇതോടൊപ്പം ഇ കോമൺ സർവീസ് സെന്‍ററുകളും ജനങ്ങളെ സഹായിക്കുന്നുണ്ട്.

കൊവിഷീൽഡും കൊവാക്സിനും അംഗീകരിക്കണം; ഇല്ലെങ്കിൽ ഇന്ത്യയിൽ ക്വാറൻ്റൈൻ; യൂറോപ്യൻ യൂണിയനോട് കടുപ്പിച്ച് കേന്ദ്രം

ഡിജിറ്റല്‍ ഇന്ത്യ പദ്ധതി ഒരു രാഷ്ട്രം, ഒരു റേഷന്‍ കാര്‍ഡ് പദ്ധതി നടപ്പിലാക്കാന്‍ സഹായിച്ചു. പകര്‍ച്ചവ്യാധി സമയത്ത് ദശലക്ഷക്കണക്കിന് ആളുകള്‍ക്ക് സേവനങ്ങള്‍ ലഭ്യമാക്കാന്‍ സാധിച്ചുവെന്നും അദ്ദേഹം അവകാശപ്പെട്ടു.