തിരുവനന്തപുരം മൃഗശാലയിലെ ജീവനക്കാരൻ രാജവെമ്പാലയുടെ കടിയേറ്റ് മരിച്ചു

തിരുവനന്തപുരം: രാജവെമ്പാലയുടെ കടിയേറ്റ് തിരുവനന്തപുരം മൃഗശാലയിലെ ജീവനക്കാരൻ മരിച്ചു. കാട്ടാക്കട സ്വദേശി ഹർഷാദ് (45) ആണ് മരിച്ചത്. ഇന്ന് ഉച്ചയ്ക്ക് രണ്ട് മണിയോടെയാണ് സംഭവമുണ്ടായത്.



കൊവിഡ് മരണം: ധനസഹായം നൽകുന്നതിൽ സർക്കാർ ഒളിച്ചുകളിക്കുന്നുവെന്ന് സുധാകരൻ

രാജവെമ്പാലയുടെ കൂട് വൃത്തിയാക്കുന്നതിനിടെയാണ് ഹർഷാദിന് പാമ്പിൻ്റെ കടിയേറ്റത്. പാമ്പ് കടിച്ചതായി മറ്റ് ജീവനക്കാരെ അറിയിച്ചതിന് പിന്നാലെ തന്നെ അദ്ദേഹം കുഴഞ്ഞു വീഴുകയായിരുന്നു. ഉടൻ തന്നെ മെഡിക്കൽ കോളേജ് ആശുപത്രിയിൽ എത്തിച്ചെങ്കിലും രക്ഷിക്കാനായില്ല.

‘പരിസ്ഥിതിക്ക് വലിയ ദോഷമുണ്ടാക്കും’ കെ റെയില്‍ പ്രവര്‍ത്തനങ്ങള്‍ നിര്‍ത്തിവെക്കണമെന്ന് ശാസ്ത്രസാഹിത്യ പരിഷത്ത്

മൃഗശാലയിലെ ആനിമൽ കീപ്പറായി ജോലി ചെയ്തിരുന്നയാളാണ് ഹർഷാദ്. കൂട് വൃത്തിയാക്കി പുറത്തിറങ്ങുന്നതിനിടെയാണ് പാമ്പ് കടിച്ചതെന്നാണ് വിവരം.