കുറ്റകരമായ പരസ്യങ്ങൾ നീക്കംചെയ്യണം യൂട്യൂബിനോട് സൗദി

യൂട്യൂബ് രാജ്യത്തെ ജനങ്ങൾക്ക് മുന്നിൽ അവതരിപ്പിക്കുന്ന പരസ്യങ്ങളിൽ ഇസ്ലാമികവും സാമൂഹികവുമായ മൂല്യങ്ങൾക്കും തത്ത്വങ്ങൾക്കും വിരുദ്ധമായ ചില കാര്യങ്ങൾ ഉണ്ട്. ഇത് പലപ്പോഴും രാജ്യത്തിന്റെ നിയമങ്ങൾക്ക് എതിരാണെന്ന് അതോറിറ്റി പുറത്തിറക്കിയ പ്രസ്ഥാവനയിൽ പറയുന്നു. ഓഡിയോ വിഷ്വൽ മീഡിയ കമീഷനും കമ്യൂണിക്കേഷൻസ് ആൻഡ് ഇൻഫർമേഷൻ ടെക്‌നോളജി കമീഷനും വിഷയത്തിൽ ആവശ്യമായ നടപടികൾ സ്വീകരിക്കണം. രാജ്യത്തുള്ള നിയന്ത്രണങ്ങൾ പാലിക്കാൻ ആവശ്യമായ കാര്യങ്ങൾ ചെയ്യാൻ പ്ലാറ്റ്‌ഫോമിനോട് അഭ്യർഥിക്കുന്നതായി അധികൃതർ വ്യക്തമാക്കി. രാജ്യത്ത് നിയമലംഘനം നടത്തുന്ന ഉള്ളടക്കം സംപ്രേഷണം ചെയ്യുന്നത് തുടരുന്ന സാഹചര്യത്തിൽ നിയമനടപടികൾ സ്വീകരിക്കുമെന്നും പ്രസ്താവനയിൽ പറയുന്നുണ്ട്.

അതേസമയം, സൗദിയിൽ ചൂട് കൂടുകയാണ്. ആഗസ്റ്റിൽ ഇതേ കാലയളവിൽ സൗദി അറേബ്യയുടെ ചില പ്രദേശങ്ങളിൽ കടുത്ത ചൂട് ആയിരിക്കും എന്ന് അധികൃതർ മുന്നറിയിപ്പ് നൽകി. താപനില 50 ഡിഗ്രിയോ അതിൽ കൂടുതലോ എത്തിയേക്കാമെന്ന് സൗദി ദേശീയ കാലാവസ്ഥ കേന്ദ്രം പുറത്തുവിട്ട പ്രസ്ഥാവനയിൽ പറയുന്നു.

Also Read: രണ്ടു വർഷത്തെ നിയമപോരാട്ടം ഫലം കണ്ടു: അപകടത്തിൽ പരുക്കേറ്റ മലയാളിക്ക് 4 ലക്ഷം ദിർഹം നഷ്ടപരിഹാരം

മദീനയിലും സൗദിയുടെ കിഴക്കൻ തീരപ്രദേശങ്ങളിലും 50 ഡിഗ്രി സെൽഷ്യസിനു മുകളിൽ ആയിരിക്കും ചൂട് എന്നാണ് സൗദി ദേശീയ കാലാവസ്ഥ കേന്ദ്രം പുറത്തുവിട്ട റിപ്പോർട്ടിൽ പറയുന്നത്. ഈ മാസം തന്നെ രാജ്യത്ത് ഉയർന്ന നിലയിൽ ഉള്ള ചൂട് ആണ് രേഖപ്പെടുത്തിയിരിക്കുന്നത്. രാജ്യത്ത് സമീപകാലത്തെ ഏറ്റവും ഉയർന്ന നിലയിൽ ആണ് ചൂട് ആണ് ഇപ്പോൾ അനുഭവപ്പെടുന്നത്. നിലവിൽ ഖസീം പ്രവിശ്യ ഉൾപ്പെടെ സൗദിയിലെ പല പ്രദേശത്തും 49 ഡിഗ്രി സെൽഷ്യസ് ആണ് താപനില രേഖപ്പെടുത്തിയത്. എന്നാൽ 2010ൽ ജിദ്ദ ഗവർണറേറ്റ് പരിധിയിൽ 50 ഡിഗ്രി സെൽഷ്യസിന് മുകളിൽ ചൂട് രേഖപ്പെടുത്തിയിരുന്നു.

Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക

Web Title : saudi arabia asks youtube to remove offensive ads

Malayalam News from Samayam Malayalam, TIL Network