ഹൈലൈറ്റ്:
- സംഭവം രാജസ്ഥാനിൽ
- യുവതിയുടെ സ്വകാര്യ ഭാഗങ്ങളിൽ മുളകുപൊടിയിട്ടു
- പ്രതികള്‍ ഒളിവിൽ
രാജസ്ഥാനിലെ ധോൽപൂരിലാണ് സംഭവമുണ്ടായത്. പീഡനത്തിനിരയായ യുവതി ബസേരി പോലീസ് സ്റ്റേഷനിൽ പരാതി നല്‍കിയതായി ദേശീയ മാധ്യങ്ങള്‍ റിപ്പോര്‍ട്ട് ചെയ്തു. ശനിയാഴ്ചയാണ് തന്നെ പീഡിപ്പിച്ചാനായി ഭര്‍ത്താവ് ഒരാളെ വിളിച്ചു കൊണ്ടുവന്നതെന്നാണ് യുവതിയുടെ പരാതിയിൽ പറയുന്നത്. തുടര്‍ന്ന് ഞായറാഴ്ച മറ്റൊരാളും ബലാത്സംഗം ചെയ്യാനായി എത്തി. ഭര്‍ത്താവും മറ്റു പ്രതികളും തന്‍റെ സ്വകാര്യ ഭാഗങ്ങളിൽ മുളകുപൊടി ഇട്ടതായും യുവതിയുടെ പരാതിയിൽ വ്യക്തമാക്കുന്നു.
യുവതിയെ വീട്ടുകാര്‍ ഇടപെട്ട് സുരക്ഷിത സ്ഥലത്തേയ്ക്ക് മാറ്റിയിട്ടുണ്ട്. ബസേരി പോലീസ് സ്റ്റേഷനിൽ പ്രതികള്‍ക്കെതിരെ കൂട്ടബലാത്സംഗത്തിനാണ് കേസെടുത്തിട്ടുള്ളത്.
Also Read: കൊവിഡ് മരണങ്ങള്‍:’ സര്‍ക്കാരിന് വീഴ്ചയില്ല’, ഒറ്റപ്പെട്ട സംഭവങ്ങളുണ്ടെങ്കിൽ പരിശോധിക്കും
അഞ്ച് മാസം മുൻപാണ് യുവതിയുടെയും പ്രതിയായ യുവാവിൻ്റെയും വിവാഹം കഴിഞ്ഞതെന്നാണ് പോലീസ് പറയുന്നത്. ഭര്‍ത്താവും കുടുംബവും കൂടുതൽ സ്ത്രീധനം കിട്ടാനായി യുവതിയോടു നിര്‍ബന്ധിച്ചിരുന്നുവെന്ന് ആരോപണം. തുടര്‍ന്ന് ഭര്‍ത്താവ് യുവതിയെ പീഡിപ്പിക്കാനായി ഒരാളെ അയയ്ക്കുകയായിരുന്നുവെന്ന് ഡെപ്യൂട്ടി എസ്പി പര്‍വേന്ദ്ര സിങ് പറഞ്ഞു. കൂടുതൽ സ്ത്രീധനം കൊടുക്കാൻ കുടുംബം തയ്യാറാകാതിരുന്നതാണ് യുവതിയോട് ക്രൂരത കാണിക്കാൻ ഭര്‍ത്താവിനെ പ്രേരിപ്പിച്ചതെന്നാണ് പോലീസ് പറയുന്നത്. യുവതിയെ വൈദ്യപരിശോധനയ്ക്ക് വിധേയയക്കി. അതേസമയം, പോലീസിൽ പരാതി നല്‍കിയ വിവരമറിഞ്ഞ ഭര്‍ത്താവും കുടുംബവും വീട്ടിൽ നിന്നു രക്ഷപെട്ടെന്നും ഒളിവിലാണെന്നും പോലീസ് പറഞ്ഞു.
Also Read: ഇന്ത്യയിൽ മതപരിവർത്തനം ‘തീരെ കുറവ്’; നേട്ടമുണ്ടാക്കിയത് ക്രിസ്ത്യാനികൾ; പ്യൂ ഗവേഷണ സർവേ ഫലം
കേസ് ഡിഎസ്പി റാങ്കിലുള്ള ഉദ്യോഗസ്ഥനു കൈമാറിിയെന്നും പ്രതികളെ അറസ്റ്റ് ചെയ്യാനുള്ള ശ്രമം തുടരുകയാണെന്നും പോലീസ് പറഞ്ഞു.
കണ്ണൂരിലെ 25 തദ്ദേശ സ്ഥാപന പ്രദേശങ്ങളില്‍ കടുത്ത നിയന്ത്രണം
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : husband allegedly sends friends to molest rajastan woman after her parents failed to give dowry
Malayalam News from malayalam.samayam.com, TIL Network
