കൊവിഡ് ബാധിച്ച് മരിച്ച സർക്കാർ ഉദ്യോഗസ്ഥന് ‘സ്ഥലംമാറ്റം’; വിവാദമായതോടെ പട്ടിക പിൻവലിച്ച് അധികൃതർ, സംഭവം ബിഹാറിൽ

പാറ്റ്ന: കൊവിഡ്-19 ബാധിച്ച് രണ്ട് മാസം മുൻപ് മരിച്ച സർക്കാർ ഉദ്യോഗസ്ഥന് സ്ഥലം മാറ്റം. കൃഷി വകുപ്പ് ഉദ്യോഗസ്ഥനായ അരുൺ കുമാർ ശർമ്മയെ ആണ് സ്ഥലം മാറ്റിയത്. പട്നയിൽ നിന്ന് ഭോജ്പൂരിലേക്കാണ് അദ്ദേഹത്തിന് സ്ഥലം മാറ്റം ലഭിച്ചിരിക്കുന്നതെന്നാണ് ശ്രദ്ധേയം. അധികൃതർക്ക് സംഭവിച്ച പിഴവാണ് ഇതിന് കാരണം.



അപ്രതീക്ഷിത തിരിച്ചടി? ലൂസി കളപ്പുരയ്ക്കലിന് കോൺവെൻ്റിൽ തുടരാനാകില്ലെന്ന് ഹൈക്കോടതി

കൊവിഡ് നിയന്ത്രണങ്ങൾ തുടരുന്നതിനിടെ ജൂൺ 30നാണ് കൃഷി വകുപ്പ് സ്ഥലം മാറ്റം സംബന്ധിച്ച പട്ടിക പുറത്തുവിട്ടത്. ഈ പട്ടികയിലാണ് ഏപ്രിൽ 27ന് മരിച്ച അരുൺ കുമാറിൻ്റെ പേരും ഇടം നേടിയത്. കൊവിഡ് നിയന്ത്രണങ്ങൾ നിലവിൽ വരുന്ന സമയത്ത് പട്ന ജില്ലയിലെ നൗബത്പൂരിലാണ് ഇയാൾ ജോലി ചെയ്തിരുന്നത്. ഇതിനിടെയാണ് അരുൺ കുമാറിന് കൊവിഡ് സ്ഥിരീകരിച്ചത്.

കൊവിഡ് ബാധിച്ച് ഗുരുതരാവസ്ഥയിലായ അരുൺ കുമാറിനെ ജക്കൻപൂരിലെ ആശുപത്രിയിൽ പ്രവേശിപ്പിച്ചെങ്കിലും ആരോഗ്യനില മോശമായതോടെ ഏപ്രിൽ 27ന് മരണം സംഭവിച്ചു. ഇതിനിടെ തയ്യാറാക്കപ്പെട്ട സ്ഥലം മാറ്റ ലിസ്റ്റിലാണ് അരുൺ കുമാറിൻ്റെ പേരും ഉൾപ്പെട്ടത്. കൊവിഡ് ബാധിച്ച് മരിച്ചയാളുടെ സ്ഥലമാറ്റ വിവരം സമൂഹമാധ്യമങ്ങൾ ഏറ്റെടുത്തതോടെ അധികൃതർ പട്ടിക പിൻവലിച്ചു.

കൊവിഡ് വ്യാപനം തടയുന്നതില്‍ ആരോഗ്യസേതു ആപ്പ് നിര്‍ണായ പങ്ക് വഹിച്ചു: പ്രധാനമന്ത്രി മോദി

ജൂൺ 30ന് പുറത്തുവന്ന പട്ടികയിൽ നിരവധി സർക്കാർ ഉദ്യോഗസ്ഥർക്ക് സ്ഥലം മാറ്റം നൽകിയിട്ടുണ്ട്. വിദ്യാഭ്യാസ വകുപ്പിലാണ് കൂടുതൽ സ്ഥലം മാറ്റം. ജോയിൻ്റ് ഡയറക്ടർ, ജില്ല വിദ്യാഭ്യാസം ഉദ്യോഗസ്ഥർ തുടങ്ങിയവരും പട്ടികയിൽ ഉൾപ്പെടുന്നുണ്ട്. റവന്യൂ വകുപ്പ്, ഭൂപരിഷ്കരണ വകുപ്പ്, ഗ്രാമ വികസന വകുപ്പ് ജല വിതരണ വകുപ്പ് എന്നിവടങ്ങളിലാണ് സ്ഥലം മാറ്റം ഏർപ്പെടുത്തിയിരിക്കുന്നത്.