കേരളത്തിൽ നിന്നുള്ളവർക്ക് നിയന്ത്രണം; പരിശോധന കടുപ്പിച്ച് കർണ്ണാടകം

ബെംഗളുരു: കേരളത്തിൽ നിന്നുള്ളവർക്ക് കടുത്ത നിയന്ത്രണവുമായി കർണ്ണാടകം. കർണ്ണാടകത്തിൽ പ്രവേശിക്കണമെങ്കിൽ 72 മണിക്കൂറിനുള്ളിൽ ലഭിച്ച ആർടിപിസിആർ നെഗറ്റീവ് സർട്ടിഫിക്കറ്റോ രണ്ടു ഡോസ് വാക്സിൻ ലഭിച്ചതിന്റെ സർട്ടിഫിക്കറ്റോ നിർബന്ധമാണെന്ന് കർണ്ണാടക സർക്കാർ വ്യക്തമാക്കി.



കൊവിഡ് വാക്സിൻ അടിയന്തര ഉപയോഗത്തിന് അനുമതി തേടി സൈഡസ് കാഡില; പരീക്ഷണം 12 – 18 വയസുകാരിലും

കേരളവുമായി അതിർത്തി പങ്കിടുന്ന ദക്ഷിണ കന്നഡ, കൊടക്, ചാമ് രാജ് നഗര, എന്നിവിടങ്ങളിലെ ചെക്ക് പോസ്റ്റുകളിൽ പരിശോധന ശക്തമാക്കുമെന്ന് ഉത്തരവിൽ പറയുന്നു.

സംസ്ഥാനത്തു വന്നു പോകുന്ന വ്യാപാരികളും വിദ്യാർത്ഥികളും രണ്ടാഴ്ച കൂടുമ്പോൾ കൊവിഡ് പരിശോധന നടത്തണം. ആരോഗ്യ പ്രവർത്തകർക്കും രണ്ട് വയസിൽ താഴെയുള്ളവർക്കും ഇളവുണ്ട്.

കൊവിഡ് വ്യാപനം തടയുന്നതില്‍ ആരോഗ്യസേതു ആപ്പ് നിര്‍ണായ പങ്ക് വഹിച്ചു: പ്രധാനമന്ത്രി മോദി

മരണ/ ചികിത്സാ സംബന്ധമായ ആവശ്യങ്ങൾക്കും ഇളവ് നൽകും. നിയമ ലംഘകർക്കെതിരെ ദുരന്ത നിവാരണ നിയമപ്രകാരം നടപടിയെടുക്കുമെന്ന് ഉത്തരവിൽ പറയുന്നു.