എണ്ണമയമുള്ള ചർമ്മത്തെ പരിപാലിക്കുമ്പോൾ അറിയേണ്ടതെല്ലാം

എണ്ണമയമുള്ള ചർമ്മസ്ഥിതി ഉള്ളവരാണോ നിങ്ങൾ? എങ്കിൽ ചർമസംരക്ഷണത്തിൻ്റെ കാര്യത്തിൽ ഉറപ്പായും നിങ്ങൾ കൂടുതൽ ശ്രദ്ധ നൽകേണ്ടതായി വരും. മറ്റേതൊരു ചർമ്മ തരത്തിൽ നിന്നും വ്യത്യസ്തമാണ് എണ്ണമയമുള്ള ചർമ്മത്തിൻ്റെ കാര്യം. ഇതിന് ഉചിതമായ ഉൽ‌പ്പന്നങ്ങളും ദിനചര്യകളും ഒക്കെ പ്രത്യേകം കണ്ടെത്തേണ്ടതുണ്ട്. അവ തിരിച്ചറിയാതെ തെറ്റായ ഉൽപ്പന്നങ്ങൾ ഉപയോഗിക്കാൻ ശ്രമിച്ചാൽ നിങ്ങളുടെ പണവും പരിശ്രമങ്ങളും വെറുതേ പഴായി പോകും. അത് മാത്രമല്ല പല സാഹചര്യങ്ങളിലും ഇത്തരം ഉൽപ്പന്നങ്ങളുടെ ഉപയോഗം നിങ്ങളുടെ ചർമത്തിൽ നല്ല ഫലങ്ങളൊന്നും പ്രകടമാക്കുകയില്ലെന്ന് മാത്രമല്ല, ചില ചിലപ്പോഴവ ചർമ്മത്തിന് കൂടുതൽ കേടുപാടുകൾ‌ വരുത്തിവയ്ക്കുകയും ചെയ്യും. നമ്മൾ നിത്യേന ഉപയോഗിക്കുന്ന ഫെയ്‌സ് പാക്കുകളുടെ കാര്യത്തിൽ പോലും ഇത് ബാധകമാണ്.



ഒരാളുടെ ചർമ സ്ഥിതി അധിക സെബം ഉൽ‌പാദിപ്പിക്കുന്നതു മൂലമാണ് എണ്ണമയമുള്ള ചർമ്മസ്ഥിതി നിങ്ങൾക്ക് ഉണ്ടാവുന്നത്. നിങ്ങളുടെ ശരീരത്തിൽ ഉടനീളം ചർമസുഷിരങ്ങൾക്ക് താഴെയായി നിലകൊള്ളുന്ന സെബേഷ്യസ് ഗ്രന്ഥികൾ ഉൽ‌പാദിപ്പിക്കുന്ന എണ്ണമയമുള്ള പദാർത്ഥമാണ് സെബം. ഇത് നിങ്ങളുടെ ശരീരത്തെ ഈർപ്പം നഷ്ടപ്പെടുന്നതിൽ നിന്ന് സംരക്ഷിച്ചു നിർത്താൻ സഹായിക്കുന്നു. ഇത് അമിതമായി പുറന്തള്ളപ്പെടുമ്പോഴാണ് ഒരാൾക്ക് എണ്ണമയമുള്ള ചർമസ്ഥിതി ഉണ്ടാകുന്നത്. ഒരാളുടെ കാര്യത്തിൽ എണ്ണമയമുള്ള ചർമം വ്യത്യസ്ത ഘടകങ്ങളെ ആശ്രയിച്ച് ഒരുപോലെ ഗുണകരവും ദോഷകരവുമാണ്.

എണ്ണമയമുള്ള ചർമ്മം ആണോ എന്ന് എങ്ങനെ തിരിച്ചറിയാം?



നിങ്ങളുടെ ചർമ്മത്തിനായി ശരിയായ ഫേസ്പാക്കുകൾ തിരഞ്ഞെടുക്കുന്നതിനു മുൻപുള്ള ആദ്യപടി നിങ്ങളുടെ ചർമ്മത്തിന്റെ തരം ഏതാണെന്ന് തിരിച്ചറിയണം. വഴുവഴുപ്പുള്ളതും തിളക്കമുള്ളതും നിങ്ങൾ ധരിക്കുന്ന മേക്കപ്പ് എളുപ്പത്തിൽ മാഞ്ഞ് പോകുന്നതുമായ ലക്ഷണങ്ങൾ ഉണ്ടെങ്കിൽ നിങ്ങൾക്ക് എണ്ണമയമുള്ള ചർമ്മം ഉണ്ടെന്ന് ഉറപ്പിക്കാം. ഈയൊരു ചർമ്മ തരം ഉള്ളവർക്ക് സാധാരണയായി മുഖക്കുരു, തുറന്ന തുറന്ന ചർമസുഷിരങ്ങൾ എന്നിവയ്ക്കുള്ള സാധ്യത കൂടുതലായിരിക്കും.

നിങ്ങൾക്ക് എണ്ണമയമുള്ള ചർമമാണോ ഉള്ളതെന്ന് തിരിച്ചറിയാനായി ഈ നടപടികൾ സ്വീകരിക്കാം. ഇതിനായി ഏറ്റവുമാദ്യം മുഖം കഴുകി വരണ്ടതാക്കുക. ഏകദേശം 30 മിനിറ്റ് മുതൽ 1 മണിക്കൂർ വരെ കാത്തിരുന്ന ശേഷം കട്ടികുറഞ്ഞ ഒരു പേപ്പർ എടുത്ത് നിങ്ങളുടെ മുഖത്ത് വിവിധ ഭാഗങ്ങളിൽ പതിയെ അമർത്തുക. ഈ പേപ്പറിൽ എണ്ണമയം കാണപ്പെടുന്നുണ്ടെങ്കിൽ, നിങ്ങൾക്ക് എണ്ണമയമുള്ള ചർമ്മമുണ്ട് എന്ന് തീർച്ചയാക്കാം.

ചർമ്മം ഫ്രഷ് ആയിരിക്കാൻ കാപ്പിപ്പൊടി – വേപ്പെണ്ണ സ്‌ക്രബ്

എണ്ണമയമുള്ള ചർമ്മത്തിന് ഫെയ്‌സ് പാക്കുകൾ



ചർമ്മത്തെ പരിപാലിക്കുന്നതിനും ഏറ്റവും മികച്ച രീതിയിൽ സംരക്ഷിക്കുന്നതിനുമുള്ള മികച്ച മാർഗമാണ് ഫെയ്സ് പായ്ക്കുകളുടെ ഉപയോഗം. ചർമ്മത്തെ മോയ്സ്ചറൈസ് ചെയ്യാനും പുനരുജ്ജീവിപ്പിക്കാനുമെല്ലാം അവ സഹായിക്കുന്നുണ്ട്. നിങ്ങളുടെ ദൈനംദിന ശുദ്ധീകരണ ദിനചര്യ ഒരു മികച്ച കൂട്ടിച്ചേർക്കലാണ് ഇവ. നിങ്ങളുടെ മുഖത്തെ ടോൺ ചെയ്യാനും ചർമത്തെ ഒരുപോലെ പരിപോഷിപ്പിക്കാനും പ്രകൃതിദത്ത ഗുണങ്ങൾ അടങ്ങിയ ഓരോ ഫേസ്പാക്കുകളും സഹായിക്കുന്നുണ്ട്. എണ്ണമയമുള്ള ചർമ്മത്തിനായി ഫെയ്‌സ് പായ്ക്കുകൾ തിരഞ്ഞെടുക്കുമ്പോൾ എന്തെല്ലാം കാര്യങ്ങൾ ശ്രദ്ധിക്കണം എന്നറിയാം.

നിങ്ങളുടെ ചർമത്തെ തിരിച്ചറിഞ്ഞു കഴിഞ്ഞാൽ ഉറപ്പായും ഇതിന് അനുയോജ്യമായ ഫെയ്‌സ് പാക്കുകൾ തെരഞ്ഞെടുക്കുന്ന കാര്യത്തിൽ നിങ്ങൾക്ക് ബുദ്ധിമുട്ട് ഉണ്ടാവുകയില്ല. ഇത്തരത്തിൽ ചർമ്മത്തെ തിരിച്ചറിഞ്ഞുകൊണ്ടുള്ള മികച്ച ഫേസ് പാക്കുകളുടെ ഉപയോഗം നിങ്ങളുടെ സ്കിൻ‌കെയർ ദിനചര്യയിൽ ഉൾപ്പെടുത്തുന്നത് ഏറ്റവുമധികം ഗുണം ചെയ്യുന്ന കാര്യമാണ്. ആരോഗ്യകരവും തിളക്കമാർന്നതുമായ ചർമ്മം നൽകുന്നതിനും ചർമ്മത്തിന്റെ ഗുണനിലവാരം മെച്ചപ്പെടുത്താനുമെല്ലാം ഇത് സഹായിക്കും. എണ്ണമയമുള്ള ചർമ്മത്തിൽ ഏറ്റവും അനുയോജ്യമായ ഫെയ്സ് പായ്ക്കുകൾ ഉപയോഗിക്കുന്നത് വഴി ഇനിപ്പറയുന്ന ഗുണങ്ങൾ ലഭിക്കും :

>

അധിക സെബം ഉൽപ്പാദനത്തെ നിയന്ത്രിക്കപ്പെടും

> ചർമ്മം കൂടുതൽ ആകർഷകമാക്കി കാണപ്പെടുത്തും.

> ചർമ്മം ആരോഗ്യകരമായി കാണപ്പെടുത്തും

> നിങ്ങളുടെ മുഖത്തെ മന്ദത ലക്ഷണങ്ങൾ കുറയ്ക്കുന്നു.

> മുഖക്കുരുവിൻ്റെയും ബ്രേക്കൗട്ടുകളുടേയും സാധ്യത കുറയ്ക്കുന്നു.

> ചർമ്മസുഷിരങ്ങൾ തുറന്നുകൊണ്ട് സാന്ത്വനിപ്പിക്കൽ ഗുണങ്ങൾ നൽകും

എണ്ണമയമുള്ള ചർമ്മത്തിന് ശരിയായ ഫെയ്സ് പായ്ക്ക് എങ്ങനെ തിരഞ്ഞെടുക്കാം



എണ്ണമയമുള്ള ചർമ്മസ്ഥിതി സുഷിരങ്ങൾ അടഞ്ഞുപോകൽ, ബ്രേക്കൗട്ടുകളുടെ വർദ്ധനവ്, തുടങ്ങി നിരവധി പ്രശ്‌നങ്ങൾക്ക് കാരണമായ മാറുന്നതിന് ഉയർന്ന സാധ്യതയുള്ള ഒന്നാണ്. അതുകൊണ്ടുതന്നെ ഇതിനു വേണ്ട ഏറ്റവും മികച്ച ഫെയ്സ് പായ്ക്ക് തിരഞ്ഞെടുക്കുന്ന കാര്യം വരുമ്പോൾ എല്ലായ്പ്പോഴും ഓർമ്മിക്കേണ്ട ചില പ്രധാന കാര്യങ്ങൾ ഉണ്ട്. അവയെക്കുറിച്ച് കൂടുതലറിയാം.

ചർമ്മ പ്രശ്നം തിരിച്ചറിയുക



എണ്ണമയമുള്ള ചർമ്മ സ്ഥിതിയുള്ള ആളുകൾ നേരിടുന്ന പ്രധാന പ്രശ്നമാണ് മുഖക്കുരു സാധ്യതകൾ. ഈയൊരു പ്രശ്നം നിങ്ങൾക്കും ഉണ്ടെങ്കിൽ ഇതിനായി ഏറ്റവും ഫലപ്രദമായ എക്സ്ഫോളിയേറ്റിങ്ങ് ഫേസ്പാക്കുകൾ തിരഞ്ഞെടുക്കണം. പ്രകൃതിദത്ത ഗുണങ്ങൾ അടങ്ങിയ ഇവ നിങ്ങളുടെ നിർദ്ദിഷ്ട പ്രശ്‌നങ്ങൾ പരിഹരിക്കുന്നതിന് സഹായം ചെയ്യും. ഇതിന് സഹായിക്കുന്ന രണ്ട് ഫേസ് മാസ്ക്കുകൾ പരിചയപ്പെടാം.

മുൾട്ടാണി മിട്ടി, റ്റീ ട്രീ ഓയിൽ ഫെയ്സ് പായ്ക്ക്: റ്റീ ട്രീ ഓയിൽ അതിന്റെ വിരുദ്ധ ബാഹ്യാവിഷ്ക്കാര ഗുണങ്ങൾക്കും ആന്റി മൈക്രോബയൽ ഗുണങ്ങൾക്കും പേരുകേട്ടതാണ്. ഇത് നിങ്ങളുടെ മുഖക്കുരുവിന് സാധ്യതകളെ എളുപ്പത്തിൽ പരിഹരിക്കുന്നതിനു സഹായിക്കും. മുൾട്ടാണി മിട്ടി ചേർത്തു ഉപയോഗിക്കുന്നത് ചർമത്തിലെ അധിക എണ്ണയും മുഖക്കുരുവും കുറയ്ക്കാൻ സഹായിക്കുന്ന ഒരു മികച്ച മാർഗമാണ്. പതിവായി ബ്രേക്കൗട്ടുകൾ ഉള്ളവർക്ക് ഇത് പ്രത്യേകിച്ചും ഗുണം ചെയ്യുന്നതാണ് ഈ ഫേസ് മാസ്ക്.

കടല മാവ് തൈര് ഫെയ്സ് പായ്ക്ക് : ചർമ്മത്തിലെ അധിക എണ്ണ കുറച്ചുകൊണ്ടുവന്ന് മുഖക്കുരുവിനെ നിയന്ത്രിക്കാൻ ഏറ്റവും ഫലപ്രദമാണ് കടലമാവ്. തൈരിൽ അടങ്ങിയിരിക്കുന്ന അതിന്റെ ആന്റി-ഏജിംഗ് ഗുണങ്ങളും മുഖക്കുരു കുറയ്ക്കുന്നതിനും ഏറ്റവും നല്ലതാണ്. വീട്ടിൽ തന്നെ ഈ രണ്ട് ചേരുവകളും ചേർത്ത് ഫേസ് പാക്ക് തയ്യാറാക്കി പരീക്ഷിച്ചുനോക്കുക.

ചേരുവകൾ പരിശോധിക്കുക



എണ്ണമയമുള്ള ചർമ്മസ്ഥിതി ഉള്ളവർക്കായി ഫേസ്പാക്കുകൾ തിരഞ്ഞെടുക്കുമ്പോൾ ശ്രദ്ധിക്കേണ്ട രണ്ടാമത്തെ കാര്യം ഫെയ്‌സ് പാർക്കിനായി തിരഞ്ഞെടുക്കുന്ന ചേരുവകളെകുറിച്ച് കൃത്യമായ ബോധ്യം ഉണ്ടായിരിക്കുക എന്നതാണ്. നിങ്ങൾക്ക് അനുയോജ്യമായ ചേരുവകൾ തിരഞ്ഞെടുക്കുന്നത് പ്രശ്നങ്ങൾ ഒരു പരിധിവരെ കുറയ്ക്കാൻ സഹായിക്കും. മിക്കവാറും ഫെയ്സ് പായ്ക്കുകളിലെല്ലാം സാധാരണയായി പ്രകൃതിദത്ത ചേരുവകളാണ് ഉപയോഗിക്കുന്നത്. അവയിൽ ഓരോന്നിനും അതിന്റേതായ ഗുണങ്ങളുണ്ട്. ശരിയായ കോമ്പിനേഷനിൽ ആവശ്യമായ മറ്റു ചേരുവകളോടൊപ്പം ചേർത്ത് അവ ഉപയോഗിക്കുന്നത് വഴി നിങ്ങളുടെ ചർമ്മസംരക്ഷണ വ്യവസ്ഥയെ കൂടുതൽ മികച്ചതാക്കി മാറ്റാനാവും.

ഒരു പാച്ച് ടെസ്റ്റ് നടത്തുക



ഏതൊരു പുതിയ ഉൽപ്പന്നം ആയാലും ഫേസ്പാക്കുകൾ ആയാലും അത് നിങ്ങളുടെ മുഖത്ത് പ്രയോഗിക്കുന്നതിന് മുമ്പ് നിങ്ങളുടെ കൈയിലോ കഴുത്തിലോ ഫെയ്സ് പായ്ക്കിന്റെ ഒരു ചെറിയ അളവിൽ പ്രയോഗിച്ചുകൊണ്ട് ചേരുവകൾക്ക് എന്തെങ്കിലും പ്രതികരണമുണ്ടോയെന്ന് പരിശോധിച്ച് ഉറപ്പിക്കുക. ഫെയ്സ് പായ്ക്ക് തിരഞ്ഞെടുക്കുമ്പോൾ ഇത് ഒരു പ്രധാന ഘട്ടമാണ്. പ്രത്യേകിച്ചും നിങ്ങൾക്ക് ഏതെങ്കിലും ചേരുവകളോട് അജ്ഞാതമായ അലർജികൾ ഏതെങ്കിലുമുണ്ടോ എന്നറിയാൻ ഇത് സഹായിക്കും.

എണ്ണമയമുള്ള ചർമ്മത്തിനായി ചില ഫെയ്‌സ് പായ്ക്കുകൾ



എണ്ണമയമുള്ള ചർമമുള്ളവർക്കായി ഇന്ന് നിരവധി ഫെയ്‌സ് പായ്ക്കുകൾ ലഭ്യമാണ്, അവയിൽ മിക്കതും നമുക്ക് വീട്ടിൽ തന്നെ എളുപ്പത്തിൽ തയ്യാറാക്കാൻ കഴിയുന്നവയുമാണ്. നിങ്ങളുടെ ദൈനംദിന സൗന്ദര്യ സംരക്ഷണ ദിനചര്യയിൽ‌ എളുപ്പത്തിൽ‌ ഉൾപ്പെടുത്താൻ കഴിയുന്ന കുറച്ച് ഫെയ്‌സ് പാക്കുകൾ‌ ഇവിടെയുണ്ട്.

കറ്റാർ വാഴ, മഞ്ഞൾ ഫെയ്‌സ് പായ്ക്ക്



കറ്റാർ വാഴ ഒരു മികച്ച പ്രകൃതിദത്ത മോയ്‌സ്ചുറൈസറാണ്. അതിശയകരമായ ആൻറി-ഇൻഫ്ലമേറ്ററി ഗുണങ്ങൾക്ക് പേരുകേട്ടതാണ് ഇവ. ചർമ്മ സുഷിരങ്ങൾ അടയ്ക്കാനും മുഖക്കുരു കുറയ്ക്കാനും ഇത് സഹായിക്കുന്നു. ചർമ്മത്തിൽ ആരോഗ്യകരമായ തിളക്കം നിലനിർത്താനും ബാക്ടീരിയകളോട് പോരാടാനും മഞ്ഞൾ സഹായിക്കും.

മുട്ട, നാരങ്ങ ഫെയ്സ് പായ്ക്ക്



നിങ്ങൾക്ക് വലിയ സുഷിരങ്ങൾ ഉണ്ടെങ്കിൽ, ഈ ഫെയ്സ് പായ്ക്ക് ശ്രമിച്ചുനോക്കുന്നത് നല്ലതാണ്. മുട്ടയുടെ വെള്ള ചർമ്മസുഷിരങ്ങളെ ചുരുക്കാനും ചർമ്മത്തെ കർശനമാക്കാനും സഹായമരുളുന്നു. അതേസമയം നാരങ്ങ സത്തകൾ ഓക്സിഡേറ്റീവ് നാശനഷ്ടങ്ങളെ തടയുകയും ചർമ്മത്തിന്റെ എണ്ണമയം കുറയ്ക്കുകയും ചെയ്യും.

തേൻ, പുതിന ഫെയ്സ് പായ്ക്ക്



തേനിൽ ആന്റിമൈക്രോബയൽ ഗുണങ്ങളുണ്ട്. ചർമ്മത്തിന് ജലാംശം പകർന്നുകൊണ്ട് എണ്ണമയം കുറയ്ക്കാനുള്ള സാലിസിലിക് ആസിഡ് ഗുണങ്ങൾ പുതിനയിൽ അടങ്ങിയിട്ടുണ്ട്. ഇത് മുഖക്കുരു ലക്ഷണങ്ങൾ കുറയ്ക്കാൻ സഹായിക്കും. ഈ കോമ്പിനേഷൻ നിങ്ങളുടെ ചർമ്മത്തിന് ഉന്മേഷകരമായ അനുഭവം നൽകുകയും ചർമ്മത്തെ പുനരുജ്ജീവിപ്പിക്കുകയും ചെയ്യുന്നു.

മുൾട്ടാനി മിട്ടി, നാരങ്ങ നീര് ഫെയ്സ് പായ്ക്ക്



വിറ്റാമിനുകളും ധാതുക്കളും ഉപയോഗിച്ച് ചർമ്മത്തെ പരിപോഷിപ്പിക്കാൻ ആഗ്രഹിക്കുന്നുണ്ടെങ്കിൽ ഈ ഫേസ് പാക്ക് നിങ്ങൾക്ക് പരീക്ഷിക്കാം. അധിക എണ്ണമയം നിയന്ത്രിക്കുന്നതോടൊപ്പം നിങ്ങളുടെ പി‌എച്ച് നില സന്തുലിതമാക്കുന്നതിനും മുഖത്തിന് തിളക്കം നൽകാനും ഇത് നല്ലതാണ്.

റോസ് വാട്ടർ, ചന്ദനം ഫെയ്സ് പായ്ക്ക്



മുഖത്തെ അമിത എണ്ണമയം അകറ്റി തൽക്ഷണ തിളക്കം നൽകാനാഗ്രഹിക്കുന്നെങ്കിൽ ഇത് നിങ്ങൾക്കുള്ള പായ്ക്കാണ്. മുഖക്കുരുവിന് കാരണമാകുന്ന ബാക്ടീരിയകളോട് പോരാടാൻ ചന്ദനം സഹായിക്കുന്നു. മാത്രമല്ല സൂര്യതാപം മൂലമുണ്ടാകുന്ന പാടുകളെ ശമിപ്പിക്കാനും ചർമ്മത്തെ ഉന്മേഷപൂരിതമാക്കാനും റോസ് വാട്ടർ സഹായം ചെയ്യും.

ഐസ് ക്യൂബ് മസ്സാജ് ചർമ്മത്തിന് നൽകും ഈ ഗുണങ്ങൾ

ഫെയ്‌സ് പാക്ക് ഉപയോഗിക്കുന്നതിന് മുമ്പ്



എണ്ണമയമുള്ള നിങ്ങളുടെ ചർമത്തിൽ ഫെയ്‌സ് പായ്ക്കുകൾ പ്രയോഗിക്കുന്നതിന് മുമ്പും ശേഷവും ചില നടപടികൾ കൈക്കൊള്ളേണ്ടതുണ്ട്. ഇത്തരം സൗന്ദര്യ സംരക്ഷണ ഘട്ടങ്ങൾ കൃത്യമായി പാലിച്ചാൽ മാത്രമേ ചർമ പ്രശ്നങ്ങൾ ഉണ്ടാവുന്നത് കുറയ്ക്കാൻ ഒരുപരിധിവരെ നിങ്ങൾക്ക് കഴിയുകയുള്ളൂ.

ചർമ്മത്തെ വൃത്തിയാക്കുക : ഏതൊരു ഫേസ് പാക്ക് ചെയ്യുന്നതിന് മുൻപായി നിങ്ങളുടെ എണ്ണമയമുള്ള ചർമത്തിലെ അഴുക്കും എണ്ണമയവും ഒഴിവാക്കാൻ ഒരു നല്ല ക്ലെൻസർ ഉപയോഗിച്ച് മുഖം കഴുകുക.

ടോൺ ചെയ്യാം .: ഫെയ്‌സ് പായ്ക്ക് ചെയ്യുന്നതിനു മുൻപായി നിങ്ങളുടെ മുഖചർമ്മം കോട്ടൺ പാഡുകൾ ഉപയോഗിച്ച് ടോൺ ചേയ്യേണ്ടത് പ്രധാനമാണ്.

ഫെയ്സ് പായ്ക്ക് : നിങ്ങൾ തിരഞ്ഞെടുത്ത ഫെയ്സ് പായ്ക്ക് ചർമ്മത്തിൽ പ്രയോഗിച്ച് ഏകദേശം 20 മിനിറ്റ് സൂക്ഷിക്കണം. ചെറുചൂടുള്ള വെള്ളത്തിൽ ആവാം ഇത് കഴുകുന്നത്.

മോയ്സ്ചറൈസ് : ഫെയ്സ് പാക്കിന്റെ ഫലങ്ങൾ മികച്ചതാക്കി മാറ്റാനായി അനുയോജ്യമായ മോയ്‌സ്ചുറൈസർ അല്ലെങ്കിൽ സൺസ്ക്രീൻ ഉപയോഗിക്കുക.

നിങ്ങളുടെ ഫെയ്സ് പായ്ക്ക് പ്രയോഗിച്ച ശേഷം എണ്ണമയമുള്ള ചർമത്തിൽ നന്നായി മസാജ് ചെയ്യുന്നത് വഴി ചർമ്മത്തിന് മികച്ച ഗുണങ്ങളെ നൽകും.

പായ്ക്ക് നിർദ്ദിഷ്ട സമയത്തിൽ കൂടുതൽ നേരം ചർമത്തിൽ തുടരാൻ അനുവദിക്കരുത്, കാരണം ഇത് ചിലപ്പോൾ ചർമ്മത്തെ വരണ്ടതാക്കി മാറ്റിയെടുക്കുകയും അതിന്റെ ഫലപ്രാപ്തി നഷ്ടപ്പെടുത്തുകയും ചെയ്തേക്കാം.

എത്ര തവണ ഫേസ് പായ്ക്ക് ഉപയോഗിക്കണം?



എണ്ണമയമുള്ള നിങ്ങളുടെ ചർമ്മത്തിൽ ഉപയോഗിക്കുന്ന ഓരോ ഫേസ് പായ്ക്കുകൾ വ്യത്യസ്ത ഫലങ്ങൾ നൽകുന്നതാണെങ്കിലും ഇവയുടെ ഉപയോഗം ഒരു പരിധിയിൽ കവിഞ്ഞ് അമിതമായി മാറുന്നത് ചർമ്മത്തിന് ദോഷകരമായി ഭവിക്കും. ഇത് ചിലപ്പോൾ നിങ്ങൾക്ക് നല്ലതിനേക്കാൾ കൂടുതൽ നാശനഷ്ടങ്ങൾ വരുത്തിവയ്ക്കാനും സാധ്യതയുണ്ട് അതുകൊണ്ട് തന്നെ ഏത് ഫേസ്പാക്കുകൾ ആയാലും ആഴ്ചയിൽ മൂന്ന് തവണയിൽ കൂടുതൽ ഉപയോഗിക്കാതിരിക്കാൻ ഓർമ്മിക്കണം.

എണ്ണമയമുള്ള നിങ്ങളുടെ ചർമത്തിൽ ഫെയ്‌സ് പായ്ക്കുകളുടെ പരമാവധി ഫലപ്രാപ്തിക്കായി, ധാരാളം വെള്ളം കുടിക്കാനും ആരോഗ്യകരമായ ഭക്ഷണക്രമം പാലിക്കാനുമെല്ലാം ശുപാർശ ചെയ്യുന്നു. നിങ്ങളുടെ പതിവ് സ്കിൻ‌കെയർ രീതികളെ ഒരു കാരണവശാലും ഒഴിവാക്കരുത്, കൂടാതെ എണ്ണമയമുള്ള ചർമ്മത്തിന് അനുയോജ്യമായ ഉൽപ്പന്നങ്ങൾ മാത്രം ഉപയോഗിക്കുക. ഫെയ്സ് പായ്ക്കുകൾ ഉപയോഗിക്കുന്നതിന് പുറമേ ഈ നുറുങ്ങുകൾ എല്ലാം പിന്തുടരുന്നത് ചർമ്മത്തിന്റെ ഘടന മെച്ചപ്പെടുത്തുകയും ചർമത്തിന് ആരോഗ്യകരമായ തിളക്കം നൽകുകയും ചെയ്യും.