വിവാഹം സ്ത്രീധന മുക്തമാക്കണം; സഭാ വേദികളിൽ സ്ത്രീകളുടെ സ്ഥാനം പിന്നിലാണ്; വിമർശനവുമായി സത്യദീപം

കൊച്ചി: വിവാഹവേളകൾ സ്ത്രീധന മുക്തമാക്കാൻ സഭ തന്റേടം കാണിക്കണമെന്ന് എറണാകുളം അങ്കമാലി രൂപതയുടെ മുഖപത്രമായ സത്യദീപം. സ്ത്രീക്കൊപ്പം ധനം കൈമാറുന്ന വിവാഹം ആശീർവദിക്കില്ലെന്ന് സഭ നിലപാടെടുക്കണമെന്ന് സത്യദീപത്തിലെ ലേഖനത്തിൽ പറയുന്നു.



സ്ത്രീ-പുരുഷ സമത്വമെന്ന മൂല്യം സംരക്ഷിക്കാൻ നിയമ പരിരക്ഷ ഉറപ്പാക്കണം. നൂറ്റൊന്ന് പവനും കാറും കൊടുത്ത് വിവാഹം നടത്തിയിട്ട് സ്ത്രീ കൊല്ലപ്പെട്ടത് എങ്ങനെയെന്ന് ആശ്ചര്യപ്പെടുന്ന കേരളം യഥാർത്ഥത്തിൽ സ്ത്രീധന വിരോധിയല്ലെന്നും സ്ത്രീ വിരോധിയാണെന്നും ലേഖനത്തിൽ പറയുന്നു.

അപ്രതീക്ഷിത തിരിച്ചടി? ലൂസി കളപ്പുരയ്ക്കലിന് കോൺവെൻ്റിൽ തുടരാനാകില്ലെന്ന് ഹൈക്കോടതി

വിവാഹ മോചനത്തിന് നിയമ സാധുതയില്ലാത്ത കത്തോലിക്കാ സഭയിൽ അതിനുള്ള നടപടി ക്രമങ്ങൾ വേഗത്തിലാക്കണം. സ്ത്രീ സുരക്ഷയും സാമൂഹിക സുസ്ഥിതിയും ഉറപ്പാക്കാൻ കേന്ദ്ര സംസ്ഥാന സർക്കാരുകൾക്ക് കഴിയണം. സ്ത്രീധനവുമായി ബന്ധപ്പെട്ട കുറ്റകൃത്യങ്ങൾ കേരളത്തിൽ വർദ്ധിക്കുന്നതിനിടെയാണ് സത്യദീപം നിലപാട് വ്യക്തമാക്കിയിരിക്കുന്നത്.

മിനിമം വേതനം; തൊഴിൽ വകുപ്പിന്റെ നോട്ടീസ് കോടതിയലക്ഷ്യമെന്ന് സാബു എം ജേക്കബ്

നമ്മുടെ വീട്ടകങ്ങൾ സ്ത്രീ സൗഹൃദമല്ലെന്ന് ഇനിയെങ്കിലും തിരിച്ചറിയണം. ഇറങ്ങിപ്പോകാൻ ഇടമില്ലാത്തതുകൊണ്ട് കുടുങ്ങി പോകുന്നവരുണ്ട്. ആധിപത്യത്തിന്റെ ആൺകോയ്മയിൽ കുടുങ്ങി എല്ലാം സഹിക്കുന്നവരുണ്ടെന്നും ലേഖനം വ്യക്തമാക്കുന്നു.

മനുഷ്യനെ ദൈവം പുരുഷന്റെ സ്ത്രീയായല്ല സൃഷ്ടിച്ചത്. പകരം സ്ത്രീയും പുരുഷനുമായി സൃഷ്ടിച്ചുവെന്നാണ് വിശുദ്ധ ഗ്രന്ഥം സാക്ഷ്യപ്പെടുത്തുന്നത്. എന്നിട്ടും സഭാ വേദികളിൽ പിൻനിരയിലാണ് സ്ത്രീയുടെ സ്ഥാനമെന്ന് സത്യദീപം കുറ്റപ്പെടുത്തുന്നു.