‘ലഭിച്ച വാഹനവും വസതിയും ഇഷ്ടമായില്ല’: ബിഹാറിൽ മന്ത്രി രാജിവച്ചു, ഉദ്യോഗസ്ഥർക്ക് വിമർശനം

പട്ന: ലഭ്യമായ സൗകര്യങ്ങൾ പോരെന്ന കാരണത്താൽ ബിഹാറിൽ മന്ത്രി രാജിവച്ചു. സാമുഹ്യ നീതി വകുപ്പ് മന്ത്രിയും ജെഡിയു നേതാവുമായ മദൻ സാഹ്നിയാണ് വിവിധ കാരണങ്ങൾ ചൂണ്ടിക്കാട്ടി രാജി സമർപ്പിച്ചതെന്ന് വാർത്താ എജൻസിയായ എഎൻഐ റിപ്പോർട്ട് ചെയ്തു.



കേരളത്തിൽ നിന്നുള്ളവർക്ക് നിയന്ത്രണം; പരിശോധന കടുപ്പിച്ച് കർണ്ണാടകം

ബഹാദുർപുർ മണ്ഡലത്തിൽ നിന്നുള്ള എംഎൽഎയാണ് രാജിവച്ച മദൻ സാഹ്നി. വകുപ്പിലെ ഉദ്യോഗസ്ഥരോടുള്ള എതിർപ്പ് മൂലമാണ് താൻ രാജിവെക്കുന്നതെന്ന് അദ്ദേഹം പറഞ്ഞു. അനുവദിച്ച് കിട്ടിയ ഔദ്യോഗിക വാഹനവും വസതിയും ഇഷ്ടമായില്ല. വാഹനമടക്കമുള്ള മികച്ച സൗകര്യങ്ങൾ ലഭ്യമാകാത്തതിനാൽ പദവിയിൽ തുടരുന്നതിനോട് താൽപ്പര്യമില്ലെന്നും എഎൻഐയോട് മദൻ സാഹ്നി വ്യക്തമാക്കി.

സൗകര്യങ്ങൾ പരിമിതമായതിനാൽ ജനങ്ങളെ സേവിക്കാൻ പോലുമാകുന്നില്ല. ജനങ്ങൾക്കായി പ്രവർത്തനം നടത്തുമ്പോൾ ഉദ്യോഗസ്ഥരുടെ ഭാഗത്ത് നിന്നും അനുകൂല നിലപാടല്ല ഉണ്ടാകുന്നത്. താൻ നൽകുന്ന നിർദേശങ്ങൾ പാലിക്കാൻ അവർ തയ്യാറാകുന്നില്ല. ഉദ്യോഗസ്ഥരുടെ ഭാഗത്ത് നിന്നും പിന്തുണയില്ലാത്ത സാഹചര്യത്തിൽ മന്ത്രിസ്ഥാനം ആവശ്യമില്ലെന്നും മദൻ സാഹ്നി വ്യക്തമാക്കി.

കൊവിഡ് ബാധിച്ച് മരിച്ച സർക്കാർ ഉദ്യോഗസ്ഥന് ‘സ്ഥലംമാറ്റം’; വിവാദമായതോടെ പട്ടിക പിൻവലിച്ച് അധികൃതർ, സംഭവം ബിഹാറിൽ

പെട്ടെന്നെടുത്ത അപ്രതീക്ഷിത തീരുമാനമല്ല തൻ്റേത്. സ്വേച്ഛാധിപതികളെ പോലെ പെരുമാറുന്ന ഉദ്യോഗസ്ഥർ ജനപ്രതിനിധികളെ അംഗീകരിക്കാത്ത സാഹചര്യമാണുള്ളത്. ആരെയും വകവെക്കാനോ അനുസരിക്കാനോ അവർ തയ്യാറല്ല. ഇത്തരമൊരു ഘട്ടത്തിൽ തിടുക്കം പിടിച്ചല്ല മന്ത്രിസ്ഥാനത്ത് നിന്ന് പിന്മാറാൻ തീരുമാനിച്ചതെന്നും മദൻ സാഹ്നി പറഞ്ഞു.