മദ്രാസ് ഐഐടിയിൽ മലയാളിയുടെ മൃതദേഹം കത്തിക്കരിഞ്ഞ നിലയിൽ; ദുരൂഹത

ചെന്നൈ: മദ്രാസ് ഐഐടിയിൽ കത്തിക്കരിഞ്ഞ നിലയിൽ മലയാളിയുടെ മൃതദേഹം കണ്ടെത്തി. പ്രൊജക്റ്റ് കോ‍ർഡിനേറ്ററായി ജോലി ചെയ്തിരുന്ന ഉണ്ണി കൃഷ്ണൻ നായരുടേതാണ് മൃതദേഹമെന്നാണ് ദേശീയ മാധ്യമമായ ടൈംസ് ഓഫ് ഇന്ത്യ റിപ്പോര്‍ട്ട് ചെയ്യുന്നത്.



Also Read : നഗ്നമായ നിലയിൽ അഞ്ച് സ്ത്രീകളുടെ മൃതദേഹം 10 അടി താഴ്ചയുള്ള കുഴിയിൽ; അഴുകുന്നതിന് ഉപ്പും യൂറിയയും വിതറി; യുവാവ് അറസ്റ്റിൽ



വ്യാഴാഴ്ച രാത്രിയോടെ ക്യാംപസിലെ ഹോക്കി സ്റ്റേഡിയത്തോട് ചേര്‍ന്നാണ് മൃതദേഹം കണ്ടെത്തിയത്. വിദ്യാര്‍ത്ഥികളാണ് മൃതദേഹം ആദ്യം കണ്ടത്. പാതി കത്തിക്കരിഞ്ഞ നിലയിലായിരുന്നു മൃതദേഹമുണ്ടായിരുന്നത്. ഇരുപതിനും മുപ്പതിനും ഇടയില്‍ പ്രായമുള്ളയാളുടേതാണ് മൃതദേഹം എന്നാണ് പ്രാഥമിക നിഗമനം.

സംഭവത്തിന് പിന്നാലെ കോട്ടൂര്‍പുരം പോലീസ് സംഭവസ്ഥലത്തെത്തി. പോസ്റ്റുമോർട്ടം നടപടികള്‍ക്കായി റോയപേട്ട സര്‍ക്കാര്‍ ആശുപത്രിയിലേക്ക് മൃതദേഹം മാറ്റിയിട്ടുണ്ട്. ഇതിന് ശേഷം മാത്രമേ മൃതദേഹം ആരുടേതാണെന്ന് വ്യക്തമാകു. നിലവിൽ മൃതദേഹം കത്തിക്കറിഞ്ഞ നിലയിലാണ് ഉള്ളതെന്നും തിരിച്ചറിയാൻ ബുദ്ധിമുട്ടാണെന്നുമാണ് പോലീസ് പറയുന്നത്.

വ്യാഴാഴ്ച പുലര്‍ച്ചെയാണ് കേരളത്തിൽ നിന്നും ഉണ്ണികൃഷ്ണൻ തിരികെ ക്യാമ്പസിൽ എത്തിയത്. വൈകിട്ട് ഏഴ് മണിയോടെയാണ് മൃതദേഹം കണ്ടെത്തുന്നതും. ഇദ്ദേഹത്തിന്റെ അച്ഛൻ ഐഎസ്ആർഒ ജീവനക്കാരനാണ്.

Also Read : ഭാര്യയുമായി വഴക്കിട്ട് കുട്ടികള്‍ക്കുള്ള ഐസ് ക്രീമിൽ വിഷം കലക്കി നൽകി; ഒരു മരണം



മൃതദേഹത്തിന് സമീപത്തു നിന്നും സംശയാസ്പദമായി ഒന്നും തന്നെ കണ്ടെത്തിയിട്ടില്ലന്നാണ് ടൈംസ് ഓഫ് ഇന്ത്യ റിപ്പോര്‍ട്ട് ചെയ്യുന്നത്. പോലീസ് അസ്വാഭാവിക മരണത്തിന് കേസെടുത്തിട്ടുണ്ട്.