UEFA EURO Cup 2020 Live Streaming: 2010 ലോകകപ്പില്‍ സ്വിറ്റ്സര്‍ലന്‍ഡ് അട്ടിമറിച്ച ഓര്‍മകള്‍ സ്പയിനിന് ഉണ്ടാകും
UEFA EURO 2020 Live Streaming: സ്വിറ്റ്സര്‍ലന്‍ഡ്, പ്രീ ക്വാര്‍ട്ടറില്‍ ലോകചാമ്പ്യന്മാരായ ഫ്രാന്‍സിനെ അട്ടിമറിച്ചാണ് വരവ്. “എന്തൊരു കളി, ഫുട്ബോളിന്റെ മനോഹരമായ സായാഹ്നം,” കെയിലിയന്‍ എംബാപ്പയുടെ പെനാലിറ്റി തടഞ്ഞതിന് ശേഷമുള്ള സ്വിസ് ഗോളി യാന്‍ സോമറിന്റെ വാക്കുകളാണിത്. അത്രമേല്‍ മികച്ച ഫുട്ബോളായിരുന്നു അവര്‍ ഫ്രാന്‍സിനെതിരെ പുറത്തെടുത്തത്.
1938 ഫിഫ ലോകകപ്പിന് ശേഷം ആദ്യമായാണ് സ്വിറ്റ്സര്‍ലന്‍ഡ് ഒരു ടൂര്‍ണമെന്റില്‍ പ്രീ ക്വാര്‍ട്ടര്‍ കടക്കുന്നത്. കൗണ്ടര്‍ അറ്റാക്കിങ്ങിലെ വേഗതയാണ് സ്വിസ് പടയെ ഫ്രാന്‍സിനെതിരെ തുണച്ചത്. ഹാരിസ് സെഫറോവിച്ചിന്റെ ബൂട്ടുകള്‍ പന്ത് വലയിലെത്തിക്കുന്നതില്‍ മിടുക്ക് കാണിക്കുന്നുണ്ട്. ഗ്രാനിറ്റ് സാക്കയുടെ മികവും കൂടി ചേരുമ്പോള്‍ സ്വിറ്റ്സര്‍ലന്‍ഡ് കരുത്തരാകുന്നു.
മറുവശത്ത് സ്പെയിനിന്റെ ക്വാര്‍ട്ടര്‍ പ്രവേശനം അത്ര സുഖകരമായിരുന്നില്ല. ക്രോയേഷ്യക്കെതിരെ പ്രീ ക്വാര്‍ട്ടറില്‍ 3-1 ന്റെ ലീഡ് നേടിയ ശേഷം അവസാന പത്ത് മിനുറ്റില്‍ രണ്ട് ഗോളുകള്‍ വഴങ്ങി. അധിക സമയത്താണ് മുന്‍ ചാമ്പ്യന്മാര്‍ വിജയം പിടിച്ചെടുത്തത്. പന്തടക്കത്തില്‍ മികവ് പുലര്‍ത്തുമ്പോള്‍ ഗോള്‍ അടിക്കുന്നതിലെ മികവ് സ്പെയിനിന് ഇല്ലാതായിരുന്നു ആദ്യ മത്സരങ്ങളില്‍.
സ്ട്രൈക്കറായ ആല്‍വാരോ മൊറാട്ട തന്റെ മികച്ച ഫോമിലല്ല എന്നതും തിരച്ചടിയാണ്. 21 കാരനായ ഫെറാന്‍ ടോറസാണ് ഇത്തവണ സ്പെയിനിനായി മികച്ച പ്രകടനം കാഴ്ച വച്ചിട്ടുള്ളത്. നാല് മത്സരങ്ങളില്‍ നിന്ന് രണ്ട് ഗോളുകള്‍ താരം നേടിയിട്ടുണ്ട്. ഒരു ഗോളിന് വഴിയൊരുക്കുകയും ചെയ്തു. 2010 ലോകകപ്പില്‍ സ്വിറ്റ്സര്‍ലന്‍ഡ് അട്ടിമറിച്ച ഓര്‍മകള്‍ സ്പയിനിന് ഉണ്ടാകും.
Euro Cup 2020 Matches Today (In IST) – യൂറോ കപ്പിലെ ഇന്നത്തെ മത്സരങ്ങള്‍ (ഇന്ത്യന്‍ സമയം)
സ്പെയിന്‍ – സ്വിറ്റ്സര്‍ലന്‍ഡ് (രാത്രി 9.30)
How to watch the live telecast of Euro Cup 2020? യൂറോ കപ്പിന്റെ തത്സമയ സംപ്രേക്ഷണം എങ്ങനെ കാണാം?
യൂറോ കപ്പിന്റെ തത്സമയ സംപ്രേക്ഷണം സോണി സ്പോര്‍ട്സ് ചാനല്‍ വഴിയാണ് കാണാന്‍ സാധിക്കുക. ഹിന്ദി കമന്ററിയില്‍ മത്സരം സോണി ടെന്‍ മൂന്നില്‍ കാണാം.
How to watch the live streaming of Euro Cup 2020 matches? യൂറൊ കപ്പിന്റെ ലൈവ് സ്ട്രീമിങ് എങ്ങെനെ കാണാം
സോണി ലൈവ് ആപ്ലിക്കേഷനില്‍ യൂറോ കപ്പ് മത്സരങ്ങളുടെ ലൈവ് സ്ട്രീമിങ് ഉണ്ടാകും
