ഫുജൈറ> മലയാളം മിഷൻ ഫുജൈറ മേഖലയുടെ പുതിയ കമ്മിറ്റിയെ തിരഞ്ഞെടുത്തു. ഓൺലൈൻ യോഗം മലയാളം മിഷൻ ഡയറക്ടർ പ്രൊഫ.സുജ സൂസൻ ജോർജ് ഉദ്‌ഘാടനം ചെയ്തു. മലയാളം മിഷന്റെ ദൗത്യം ഓരോ കുടുംബവും അവരുടെ മിഷനായി ഏറ്റെടുക്കുവാൻ തയ്യാറാകണമെന്ന് അവർ പറഞ്ഞു
മലയാളം മിഷൻ ചാപ്റ്റർ ചെയർമാനും, ഫുജൈറ മേഖലാ പ്രസിഡന്റുമായ ഡോ. പുത്തൂർ അബ്ദുൾ റഹ്മാൻ അധ്യക്ഷനായി. മലയാളം മിഷൻ യു എ ഇ കോ-ഓർഡിനേറ്റർ കെ എൽ ഗോപി, ലോകകേരളസഭ അംഗം സൈമൺ സാമുവേൽ, കരിക്കുലം കമ്മറ്റി ചെയർമാൻ ഫാ. കെ എം ജേക്കബ് , ചാപ്റ്റർ പ്രസിഡന്റ് നാസർ, വൈസ് പ്രസിഡന്റ് സുഭ രവി, സെക്രട്ടറി അജയ്, കാൺവീനർ വിൽസൻ, കോ -ഓർഡിനേറ്റർ അക്ബർ, ബബിത നൂർ, എന്നിവർ സംസാരിച്ചു. രാജശേഖരൻ സ്വാഗതവും, ഷജറത്ത് ഹർഷൽ നന്ദിയും പറഞ്ഞു. മേഖലയിൽ പുതിയ പഠനകേന്ദ്രങ്ങൾ ആരംഭിക്കാനും പ്രവേശനോത്സവം സംഘടിപ്പിക്കുവാനും തീരുമാനിച്ചു.
മേഖലക്കു 21 അംഗ കമ്മിറ്റിയെ യോഗം തെരഞ്ഞെടുത്തു.മലയാളം മിഷൻ ഫുജൈറ മേഖല ഭാരവാഹികളായി ഫാ. കെ എം ജേക്കബ് (ചെയർമാൻ ), സന്തോഷ് കുമാർ (പ്രസിഡന്റ്), രാജശേഖരൻ (സെക്രട്ടറി ), സഞ്ജീവ് മേനോൻ , ബിജി സുരേഷ് (വൈസ് പ്രസിഡന്റ്മാർ), അബ്ദുൾ ഖാദർ (ജോയിന്റ് സെക്രട്ടറി ), ഷൈജു രാജൻ (കൺവീനർ), ഷജറത്ത് ഹർഷൽ (കോ-ഓർഡിനേറ്റർ ) എന്നിവരെ തെരഞ്ഞെടുത്തു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
