Also Read: കുവൈറ്റ്: ഗാര്‍ഹികത്തൊഴിലാളികളുടെ റിക്രൂട്ട്‌മെന്റ് ഫീസ് കുറച്ചതില്‍ പ്രതിഷേധവുമായി ഏജന്‍സികള്‍
ഓരോ ജീവനക്കാരന്റെ പേരില്‍ 3000 ദിര്‍ഹമാണ് ബാങ്ക് ഗ്യാരന്റിയായി കെട്ടിവെക്കേണ്ടതെന്ന് മന്ത്രാലയത്തിന്റെ ലേബര്‍ കാര്യങ്ങള്‍ക്കായുള്ള അസിസ്റ്റന്റ് അണ്ടര്‍ സെക്രട്ടറി ആയിഷ ബെല്‍ബര്‍ഫിയ പറഞ്ഞു. ഒരു വര്‍ഷത്തേക്കായിരിക്കും ഇതിന്റെ കാലാവധി. അത് കഴിഞ്ഞാല്‍ തുക പുതുക്കി വയ്ക്കാം. യുഎഇ കേന്ദ്രമായി പ്രവര്‍ത്തിക്കുന്ന ഏതെങ്കിലും ബാങ്കിലായിരിക്കണം തുക നിക്ഷേപിക്കേണ്ടത്. ജോലിക്കാരനുമായുള്ള തൊഴില്‍ കരാര്‍ റദ്ദാക്കുമ്പോഴോ, ജീവനക്കാരന്‍ രാജ്യം വിടുമ്പോഴോ, അല്ലെങ്കില്‍ മരിക്കുമ്പോഴോ തിരിച്ചെടുക്കാം. ജീവനക്കാരന്‍ ജോലി മാറിയാലും ഇത് തിരികെ ക്ലെയിം ചെയ്യാം. എന്നാല്‍ ഇതിനുള്ള തെളിവുകള്‍ ബാങ്കില്‍ ഹാജരാക്കണം.
Also Read: ലോകകപ്പ് ഫൈനല്‍ നടക്കുന്ന ലുസൈലില്‍ ഇന്ന് പന്തുരുളും; ഔദ്യോഗിക ഉദ്ഘാടനം അടുത്ത മാസം
ഇന്‍ഷൂറന്‍സ് പദ്ധതിയാണ് തെരഞ്ഞെടുക്കുന്നതെങ്കില്‍ 30 മാസത്തേക്കുള്ള ഇന്‍ഷൂറന്‍സ് പോളിസിയായിരിക്കണം എടുക്കേണ്ടതെന്ന് അവര്‍ അറിയിച്ചു. വിദഗ്ധ തൊഴിലാളിക്ക് 137 ദിര്‍ഹം 50 ഫില്‍സ് എന്ന നിരക്കിലും അവിദഗ്ധ തൊഴിലാളികള്‍ക്ക് 180 ദിര്‍ഹം എന്ന നിരക്കിലുമാണ് പോളിസി എടുക്കേണ്ടത്. വേതന സംരക്ഷണ സംവിധാനത്തില്‍ രജിസ്റ്റര്‍ ചെയ്യാത്ത സ്ഥാപനങ്ങളിലെ അപകട സാധ്യത കൂടുതലുള്ള മേഖലയില്‍ ജോലിയെടുക്കുന്ന തൊഴിലാളികള്‍ക്കായി 250 ദിര്‍ഹത്തിന്റെ ഇന്‍ഷൂറന്‍സ് പോളിസി എടുക്കണം. 20,000 ദിര്‍ഹം വരെയുള്ള ഇന്‍ഷൂറന്‍സ് കവറേജ് ആയിരിക്കും ജീവനക്കാര്‍ക്ക് ഇതുവഴി ലഭിക്കുക. അതിനു പുറമെ, തൊഴിലാളിയുടെ 120 ദിവസത്തെ ശമ്പളം, ഗ്രാറ്റുവിറ്റി, നാട്ടിലേക്കുള്ള മടക്ക യാത്ര, മരണം സംഭവിച്ചാല്‍ മൃതദേഹം നാട്ടിലെത്തിക്കാനുള്ള ചെലവ്, മറ്റ് ആനുകൂല്യങ്ങള്‍ എന്നിവയും ഇന്‍ഷൂറന്‍സ് പദ്ധതിയില്‍ ഉള്‍പ്പെടും.
ലാല്‍ സിംഗ് ഛദ്ദ; ആമിര്‍ ഖാന്‍ ചിത്രത്തിന്റെ ബഹിഷ്കരണാഹ്വാനത്തിന് പിന്നിലെന്ത്?
