‘പ്രധാനമന്ത്രി പദത്തിന്റെ അന്തസ്സ് കളയരുത്’, മോദിയുടെ ദുർമന്ത്രവാദ പരിഹാസത്തിന് രാഹുൽ ​ഗാന്ധിയുടെ മറുപടി

പാനിപത്തിലെ എഥനോൾ പ്ലാന്റ് രാജ്യത്തിന് സമർപ്പിക്കുന്ന ചടങ്ങിലായിരുന്നു കോൺഗ്രസിന് നേരെയുള്ള മോദിയുടെ പരിഹാസം. ദുർമന്ത്രവാദം നടത്തിയാലും അന്ധവിശ്വാസം പ്രചരിപ്പിച്ചാലും ജനങ്ങളുടെ വിശ്വാസം നേടിയെടുക്കാനാകില്ലെന്ന് എംപിമാരുടെ പ്രതിഷേധത്തെ ഉന്നം വച്ച് മോദി വിമർശിച്ചിരുന്നു. ഈ പരാമർശങ്ങൾക്കാണ് കോൺഗ്രസ് നേതാവ് രാഹുൽ ഗാന്ധിയുടെ മറുപടി.

Also Read: മദ്യപിച്ച് വഴക്കിടുന്നത് പതിവ്, ആ വഴക്കിൽ അവസാനിച്ചത് ഒരു ജീവനും, തിരുവനന്തപുരത്ത് ജ്യേഷ്ഠനെ കുത്തിക്കൊന്നു

അന്ധവിശ്വാസം ഉളവാക്കുന്ന വാക്കുകൾ പ്രചരിപ്പിച്ച് പ്രധാനമന്ത്രി പദത്തിന്റെ അന്തസ്സ് കളയരുതെന്ന് രാഹുൽ ഗാന്ധി തുറന്നടിച്ചു. വിലക്കയറ്റവും തൊഴിലില്ലായ്മയും പ്രധാനമന്ത്രി കാണുന്നില്ല. കൊള്ളരുതായ്മകൾ മറച്ചുവെക്കാനാണ് മോദിയുടെ ശ്രമം. ജനങ്ങളുടെ പ്രശ്നങ്ങളിൽ മറുപടി പറയണമെന്നും രാഹുൽ ആവശ്യപ്പെട്ടു.

അതേസമയം മോദിയുടെ പരാമർശത്തിന് പിന്നാലെ മോദി കറുത്ത വസ്ത്രം ധരിച്ച് ചിത്രങ്ങൾ കൺഗ്രസ് ജനറൽ സെക്രട്ടറി ജയറാം രമേശ് സോഷ്യൽ മീഡിയയിൽ പങ്കുവെച്ചിരുന്നു. കള്ളപ്പണം തിരിച്ച് കൊണ്ടുവരുന്നതിന് കേന്ദ്ര സർക്കാർ ഒന്നും ചെയ്യുന്നില്ല. കറുത്ത വസ്ത്രവുമായി ബന്ധപ്പെട്ട് ആവശ്യമില്ലാത്ത വിവാദങ്ങൾ ഉണ്ടാക്കാനാണ് മോദി ശ്രമിക്കുന്നതെന്നും അദ്ദേഹം കുറ്റപ്പെടുത്തി. കറുത്ത വസ്ത്രം ധരിക്കുന്നതിൽ പൊതുജനങ്ങൾക്ക് പ്രശ്‌നമില്ലെന്നും എന്നാൽ പ്രധാനമന്ത്രി നരേന്ദ്ര മോദിയുടെ നേതൃത്വവുമായി അവർക്ക് പ്രശ്‌നങ്ങളുണ്ടെന്നും പ്രിയങ്ക ഗാന്ധിയും പ്രതികരിച്ചിരുന്നു.

Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക

Web Title : Malayalam News from Samayam Malayalam, TIL Network