Curated by Samayam Desk | Samayam Malayalam | Updated: Aug 11, 2022, 1:32 PM
ഞായറാഴ്ച നടന്ന ഉപരാഷ്ട്രപതി തെരഞ്ഞെടുപ്പില്‍ 74.36 ശതമാനം വോട്ട് നേടിയാണ് ധന്‍കര്‍ വിജയിച്ചത്. കഴിഞ്ഞ ആറ് ഉപരാഷ്ട്രപതി തെരഞ്ഞെടുപ്പുകളില്‍ വെച്ച് ഏറ്റവും ഉയര്‍ന്ന വോട്ട് വിഹിതമാണ് ജഗ്ദീപ് ധൻകർ സ്വന്തമാക്കിയത്.
ഹൈലൈറ്റ്:
- ഉപരാഷ്ട്രപതിയായി ജഗ്ദീപ് ധൻകർ സത്യപ്രതിജ്ഞ ചെയ്ത് അധികാരമേറ്റു.
- പതിനാലാമത് ഉപരാഷ്ട്രപതിയാണ് ജഗ്ദീപ് ധൻകർ.
- രാഷ്ട്രപതി ദ്രൗപദി മുര്‍മു ആണ് ധൻകറിന് സത്യവാചകം ചൊല്ലി കൊടുത്തു.
Also Read: ‘പ്രധാനമന്ത്രി പദത്തിന്റെ അന്തസ്സ് കളയരുത്’, മോദിയുടെ ദുർമന്ത്രവാദ പരിഹാസത്തിന് രാഹുൽ ഗാന്ധിയുടെ മറുപടി
ഞായറാഴ്ച നടന്ന ഉപരാഷ്ട്രപതി തെരഞ്ഞെടുപ്പില്‍ 74.36 ശതമാനം വോട്ട് നേടിയാണ് ധന്‍കര്‍ വിജയിച്ചത്. കഴിഞ്ഞ ആറ് ഉപരാഷ്ട്രപതി തെരഞ്ഞെടുപ്പുകളില്‍ വെച്ച് ഏറ്റവും ഉയര്‍ന്ന വോട്ട് വിഹിതമാണ് ജഗ്ദീപ് ധൻകർ സ്വന്തമാക്കിയത്. സംയുക്ത പ്രതിപക്ഷ സ്ഥാനാര്‍ത്ഥി മാര്‍ഗരറ്റ് ആല്‍വയുടെ 182 വോട്ടിനെതിരെ 528 വോട്ടുകളാണ് ധന്‍കര്‍ സ്വന്തമാക്കിയത്. ബിജെപി നേതൃത്വം നല്‍കുന്ന നാഷണല്‍ ഡെമോക്രാറ്റിക് അലയന്‍സിന്റെ സ്ഥാനാര്‍ത്ഥിയായിരുന്നു ഇദ്ദേഹം.
Also Read: ലഹരിമരത്തില്‍ പൂക്കുന്ന പ്രണയമന്ദാരങ്ങള്‍; എന്തുപറ്റി നമ്മുടെ പെണ്‍കുരുന്നുകള്‍ക്ക്
രാജസ്ഥാനിലെ കിത്താന സ്വദേശിയാണ് ജഗദീപ് ധൻകർ. രാജസ്ഥാൻ ഹൈക്കോടതിയിലും, സുപ്രീംകോടതിയിലും അഭിഭാഷകനായി പ്രവർത്തിച്ചിരുന്നു. അഭിഭാഷകനായിരിക്കവെയാണ് ജനതാദളിലൂടെ രാഷ്ട്രീയ പ്രവേശനം നടത്തിയത്. 1989ൽ ജുൻജുനു മണ്ഡലത്തിൽ നിന്നും ലോക്സഭയിലെത്തി. പാർലമെന്ററി കാര്യ മന്ത്രാലയത്തിൽ സഹമന്ത്രിയായി പ്രവർത്തിച്ചിരുന്നു. പിന്നീട് ബിജെപിയിലേക്ക് ചേക്കേറി. 2019ൽ പശ്ചിമ ബംഗാൾ ഗവർണറായി ചുമതല വഹിച്ചിരുന്നു. മമതയും ജഗദീപ് ധൻകറും തമ്മിലുള്ള പോരാട്ടം ദേശീയ വാർത്തകളിൽ ഇടം പിടിച്ചിരുന്നു.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
Web Title : Malayalam News from Samayam Malayalam, TIL Network
