നിതീഷിന്റെ മലക്കംമറിച്ചിലുകൾക്കു പിന്നിലെന്ത്?

പാന്റ്സ് ആണുങ്ങളുടെ വേഷമോ? ചരിത്രം പറയുന്നതെന്ത്?

നിതീഷ് കുമാറിന്റെ പ്രാദേശിക രാഷ്ട്രീയ സഖ്യങ്ങൾ



2000-ലാണ് നിതീഷ്‌കുമാർ ആദ്യമായി ബീഹാർ നിയമസഭയിലെത്തുന്നത്. മുൻപ് തെരഞ്ഞെടുപ്പുകളിൽ പരാജയപ്പെട്ടിരുന്ന നിതീഷിന്റെ ഒരു പുതിയ തുടക്കമായിരുന്നു അത്. പക്ഷെ നിയമസഭയിൽ ഭൂരിപക്ഷം തെളിയിക്കാനാവാതെ വന്നതോടെ എട്ടാംദിവസം രാജിവെച്ചൊഴിയുക എന്ന നിലയിലേക്ക് സർക്കാർ എത്തിച്ചേരുകയും മുഖ്യമന്ത്രിപദം അദ്ദേഹത്തിന് രാജിവെക്കേണ്ടി വരികയും ചെയ്തു. തുടർന്ന് അഞ്ചുവർഷത്തിനു ശേഷം 2005-ലാണ് രണ്ടാംവട്ടം മുഖ്യമന്ത്രിയാവുന്നത് ആ സമയം ബി. ജെ. പി. നയിച്ച എൻ. ഡി. എ. സഖ്യം അധികാരത്തിലെത്തിയതും നിതീഷിന് കാലാവധി പൂർത്തിയാക്കാൻ സഹായകരമായി.

ബൂത്തു പിടുത്തവും അക്രമവും നിറഞ്ഞ ബീഹാറിലെ തെരഞ്ഞെടുപ്പു ഘടനയെ ഒരു ജനാധിപത്യ സംവിധാനമാക്കി മാറ്റാൻ കഴിഞ്ഞതിലൂടെ രണ്ടായിരത്തിപത്തിൽ നിതീഷ് വീണ്ടും അധികാരത്തിലെത്തി. പിന്നീട് എൻ. ഡി. എ. വിട്ട് യു. പി. എ.യിൽ ചേർന്നെങ്കിലും 2014-ലെ ലോക്സഭ തിരഞ്ഞെടുപ്പിൽ ജെ. ഡി. യു.വിന്റെ തോൽവിയുടെ ഉത്തരവാദിത്വമേറ്റെടുത്ത് മുഖ്യമന്ത്രിസ്ഥാനം 2015-ൽ രാജിവെച്ചു. എന്നിട്ടും പാർട്ടി വീണ്ടും നിതീഷിനെ മുഖ്യമന്ത്രിയാക്കി. മുഖ്യമന്ത്രിപദത്തിൽ നാലാംതവണയായിരുന്നു നിതീഷിന്റെ സ്ഥാനാരോഹണം. 2015-ലെ ബീഹാർ നിയമസഭ തിരഞ്ഞെടുപ്പിൽ മഹാഗഡ്ബന്ധൻ സഖ്യം (ജെ. ഡി. യു. + ആർ. ജെ. ഡി. + കോൺഗ്രസ്) അധികാരം പിടിച്ചതിനെ തുടർന്ന് നിതീഷ് മുഖ്യമന്ത്രിയായി അഞ്ചാംതവണ സ്ഥാനമേറ്റു.

എക്സ്പ്ലെയിനർ: എന്താണ് 5ജി സ്പെക്ട്രം ലേലത്തിൽ സംഭവിച്ചത്?2017-ൽ മഹാഗഡ്ബന്ധൻ പിളർന്നപ്പോൾ നിതീഷ് വീണ്ടും തനിനിറം കാണിച്ചു. വീണ്ടും എൻ. ഡി. എ. പാളത്തിൽ ചെന്നുചേർന്നു. മുഖ്യമന്ത്രി പദം രാജിവെച്ചുനടത്തിയ ഈ നാടകത്തിനുശേഷം ആറാം തവണ വീണ്ടും ബി. ജെ. പി. പിന്തുണയോടെ മുഖ്യമന്ത്രിയായി. എന്നാൽ പതിയെ ബി. ജെ. പി. ബീഹാറിന്റെ രാഷ്ട്രീയ ഭൂമിയിൽ ആധിപത്യം നേടിയതാണ് രണ്ടായിരത്തിഇരുപത്തിലെ തെരഞ്ഞെടുപ്പ് നൽകിയ സൂചന. മുഖ്യമന്ത്രിപദം നിതീഷിന് നൽകിയെങ്കിലും രാഷ്ട്രീയമായി നിതീഷ്‌കുമാർ ദേശീയ രാഷ്ട്രീയത്തിലും പ്രാദേശിക രാഷ്ട്രീയത്തിലും അപ്രസക്തമാകുന്നു എന്നൊരു സൂചന അതിലുണ്ടായിരുന്നു. രാഷ്ട്രീയ നാടകങ്ങളിൽ ഒടുവിലെ ഒന്നാണ് ഈ ആഴ്ച ഉണ്ടായത്.

സഖ്യകക്ഷിയായ ബി. ജെ. പി., ജെ. ഡി. യുവിനെ പിളർത്താൻ ശ്രമിക്കുന്നു എന്നാരോപിച്ച് മുഖ്യമന്ത്രിപദം രാജിവച്ച് നിതീഷ് എൻ. ഡി. എ വിട്ടു. തുടർന്ന് 80 സീറ്റുള്ള ആർ. ജെ. ഡി.യുടേയും 19 സീറ്റുള്ള കോൺഗ്രസിന്റെയും മറ്റ് സഖ്യകക്ഷികളുടേയും പിന്തുണയോടെ എട്ടാംവട്ടവും നിതീഷ് മുഖ്യമന്ത്രിയായി അധികാരമേറ്റു.

രാഷ്ട്രീയ ലക്ഷ്യങ്ങൾ



നിതീഷ്‌കുമാർ പുതിയ നീക്കത്തിലൂടെ ലക്ഷ്യമിടുന്നത് ഇരുപത്തി മൂന്നിലെ തെരഞ്ഞെടുപ്പിലേക്ക് ഒരു ദേശീയ നേതാവ് എന്നനിലയിൽ ഉയർത്തപ്പെടാനും നിലവിലെ സാഹചര്യത്തിൽ തന്റെ പാർട്ടിക്കുണ്ടായ തകർച്ചയെ മറികടക്കുക എന്ന ലക്ഷ്യവുമാണ്. എന്തുതന്നെയായാലും പ്രതിപക്ഷത്തെ രാഷ്ട്രീയ അസ്ഥിരത ഗുണമായാൽ നിലവിലെ എൻ. ഡി. എ. സർക്കാരിനെതിരെ ഒരു പൊതുസമ്മതനായ സ്ഥാനാർഥിയായി നിതീഷ് ഉയരുകയും പാർട്ടിക്ക് അത് ഗുണം ചെയ്യുകയും ചെയ്യും. വർധിച്ചു വരുന്ന തൊഴിലില്ലായ്മയും , വിലക്കയറ്റവും സാമ്പത്തിക പരിഷ്കരണങ്ങൾ ഉണ്ടാക്കിയ ആഘാതങ്ങളും താഴത്തട്ടിലുള്ള ജനങ്ങളെവരെ ബാധിക്കുന്ന ഘട്ടത്തിൽ നിലവിലെ സർക്കാരിനെതിരെ ഒരു പൊതുവികാരം ഉണ്ടാക്കാൻ കഴിഞ്ഞേക്കും. ജനവിരുദ്ധ നയങ്ങളെ പൊളിച്ചുകൊണ്ട് നിതീഷിന് തന്റെ മതേതര രാഷ്ട്രീയ മുഖം ഉയർത്തിപ്പിടിക്കാൻ കഴിഞ്ഞാൽ അത് രാഷ്ട്രീയമായി നേട്ടമാണ്. എന്തുതന്നെയായാലും രാഷ്ട്രീയ ബോധ്യമാണോ വ്യക്തിപരമായ താല്പര്യങ്ങൾ മാത്രമാണോ നിതീഷിനെ നയിക്കുന്നതെന്ന് കാത്തിരുന്ന് കാണണം.

(Samayam Malayalam believes in promoting diverse views and opinions on all issues. They need not conform to our editorial positions.)“ഇന്ത്യ മുസ്ലിങ്ങളുടെ സ്വദേശമല്ലെങ്കിൽ എന്റെ മൂത്ത മകന്റെ സ്വദേശം ഏതാണ്?” —ഗാന്ധിജിയുടെ ക്വിറ്റിന്ത്യാ പ്രസംഗം