സംസ്ഥാനത്ത് റോഡുകളിലെ കുഴിയിൽ വീണ് ബൈക്ക് യാത്രികർ മരണപ്പെടാൻ തുടങ്ങിയതോടെയാണ് ഒരു ഇടവേളയ്ക്കു ശേഷം റോഡുകളുടെ മോശം അവസ്ഥയെക്കുറിച്ച് ചർച്ച ആരംഭിച്ചിരിക്കുന്നത്. റോഡിന്റെ ശോചനീയ അവസ്ഥ ചൂണ്ടിക്കാട്ടി പ്രതിപക്ഷം സർക്കാരിനെതിരെ ശക്തമായി രംഗത്തുണ്ട്. മന്ത്രി റിയാസിന് പരിചയക്കുറവ് ഉണ്ടെങ്കിൽ മുൻ മന്ത്രി ജി സുധാകരനെ കണ്ട് ഉപദേശം തേടണമെന്ന് വി ഡി സതീശൻ പറയുകയും ചെയ്തു. എന്നാൽ ദേശീയപാതാ അതോറിറ്റിക്കുവേണ്ടി സതീശൻ വക്കാലത്ത് പിടിക്കുകയാണെന്ന് റിയാസ് തിരിച്ചടിച്ചു.
ഐസകിന് ഇഡി നൽകിയ നോട്ടീസിന് പ്രസക്തിയില്ല; ബഫർ സോൺ പുതിയ ഉത്തരവിൽ അവ്യക്തത; സുപ്രിം കോടതിയിൽ തിരിച്ചടിയാകും: വിഡി സതീശൻ
സംസ്ഥാനത്ത് ഏതൊക്കെ തരം റോഡുകളാണുള്ളതെന്നും അവ ഏതൊക്കെ വകുപ്പുകൾക്കു കീഴിലാണെന്നും പലർക്കും ധാരണയില്ല. ഏകദേശം ഒന്നര ലക്ഷത്തോളം കിലോമീറ്റർ റോഡാണ് കേരളത്തിലുള്ളത്. റോഡ് സാന്ദ്രതയിൽ ദേശീയ ശരാശരിയേക്കാൾ മൂന്നിരട്ടി മുന്നിലാണ് നമ്മുടെ സംസ്ഥാനം. ആകെയുള്ള റോഡുകളിൽ ഒരു ലക്ഷം കിലോമീറ്ററിൽ അധികം റോഡുകൾ പൊതുമരാമത്ത് വകുപ്പിനു കീഴിലല്ല വരുന്നത് എന്നതാണ് യാഥാർത്ഥ്യം.
അഞ്ച് തരം റോഡുകളാണ് സംസ്ഥാനത്തുള്ളത്. ദേശീയപാത, പൊതുമരാമത്ത് വകുപ്പിനു കീഴിലുള്ള റോഡുകൾ, തദ്ദേശ സ്വയംഭരണ സ്ഥാപനങ്ങൾക്കു കീഴിലുള്ള റോഡുകൾ, വനം വകുപ്പിനു കീഴിലുള്ള റോഡുകൾ, ഇറിഗേഷൻ റോഡുകൾ എന്നിവയാണ് അവ. ഇത് കൂടാതെ റെയിൽവേയ്ക്ക് കീഴിലും കെഎസ്ഇബിക്കു കീഴിലും റോഡുകളുണ്ടെന്ന് ഏഷ്യാനെറ്റ് ന്യൂസ് റിപ്പോർട്ട് ചെയ്യുന്നു.
റോളർ വേണ്ട, ഇടിമുട്ടി മതി; എന്താണ് കോൾഡ് മിക്സ് ടാറിങ്?
കേന്ദ്രത്തിനു കീഴിലുള്ള പതിനൊന്ന് ദേശീയ പാതകളാണ് കേരളത്തിലൂടെ കടന്നു പോകുന്നത്. എൻഎച്ച് 544 (വാളയാർ – ഇടപ്പള്ളി), എൻഎച്ച് 66 (തലപ്പാടി – ഇടപ്പള്ളി – കളയിക്കാവിള), എൻഎച്ച് 966 എ (വല്ലാർപ്പാടം – കളമശേരി), എൻഎച്ച് 744 (കൊല്ലം – കഴുത്തുരുത്തി), എൻഎച്ച് 85 (ബോഡിമേട്ട് – കുണ്ടന്നൂർ), എൻഎച്ച് 766 (കോഴിക്കോട് – മുത്തങ്ങ), എൻഎച്ച് 966 (കോഴിക്കോട് – പാലക്കാട്), എൻഎച്ച് 183 എ (ഭരണിക്കാവ് – വണ്ടിപ്പെരിയാർ), എൻഎച്ച് 966 ബി (വെല്ലിംഗ്ടൺ ഐലൻഡ് – കുണ്ടന്നൂർ), എൻഎച്ച് 183 (കൊല്ലം – തേനി), എൻഎച്ച് 185 (അടിമാലി – കുമളി) എന്നിവയാണ് കേന്ദ്രത്തിനു കീഴിലുള്ള പാതകൾ. ഇവ ആകെ 1800 കിലോമീറ്ററോളം വരും. ഈ റോഡുകളുടെ നിർമ്മാണ ചുമതലയും പരിപാലനവും ദേശീയ പാതാ അതോറിറ്റിക്കാണ്.
പൊതുമരാമത്ത് വകുപ്പിനു കീഴിൽ ഏകദേശം 30,000 കിലോമീറ്റർ റോഡാണുള്ളത്. ബാക്കിയുള്ളവ തദ്ദേശ സ്വയംഭരണ സ്ഥാപനങ്ങൾക്കു കീഴിലുള്ളവയാണ്. കോർപ്പറേഷനു കീഴിൽ 6,000 കിലോമീറ്റർ റോഡാണ് സംസ്ഥാനത്തുള്ളത്. മുനിസിപ്പാലിറ്റികൾക്കു കീഴിൽ 19,000 കിലോമീറ്റർ റോഡാണുള്ളത്. ശേഷിക്കുന്നവ പഞ്ചായത്ത് റോഡുകളാണ്. കണക്ക് പരിശോധിക്കുമ്പോൾ പഞ്ചായത്തിനു കീഴിലാണ് ഏറ്റവും കൂടുതൽ റോഡുള്ളത്. ഇത് കൂടാതെ വനം വകുപ്പിനു കീഴിൽ 4,000 കിലോമീറ്റർ റോഡും ഇറിഗേഷൻ വകുപ്പിനു കീഴിൽ 2,500 കിലോമീറ്റർ റോഡുമുണ്ട്.
പ്രളയം ഒഴിവായത് സര്‍ക്കാരിന്റെ ഇടപെടല്‍ മൂലം… മന്ത്രി റോഷി അഗസ്റ്റിന്‍
