ഒമാ‍ന്‍റെ പൊതുവരുമാനത്തിൽ കുറവ്; കാരണം എണ്ണവില ഇടിവും ഉൽപാദനത്തിലെ കുറവും

Sumayya P | Samayam Malayalam | Updated: 02 Jul 2021, 05:17:00 PM

ഒമാന്‍ ധനകാര്യ മന്ത്രാലയം ആണ് കണക്കുകള്‍ പുറത്തുവിട്ടിരിക്കുന്നത്. മുൻ വർഷത്തെ അപേക്ഷിച്ച് 18.86 ശതമാനത്തി‍െൻറ കുറവാണ് രേഖപ്പെടുത്തിയിരിക്കുന്നത്.

മസ്കത്ത്: ഒമാന്‍റെ പൊതുവരുമാനത്തിൽ കുറവ് രേഖപ്പെടുത്തി. മേയ് അവസാനം വരെയുള്ള കണക്കുകള്‍ പരിശോധിക്കുകയാണെങ്കില്‍ 3.55 ശതകോടി റിയാലാണ് പൊതുവരുമാനത്തില്‍ കുറവ് രേഖപ്പെടുത്തിയിരിക്കുന്നത്. മുൻ വർഷത്തെ അപേക്ഷിച്ച് 18.86 ശതമാനത്തി‍െൻറ കുറവാണ് രേഖപ്പെടുത്തിയിരിക്കുന്നത്. എണ്ണവിലയില ഇടിവും ഉൽപാദനത്തിലെ കുറവുമാണ് വരുമാനത്തില്‍ പ്രതിഫലിച്ചത്. എണ്ണയിൽനിന്നുള്ള വരുമാനത്തിൽ 23.06 ശതമാനത്തി‍ന്‍റെ കുറവാണ് രേഖപ്പെടുത്തിയിരിക്കുന്നത്. പ്രകൃതിവാതകത്തിൽ നിന്നുള്ള വരുമാനത്തിൽ 7.08 ശതമാനത്തി‍െൻറ കുറവും ഉണ്ടായിട്ടുണ്ട്. ചെലവ് ചുരുക്കൽ നടപടികൾ രാജ്യത്ത് ആരംഭിച്ചു കഴിഞ്ഞു. 4.44 ശതകോടി റിയാലാണ് ഇക്കാലയളവിലെ പൊതുചെലവ്. കഴിഞ്ഞ വർഷം സമാന കാലയളവിനെ അപേക്ഷിച്ച് പൊതുചെലവിൽ 2.92 ശതമാനത്തി‍ന്‍റെ കുറവാണ് രേഖപ്പെടുത്തിയിരിക്കുന്നത്. 890.2 ദശലക്ഷം റിയാലാണ് ബജറ്റ് കമ്മിയെന്ന് ധനകാര്യ മന്ത്രാലയം പുറത്തുവിട്ട കണക്കുകള്‍ സൂചിപ്പിക്കുന്നു.

Also Read:

യുഎഇയിലേക്ക് ജൂലൈ 21 വരെ സര്‍വീസില്ലെന്ന് എയര്‍ ഇന്ത്യയും; ടിക്കറ്റെടുത്തവര്‍ക്ക് ഇഷ്ടമുള്ള തീയതിയിലേക്ക് മാറ്റാം

എണ്ണ മേഖലയുടെ വരുമാനവും ചെലവുകളും കൈകാര്യം ചെയ്യുന്നതിനായുള്ള എനർജി ഡെവലപ്മെൻറ് ചെലവുകൾ ബജറ്റിലാണ് ഉൾക്കൊള്ളിച്ചിരിക്കുന്നത്. സർക്കാർ വകുപ്പുകളുടെ ചെലവുകളിൽ നിയന്ത്രണം വരുത്തുന്നതിനായി ഇലക്ട്രോണിക് സംവിധാനം വികസിപ്പിച്ചെടുക്കുന്ന നടപടികൾ ആരംഭിച്ചതായി ധനകാര്യ മന്ത്രാലയം വ്യക്തമാക്കി.

വയനാട്ടില്‍ വീണ്ടും മാന്‍വേട്ട 5 പേര്‍ പിടിയില്‍

Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക

ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ

Web Title : oman sees 19 percentage fall in revenue

Malayalam News from malayalam.samayam.com, TIL Network