എന്താണ് ‘പൊഗോണോട്രോഫി’? മോദിയുടെ താടിയുമായി എന്ത് ബന്ധം, പ്രധാനമന്ത്രിയെ ട്രോളി തരൂർ

ന്യൂഡൽഹി: സമൂഹമാധ്യമങ്ങളിലെ പോസ്റ്റുകളിലൂടെ പുതിയ വാക്കുകൾ പരിചയപ്പെടുത്തുന്നതിൽ മുന്നിലാണ് ശശി തരൂഎ എം പി. ട്വിറ്ററിലടക്കം അദ്ദേഹം നടത്തുന്ന ചില വാക്കുകളുടെ അർഥം തേടുന്നവരുടെ എണ്ണം നിരവധിയാണ്. ഇതിനിടെ ‘പൊഗോണോട്രോഫി‘ എന്ന പുതിയ വാക്കുമായി തരൂർ രംഗത്തുവന്നു.



പാകിസ്ഥാനിലെ ഇന്ത്യൻ ഹൈക്കമ്മീഷനുള്ളിൽ ഡ്രോൺ കണ്ടെത്തി; ആശങ്ക അറിയിച്ച് ഇന്ത്യ

‘പൊഗോണോട്രോഫി’ (pogonotrophy) എന്ന വാക്കിൻ്റെ അർഥം എന്താണെന്ന് ആളുകൾ തേടുന്നതിന് മുൻപ് തന്നെ ഇക്കാര്യത്തിലെ സസ്പെൻസ് അദ്ദേഹം തന്നെ അവസാനിപ്പിക്കുന്നുണ്ട്. ‘പൊഗോണോട്രോഫി’ എന്ന വാക്കിൻ്റെ അർഥം ‘താടിയും മീശയും വളർത്തി പരിപാലിക്കുന്ന കല’ എന്നാണ് ഈ വാക്കിൻ്റെ അർഥമെന്ന് തരൂർ വ്യക്തമാക്കുന്നുണ്ട്. പ്രധാന മന്ത്രി നരേന്ദ്ര മോദിയുടെ പൊഗോണോട്രോഫി മഹാമാരിക്കാലത്തെ മുൻ കരുതമാണെന്നും തരൂർ പരിഹസിച്ചു.

സുഹൃത്തായ രത്തിൻ റോയി എന്നയാളാണ് തനിക്ക് ഈ വാക്ക് പരിചയപ്പെടുത്തി തന്നതെന്ന് തരൂർ വ്യക്തമാക്കുന്നുണ്ട്. ഡോക്ടർ പ്രിയ ആനന്ദ് എന്ന ട്വിറ്റർ ഐഡിയിൽ നിന്നുള്ള ആവശ്യം പരിഗണിച്ചാണ് തരൂർ പുതിയ വാക്ക് പരിചയപ്പെടുത്തിയതെന്നാണ് ശ്രദ്ധേയം.

ഇനി കുട്ടികള്‍ വെളിച്ചത്തിൽ ഇരുന്ന് പഠിക്കും; അങ്കണവാടികള്‍ സമ്പൂര്‍ണമായി വൈദ്യുതിവത്ക്കരിക്കുന്നു

സ്വന്തമായി കണ്ടെത്തിയ വാക്ക് അല്ലെങ്കിൽ പോലും തരൂരിൻ്റെ പുതിയ ട്വീറ്റ് വൈറലാകുകയാണ്. പ്രധാനമന്ത്രിയെ ട്വിറ്ററിലൂടെ മുൻപും തരൂർ പരിഹരിച്ചിരുന്നു. തൻ്റെ സുഹൃത്തും എക്കണോമിസ്റ്റുമാണ് രത്തിൻ റോയ്.