വ്യായാമത്തിൽ സ്ട്രെച്ചിംഗ് എന്തുകൊണ്ട് പ്രധാനപ്പെട്ടതാകുന്നു?

ഒരു നല്ല വ്യായാമ ദിനചര്യയുടെ ഒരു പ്രധാന ഭാഗമാണ് കൈകാലുകൾ വലിച്ചുനീട്ടുവാൻ സഹായിക്കുന്ന സ്ട്രെച്ചിംഗ് വ്യായാമങ്ങൾ. പേശികൾ വലിച്ചുനീട്ടുന്നതിന്റെ പ്രാധാന്യം നമുക്കറിയാമെങ്കിലും, നമ്മളിൽ കുറച്ചുപേർ മാത്രമേ ഇത് നമ്മുടെ വ്യായാമ ദിനചര്യയിൽ ഉൾപ്പെടുത്തുകയോ ശരിയായി നിർവഹിക്കുകയോ ചെയ്യുന്നുള്ളൂ. സ്ട്രെച്ചിംഗ് ചെയ്യുന്നത് നമ്മുടെ പേശികളെ ചൂടാക്കുന്നു, അതിലൂടെ പേശികൾ കൂടുതൽ വഴക്കമുള്ളതായി മാറും. എന്നാൽ എപ്പോൾ സ്ട്രെച്ചിംഗ് ചെയ്യണം എന്നതാണ് പ്രധാനം.

സ്ട്രെച്ചിംഗ് ചെയ്യുന്നതിന്റെ ഗുണങ്ങൾ



നിങ്ങൾ ആഴ്ചയിൽ ഒന്നോ രണ്ടോ തവണ വ്യായാമം ചെയ്യുന്ന ഒരാളാണെങ്കിലും, പേശികൾ വലിച്ചുനീട്ടുന്നത് നിങ്ങളുടെ വ്യായാമ ദിനചര്യയുടെ ഭാഗമായിരിക്കണം. ഇത് നിങ്ങളുടെ പേശികളെ അയവുള്ളതാക്കാൻ സഹായിക്കുകയും ഏതെങ്കിലും വ്യായാമം ചെയ്യുമ്പോൾ ചലനത്തിന്റെ വ്യാപ്തി വർദ്ധിപ്പിക്കുകയും അതുവഴി പരിക്ക്, പേശി വേദന അല്ലെങ്കിൽ സന്ധി വേദന എന്നിവ കുറയ്ക്കുവാൻ സാധിക്കുകയും ചെയ്യും. എന്നാൽ പേശികൾ വലിച്ചുനീട്ടുന്നത് അത്ര എളുപ്പമുള്ള കാര്യമല്ല, മാത്രമല്ല ഇത് നിങ്ങളുടെ ദിനചര്യയിൽ ചേർക്കുമ്പോൾ നിങ്ങൾ ചില കാര്യങ്ങൾ ശ്രദ്ധിക്കേണ്ടതുണ്ട്.

സ്ട്രെച്ചിങ് വ്യായാമം പ്രധാനമായി രണ്ടായി തിരിച്ചിരിക്കുന്നു- ഡൈനാമിക് സ്ട്രെച്ചിങ്, സ്റ്റാറ്റിക് സ്ട്രെച്ചിംഗ് എന്നിവ. ഇവ രണ്ടും നിങ്ങളുടെ വ്യായാമ ദിനചര്യയുടെ വേറിട്ട ഘട്ടത്തിൽ നടത്തുമ്പോൾ വ്യത്യസ്ത രീതികളിൽ അവ നിങ്ങളെ സഹായിക്കുന്നു.

ആദ്യമായി മെഡിറ്റേഷൻ ശീലിക്കുന്നവർക്ക് ചില കൂൾ ടിപ്സ്

സ്ട്രെച്ചിങ് ചെയ്യുന്നതിനുള്ള ശരിയായ സമയം



വ്യായാമത്തിന് മുമ്പുള്ള, സ്റ്റാറ്റിക് സ്ട്രെച്ചിംഗ് നിങ്ങളുടെ ശാരീരിക പ്രകടനത്തെ പരിമിതപ്പെടുത്തിയേക്കാമെന്ന് സമീപകാലത്ത് നടത്തിയ ചില ഗവേഷണങ്ങൾ കാണിക്കുന്നു. സ്റ്റാറ്റിക് സ്ട്രെച്ചിംഗ് നിങ്ങൾ ഉപേക്ഷിക്കണമെന്ന് ഇതിനർത്ഥമില്ല, പകരം അത് ചെയ്യുന്നതിനുള്ള സമയം മാറ്റുക. വ്യായാമങ്ങളുടെ ഭാഗമായി ഇത് ഉൾപ്പെടുത്തുന്നതിനു പകരം, അത് കൂൾ ഡൗൺ ഘട്ടത്തിൽ ചെയ്യാൻ ശ്രമിക്കുക. പേശികൾ ശരിയായി ചൂടാകുകയും കൂടുതൽ വഴക്കമുള്ളതുമായിരിക്കുമ്പോൾ സ്റ്റാറ്റിക് സ്ട്രെച്ചിംഗ് മികച്ച രീതിയിൽ പ്രവർത്തിക്കുകയും ചെയ്യും. സ്ട്രെച്ചിങ് മൈക്രോസ്കോപ്പിക് കേടുപാടുകൾ മൂലമുണ്ടാകുന്ന ശരീരത്തിലെ വീക്കം കുറയ്ക്കില്ല, പക്ഷേ ഇത് ശരീരത്തിന്റെ വിവിധ ഭാഗങ്ങളിലേക്ക് രക്തയോട്ടം മെച്ചപ്പെടുത്താൻ സഹായിക്കും. ഇത് പോഷകങ്ങളും ഓക്സിജനും ശരീരത്തിന്റെ വിവിധ ഭാഗങ്ങളിലേക്ക് കൊണ്ടുപോകാനും പേശികളെ വേഗത്തിൽ പുനരുജ്ജീവിപ്പിക്കുവാനും സഹായിക്കും.

വാം അപ്പ് ചെയ്യുമ്പോൾ



ഡൈനാമിക് സ്ട്രെച്ചിംഗ് ഉപയോഗിച്ച് നിങ്ങളുടെ വ്യായാമം ആരംഭിക്കുന്നത് വളരെ മികച്ച മാർഗ്ഗമാണ്. ഇത്തരത്തിലുള്ള വലിച്ചുനീട്ടൽ ചലന വ്യാപ്തി മെച്ചപ്പെടുത്താൻ സഹായിക്കുകയും തീവ്രമായ വ്യായാമ സെഷനായി നിങ്ങളുടെ പേശികളെ തയ്യാറാക്കുന്നതിലൂടെ പരിക്കുകൾക്കുള്ള സാധ്യത കുറയ്ക്കുകയും ചെയ്യുന്നു. ഡൈനാമിക് സ്ട്രെച്ചിംഗിൽ നിങ്ങളുടെ ദൈനംദിന പ്രവർത്തനവുമായി സാമ്യമുള്ളതും, ശരീരത്തിന്റെ പ്രധാന താപനില വർദ്ധിപ്പിക്കുന്നതും, വേഗത്തിലുള്ള ചലനത്തിനായി ശരീരത്തെ ഒരുക്കുന്നതുമായ ചലനങ്ങളുടെ ഒരു ശ്രേണി ഉൾപ്പെടുന്നു.

ചൂടുകാലത്തെ വ്യായാമത്തിൽ ചെയ്യേണ്ടതും ഒഴിവാക്കേണ്ടതും

സ്റ്റാറ്റിക് vs ഡൈനാമിക് സ്ട്രെച്ചിംഗ്?



സ്റ്റാറ്റിക് സ്ട്രെച്ചിംഗിൽ, ഒരു പ്രത്യേക പൊസിഷനിൽ നിന്ന് ശരീരത്തിലെ ഒരു ഭാഗത്തെ പേശി മാത്രം വലിച്ചുനീട്ടണം, ഇവിടെ ശരീരം മുഴുവൻ ചലിപ്പിക്കേണ്ടതില്ല. തോളുകൾ വലിച്ചുനീട്ടുക, വശങ്ങൾ വളയ്ക്കുക, എന്നിവ സ്റ്റാറ്റിക് സ്ട്രെച്ചിംഗിന്റെ ചില ഉദാഹരണങ്ങളാണ്.

മറുവശത്ത്, ഡൈനാമിക് സ്ട്രെച്ചിംഗ് ചെയ്യുമ്പോൾ ശരീരം തുടർച്ചയായി ഉൾപ്പെടുത്തേണ്ടതുണ്ട്. ഇത് ഒരു മുഴുവൻ ശരീര വ്യായാമമാണ്. അതുകൊണ്ട് തന്നെ പേശികളുടെ കൂടുതൽ ഏകോപനം ആവശ്യമാണ്. ബേർഡ് ഡോഗ്, വാക്കിങ് ലഞ്ചസ്, വാക്കിങ് ഹൈ നീസ് എന്നിവ ഡൈനാമിക് സ്ട്രെച്ചിംഗിന്റെ ചില ഉദാഹരണങ്ങളാണ്.