11കാരനെതിരെ ഷെൽറ്റ‍ര്‍ ഹോമിൽ ലൈംഗികാതിക്രമം; പ്രായപൂർത്തിയാകാത്ത രണ്ട് പേർ പിടിയിൽ

ന്യൂഡൽഹി: ഡൽഹിയിലെ ഷെൽറ്റര്‍ ഹോമിൽ 11വയസ്സുള്ള ബാലൻ ലൈംഗികാതിക്രമത്തിന് ഇരയായതായി റിപ്പോര്‍ട്ട്. കുട്ടിയെ പ്രായപൂര്‍ത്തീയാകാത്ത രണ്ട് കുട്ടികളാണ് ഉപദ്രവിച്ചതെന്നാണ് ദേശീയ മാധ്യമങ്ങളുടെ റിപ്പോര്‍ട്ട്. സംഭവത്തിൽ കേസെടുത്ത പോലീസ് 17 വയസ്സുള്ള രണ്ട് പേരെ പോലീസ് കസ്റ്റഡിയിലെടുത്തു. കുട്ടിയ്ക്കു വേണ്ടി ഷെൽറ്റര്‍ ഹോം അധികൃതര്‍ പോലീസിൽ പരാതി നല്‍കിയപ്പോഴാണ് സംഭവം പുറംലോകമറിയുന്നത്.



യുപി സ്വദേശിയായ കുട്ടിയണ് പീഡനത്തിന് ഇരയായതെന്നാണ് പോലീസ് പറയന്നത്. കഴിഞ്ഞ വര്‍ഷം വീട്ടിൽ നിന്ന് ഇറങ്ങിപ്പോന്ന കുട്ടിയെ ഒരു സന്നദ്ധ സംഘടന റെയിൽവേ സ്റ്റേഷനിൽ നിന്ന് കണ്ടെത്തി ഷെൽറ്റര്‍ ഹോമിലെത്തുക്കുകയായിരുന്നു. ജൂൺ 28ന് രാത്രി ഇതേ സ്ഥാപനത്തിലെ അന്തേവാസിയായ 17കാരൻ തന്നെ പീഡിപ്പിക്കുകയായിരുന്നുവെന്നാണ് കുട്ടി പോലീസിനു നല്‍കിയിരിക്കുന്ന മൊഴി. ബഹളമുണ്ടാക്കാൻ ശ്രമിച്ചെങ്കിലും തന്നെ കൊന്നുകളയുമെന്ന് ഭീഷണിപ്പെടുത്തിയെന്നും കുട്ടി പറഞ്ഞു. സംഭവത്തെപ്പറ്റി ആരോടും പറയരുതെന്നും കുട്ടി പ്രതിയോടു ഭീഷണിപ്പെടുത്തിയിരുന്നെന്ന് പോലീസ് ടൈംസ് ഓഫ് ഇന്ത്യയോടു പറഞ്ഞു.

Also Read: കൊവിഡ് ബാധിച്ച് മരിച്ചവരുടെ പേരുകൾ പ്രസിദ്ധീകരിക്കാൻ സർക്കാർ തീരുമാനം; വിവരം പങ്കുവച്ച് ആരോഗ്യമന്ത്രി

തൊട്ടടുത്ത ദിവസവും സ്ഥാപനത്തിൻ്റെ ശുചിമുറിയിൽ വെച്ച് സ്ഥാപനത്തിലെ തന്നെ മറ്റൊരു 17കാരൻ കുട്ടിയെ പീഡനത്തിന് ഇരയാക്കിയെന്ന് പോലീസ് പറഞ്ഞു. സംഭവം പുറത്തു പറയരുതെന്ന് കുട്ടിയെ പ്രതികള്‍ ഭീഷണിപ്പെടുത്തിയിരുന്നു. എന്നാൽ സംഭവം കുട്ടി സ്ഥാപനത്തിലെ കെയര്‍ടേക്കറോടു തുറന്നു പറയുകയായിരുന്നു. പോലീസിൽ വിവരമറിയിച്ചതിനെ തുടര്‍ന്ന് കുട്ടിയ്ക്ക് വൈദ്യസഹായം ലഭ്യമാക്കി.

Also Read: കൊടകര കുഴൽപ്പണം: കെ സുരേന്ദ്രനെ പോലീസ് ചോദ്യം ചെയ്യും, നോട്ടീസ് കൈമാറി

സംഭവത്തിൽ പോലീസ് കേസെടുത്ത സാഹചര്യത്തിൽ കുട്ടിയെ മറ്റൊരു ഷെൽറ്റര്‍ ഹോമിലേയ്ക്ക് മാറ്റിയിട്ടുണ്ട്. പ്രതികളായ രണ്ട് പേരും പോലീസ് കസ്റ്റഡിയിലാണ്. പ്രകൃതിവിരുദ്ധ പീഡനത്തിനുള്ള ഐപിസി സെക്ഷൻ 377 അനുസരിച്ചും വിവിധ പോക്സോ വകുപ്പുകള്‍ അനുസരിച്ചുമാണ് പ്രതികള്‍ക്കെതിരെ കേസെടുത്തിട്ടുള്ളത്. ജുവനൈൽ ജസ്റ്റിസ് ആക്ട് പ്രകാരമാണ് പോലീസ് നടപടികള്‍ സ്വീകരിക്കുന്നത്.